Revised Common Lectionary (Complementary)

Dee 71 Psalm

¹ Ekj ha mine fetruehe enn die, O Herr Gott, lot mie nijch to Schaunde jemoakt woare opp emma.

² Doo mie aufleewre un rade enn diene Jerajchtijchkjeit; horjch no mie un rad mie.

³ Sie en groota Steen fa mie no woont ekj emma gone kaun; du hast en aunkommendeare jejäft mie to rade; dan du best mien groota Steen un miene Fastinj.

⁴ O mien Gott, doo mie aufleewre ut däm Fient siene Haunt, un ut daem Onnjerjachta siene Bennehaunt, un fonn dee Ruchloose.

⁵ Dan du best miene Hopninj, O Gott Herr Gott, mien Toofetruehe fonn miene Jugent.

⁶ Ekj ha enn die jerüt fonn miene Muttalief; du best dee, dee mie ut miene Mutta aea Muttalief rut neem; mien Preis saul emma fonn die senne.

13 Wan ekj met Mensche oda Enjel Sproake raed oba ha nich Leew, sie ekj nusscht meeha aus en ludet Messinkj oda ne kjlingende Schal.

² En wan ekj de Profeetegow ha, en weet aul daut Jeheemnet, en ha aulet Erkjantnes; en wan ekj daen Gloowe ha Boaj to fesate, oba ha nich Leew, sie ekj nusscht.

³ En wan ekj aul mien Hab en Goot wajch jaew, en wan ekj mien Lief han jaew tom febrenne, oba ha nich Leew, ha ekj kjeen nutse doarut.

⁴ De Leew helt lang ut; de Leew es leeftolich; de Leew es nich neidesch; pucht sikj nich, es nich stollt, es nich prautsich,

⁵ es nich onnjeschekjt, es nich nosikj, es nich enn-jeoajet, reakjent daut Beese nich aun,

⁶ freit sikj nich aewa Onnjerachtichkjeit, oba freit sikj met de Woarheit.

⁷ Dee fedrajcht aules, en fesajcht nich em Gloowe, enne Hopninj en enne Jedullt.

⁸ De Leew jeft niemols opp; oba Profetseiunje woare wajch jenome woare; oda Sproake, dee woare oppheare; oda Erkjantnes, daut woat uk wajch jenome woare.

⁹ Wie weete nu bloos stekwies, en wie profetseie nu stekwies.

¹⁰ Oba wan daut follkomne kjemt, dan woat daut waut Stekwies es, wajch jenome woare.

¹¹ Aus ekj en Kjint wea, raed ekj so aus en Kjint, ekj docht so aus en Kjint, ekj raeakjend so aus en Kjint; oba aus ekj en Maun wort, laed ekj daut auntsied waut kjindisch wea.

¹² Dan wie seene nu so es derch en Speajel enn en Rotsel, oba dan so aus Jesecht to Jesecht; nu festo ekj stekwies, oba dan woa ekj em folle festone, jrod so aus mie nu em folle festone woat.

¹³ Nu bliewe Gloowe, Hopninj en Leew, dise dree; oba de jratste unja dise es de Leew.

²¹ En hee funk aun an to saje: "Fonndoag es dise Schreft erfelt en jun jehea."

²² En aule jeewe am Zeichnes en wunndade sikj aewa dee Jnodje Wead dee hee raed, en saede: "Es dit nich Joosaf sien Saen?"

²³ En hee saed to an: "Jie woare mie secha dit Schprechwuat faeahoole: Dokta, heel dieselfst! Waut wie jeheat ha daut du enn Kapernaum deetst, doo uk hia wua du Tus best!"

²⁴ En hee saed: "Enn Woarheit saj ekj ju: en Profeet es enn siene eajne Staut nich aunjenaem.

²⁵ Enn Woarheit saj ekj ju, doa weare fael Waetfruhes enn Iesrael enn Elia siene Tiet, aus dee Himel fa dree Yoa en sas Moonat feschlote wea en doa ne groote Hungaschnoot aewa daut gaunse Launt kjeem,

²⁶ en doch wort Elia no kjeene jeschekjt buta no Sarepta enn Siedoon no ne Fru dee ne Waetfru wea.

²⁷ En doa weare fael utsautsje in Iesrael to daem Profeet Eliesa siene Tiet, en doch nich eena fonn dee wea rein jemoakt buta Naheeman fonn Sierean."

²⁸ Aul dee enne Sienagoog, aus see daut heade, weare foll Oaja,

²⁹ en stunnde opp en schmeete am ut dee Staut erut, en leide am no en steile Aufgrunt fom Boaj opp daen dee Staut jebuet wea, omm daut see am rauf schmiete wudde.

³⁰ Oba hee jinkj medenderch an en jinkj wajch.