Readings for Lent and Easter

²¹ “Munkwatirwe ekisa mikwano gyange, munkwatirwe ekisa,
    kubanga omukono gwa Katonda gunkubye.
^22 (A)Lwaki munjigga nga Katonda bw’anjigga?
    Omubiri gwe mufunye tegumala?

^23 (B)“Singa nno ebigambo byange byawandiikibwa,
    Singa byawandiikibwa ku muzingo, bandiguwadde ani?
²⁴ Singa byawandiikibwa n’ekyuma ku lubaati,
    oba okuwandiikibwa ku lwazi ne bibeerawo emirembe n’emirembe!
^25 (C)Mmanyi nga Omununuzi wange mulamu,
    era nga ku nkomerero aliyimirira ku nsi.
^26 (D)Era ng’olususu lwange bwe luweddewo,
    kyokka mu mubiri gwange ndiraba Katonda;
^27 (E)nze mwene ndimulaba,
    n’amaaso gange, Nze, so si mulala.
    Emmeeme yange ng’eyaayaana munda mu nze!

²⁸ “Bwe mugamba nti, ‘Tujja kumuyigganya,
    kubanga ensibuko y’emitawaana eri mu ye;’
^29 (F)nammwe bennyini musaana mutye ekitala.
    Kubanga obusungu buleeta okubonereza okw’ekitala,
    olwo mulyoke mumanye ng’eriyo okusalirwa omusango.”