Revised Common Lectionary (Complementary)

¹⁸ Kej xjal eteˈ tjakˈ tcawbil taaw twitz txˈotxˈ, qˈuelel cyiiqˈuen ejeeˈy. Bix oj cyel cyiiqˈuen ejeeˈy, qˈuelel cyniˈya tiˈj o tzˈel cyiiqˈuen inayena nejl cywitza. ¹⁹ Nuket junx cynaabla tuyaj cynaabl xjal te twitz txˈotxˈ, n‑oqueltzele cyakˈa cye, cuma junxseke cyuyey. Pero yaaˈn junx cynaabla tuya cynaabl xjal te twitz txˈotxˈ. Ma jaw nscyˈoˈnkey tuˈn tel cypaˈn cyiiba cyiˈj. Juˈ tzunj, qˈuelel cyiiqˈuen ejeeˈy. ²⁰ Cˈoquel cycˈuˈja tiˈj jun yol xiˈ nkbaˈna cyey nejl. Yaaˈn jun akˈanal mas jawnex twitzj tpatrón. Juˈ tzunj, ka ma chi kˈojl xjal wiˈja, jax chi kˈojlel cyiˈja. Pero jax at juun o cybi nyola. Jax juˈx cyey, at juun cˈoquel cybiˈn cyyola.

²⁶ Cxeˈl nsmaˈna Onlte cyey. At tuya Nmana. Ja Espíritu Santo, bix juˈ ctzaal tuya Nmana. Jtaakˈen tuˈn tchicˈajax alcyej jaxxix. Oj tul, cˈakˈanaltzen tuj cyanem xjal tuˈn tcyaj tuj tzinen alcye kena. ²⁷ Jax juˈx cyey, chi kˈumela cye xjal wiˈja, cuma o chi tena wuyena jatxe tej wakˈa akˈanal―tz̈i Jesús cye t‑xnakˈatzxin.