◀ All Reading Plans / Old/New Testament / 1 Chronicles 4-6 John 6:1-21 (Awadhi Bible: Easy-to-Read Version)

Prev Day

May 17, 2004

Next Day

Use the calendar to view readings from this devotional.

May 2004
Su	Mo	Tu	We	Th	Fr	Sa
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Return to today's reading

Old/New Testament

Each day includes a passage from both the Old Testament and New Testament.

Duration: 365 days

1 इतिहास 4-6

यहूदा क दूसर परिवार समूह

4 इ यहूदा क पूतन क सूची अहइ:

उ पचे पेरेस, हेस्रोन, कर्मी हूर अउ सोबाल रहेन।

²सोबाल क पूत रायाह रहा। रायाह, यहत क बाप रहा। यहत, अहूमै अउ लहद क बाप रहा। सोराई लोग अहूमै अउ लहद क सन्तान रहेन।

³एताम क पूत यिज्रेल, यिस्मा, अउ यिद्वास रहेन अउर ओनकर एक बहिन हस्सलेलपोनी नाउँ क रहा।

⁴पनूएल गदोर क बाप रहा अउर एजेर रुसा क बाप रहा।

हूर क इ सबइ पूत रहेन: हूर एप्राता क पहिला पूत रहा अउर एप्राता बेतलहेम क संस्थापक रहा।

⁵तको क बाप असहूर रहा। तको क दुइ पत्नियन रहिन। ओनकर नाउँ हेबा अउ नारा रहा। ⁶नारा क अहुज्जाम, हेपेर, तेमनी अउ हाहस्तारी पूत रहेन। इ सबइ असहूर स नारा क पूत रहेन। ⁷हेला क पूत सेरेत, यिसहर अउ एत्नान अउ कोस रहेन। ⁸कोस आनूब अउ सोबेबा क बाप रहा। कोस, अर्हेल परिवार समूह क भी बाप रहा। अर्हेल हारून क पूत रहा।

⁹याबेस बहोत नीक मनई रहा। उ अपने भाइयन स जियादा आदरणीय रहा। ओकर महतारी कहेस, “मइँ ओकर नाउँ याबेस धरेउँ ह काहेकि मइँ उ समइ बड़ी पीरा मँ रही जब मइँ एका जन्म दिहेउ।” ¹⁰याबेस इस्राएल क परमेस्सर स पराथना किहस। याबेस कहेस, “मइँ चाहत हउँ कि तू मोका फुरइ आसीर्बाद द्या। मइँ चाहत हउँ कि तू मोका जियादा भुइँया द्या। मोरे निचके रहइँ अउर कउनो क मोका चोट न पहोंचावइ देइँ। तब मोका कउनो कस्ट नाहीं होइ अउर परमेस्सर याबेस क उ दिहस, जउन उ माँगेस।”

¹¹कलूब सूहा क भाई रहा। कलूब महीर क बाप रहा। महीर एसतोन क बाप रहा। ¹²एसतोन, बेतरामा, पासेह अउ तहिन्ना क बाप रहा। तहिन्ना ईर्नाहास क बाप रहा। उ सबइ लोग रेका स रहेन।

¹³कनज क पूत ओत्नीएल अउ सरायाह रहेन। ओत्नीएल क पूत हतत अउ ओनोतै रहेन। ¹⁴मोनोतै ओप्रा क बाप रहा।

अउर सरायाह योआब क बाप रहा। योआब गेहरासीम क संस्थापक रहा। इ सबइ लोग इ नाउँ क उपयोग करत रहेन काहेकि उ पचे कारीगर रहेन।

¹⁵कालेब यपुन्ने क पूत रहा। कालेब क पूत इरू, एला अउ नाम रहेन। एला क पूत कनज रहा।

¹⁶यहल्लेल क पूत जीप, जीपा, तीरया अउ असरेल रहेन।

^17-18एज्रा क पूत येतेर, मेरेद, एपेर अउ यालोन रहेन। मेरेद, मिर्य्याम, सम्मै अउ यिसबह क बाप रहा। यिसबह, एसतमो क बाप रहा। मेरेद क एक मेहरारु मिस्र क रही। ओकर पूत येरेद, हेबेर, अउर यवूतीएल रहेन। येरेद गदोर क बाप रहा। हेबेर सोको क बाप रहा अउर यवूतीएल जानोह क बाप रहा। इ सबइ बित्या क पूत रहेन। बित्या फिरौन क बिटिया रही। उ मिस्र क मेरेद क पत्नी रही।

¹⁹मेरेद क मेहरारु नहम क बहिन रही। मेरेद क मेहरारु यहूदा क रही। मेरेद क मेहरारु क पूत कीला अउ एसतमो क बाप रहेन। कीला गेरेमी लोगन मँ स रहा अउ एसतमो माकाई लोगन मँ स रहा। ²⁰सिमोन क पूत अम्मोन, रिन्ना बेन्हानान अउ तोलोन रहेन।

यिसी क पूत जोहेत अउर बेनजोहेत रहेन।

^21-22सेला यहूदा क पूत रहा। सेला क पूत एर, लादा, योकीम, कोर्जवा क लोग, योआस, अउर साराप रहेन। एर लेका क बाप रहा। लदा मारेसा क बाप रहा अउर बेतेआसबे क सन कारीगरन क परिवार समूह क रहा। यआस अउ साराप मोआबी मेहररुअन स बियाह किहस। तब उ पचे बेतलेहेम क लउट आएन। उ परिवार क बारे मँ लिखी गई सामग्री बहोत पुरानी अहइ। ²³सेला उ सबइ पूत अइसे कारीगर रहेन जउन माटी स चिजियन बनावत रहेन। उ पचे नताईम अउ गदेरा मँ रहत रहेन। उ पचे ओन नगरन मँ रहत रहेन अउर राजा बरे काम करत रहेन।

सिमोन क गदेलन

²⁴सिमोन क पूत, नमूएल, यामीन, यारीब, जेरह अउर साऊल रहेन। ²⁵साऊल क पूत सल्लूम रहा। सल्लूम क पूत मिबसाम रहा। मिबसाम क पूत मिस्मा रहा।

²⁶मिस्मा क पूत हम्मूएल रहा। हम्मूएल क पूत जकूर रहा। जकूर क पूत सिमी रहा। ²⁷सिमी क सोलह पूत अउ छ: बिटियन रहिन। किन्तु सिमी क भाइयन क जियादा बच्चन नाहीं रहेन। सिमी क भाइयन क बड़के परिवार नाहीं रहेन। ओनकर परिवार ओतने बड़े नाहीं रहेन जेतने बड़के यहूदा क दूसर परिवार समूह रहेन।

²⁸सिमी क बच्चन बेर्सना, मोलादा, हसर्सआल, ²⁹बिल्हा, एसेम, तोलाद, ³⁰बतूएल होर्मा, सिकलग, ³¹बेत मर्कोबोत, हसर्स्सीम, बेतबिरी, अउर सारैम मँ रहत रहेन। उ पचे ओन नगरन मँ तब तलक रहेन जब तलक दाऊद राजा नाहीं भवा। ³²एन नगरन क समीप क पाँच गाँव एताम, ऐन, रिम्मोन, तोकेन अउ आसान रहेन। ³³दूसर गाँव जइसे बाल बहोत दूर रहेन अउर उ पचे अपने परिवार क इतिहास भी लिखेन।

^34-38इ सूची ओन लोगन क अहइ जउन अपने परिवार समूह क प्रमुख रहेन। उ पचे मसोबाब, यम्लेक, अमस्याह क पूत योसा, योएल, योसिय्याह क पूत येहू, सरायाह क पूत योसिय्याह, असीएल क पूत सरायाह, एल्योएनै, याकोबा, यसोहायाह, असायाह, अदीएल, यसीमीएल, बनायाह अउर सिपी क पूत जीजा रहेन। सिपी अल्लोल क पूत रहा। अउर अल्लोन यदायाह क पूत रहा। यदायाह सिम्री क पूत रहा। अउर सिम्री समायाह क पूत रहा।

एन मनसेधुअन क इ सबइ परिवार बहोत विस्तृत भएन। ³⁹उ पचे गदोर नगर क बाहेर, घाटी क पूरब क छेत्र मँ गएन। उ पचे अपनी भेड़िन अउर गोरुअन बरे चरागाह हेरइ बरे उ जगह पइ गएन। ⁴⁰ओनका बहोत घासवाले अच्छे मैदान मिलेन। उ पचे हुँवा बहोत जियादा अच्छी भुइँया पाएन। उ पहँटा सान्तिपूर्ण अउ सान्त रहा। पुराने जमाने मँ हिआँ हम लोगन क सन्तानन रहत रहिन। ⁴¹इ तब भवा जब हिजकिय्याह यहूदा क राजा रहा। उ पचे लोग गदोर पहोंचेन अउर हमीत लोगन स लड़ेन। उ पचे हमीत लोगन क डेरन क नस्ट कइ दिहन। उ सबइ लोग मूनी लोगन स भी लड़ेन जउन हुवाँ रहत रहेन। एन लोग सबहिं मूनी लोगन क नस्ट कइ डाएन। आजु भी एन जगहन मँ कउनो मूनी नाहीं अहइँ। एह बरे ओन लोग हुँवा रहब सुरु किहन। उ पचे हुवाँ रहइ लागेन। काहेकि ओनकर भेड़ियन बरे उ भूइया पइ घास रही।

⁴²पाँच सौ लोग सिमोनी लोगन सिमोनी क पर्वत क छेत्र मँ गएन। सिसी क पूतन ओन लोगन क मार्ग दर्सन किहन। उ पचे पूतन रहेन: पलत्याह, नार्याह, रपायाह अउर उज्जीएल रहेन। सिमोनी लोग उ जगह पइ रहइवाले लोगन स लड़ेन। ⁴³हुवाँ अबहिं थोड़े स सिरिफ अमेलेकी लोग रहत रहेन अउर एन सिमोनी लोग ओनका मारि दिहन अउर हुवाँ आजु तलक लगातार रहत आवत हीं।

रूबेन क सन्तानन

5 ^1-3रूबेन इस्राएल क पहिला पूत रहा। रूबेन क सब स बड़के पूत होइ क बिसेस अधिकार प्राप्त होइ चाही रही। किन्तु रूबेन अपने बाप क पत्नी क संग सरीर क सम्बन्ध कायम किहस। एह बरे उ सबइ अधिकार यूसुफ क पूतन पाएन। परिवार क इतिहास मँ रूबेन क नाउँ पहिले पूत क रूप मँ लिखा नाहीं अहइ। यहूदा अपने भाइयन स जियादा बलवान होइ गवा, एह बरे ओकरे परिवार स प्रमुख आएन। किन्तु यूसुफ क परिवार उ सबइ दूसर अधिकार पाएन। जउन सब स बड़के पूत क मिलत रहिन।

रूबेन क पूत हनोक, पल्लू अउर हेस्रोन अउ कर्मी रहेन।

⁴योएल क सन्तानन क नाउँ इ सबइ अहइँ: समायाह योएल क पूत रहा। गोग समायाह क पूत रहा। सिमी गोग क पूत रहा। ⁵मीका सिमी क पूत रहा। रायाह मीका क पूत रहा। बाल रायाह क पूत रहा। ⁶बेरा बाल क पूत रहा। अस्सूर क राजा तिलगत पिलनेसेर बेरा क आपन घर तजइ क मजबूर किहन। इ तरह बेरा राजा क बन्दी बना। बेरा रूबेन क परिवार समूह क प्रमुख रहा।

⁷योएल क भाइयन अउर ओकरे सारे परिवार समूहन क वइसे ही लिखा जात अहइ जइसे उ पचे परिवार क इतिहास मँ अहइँ: यीएल पहिला पूत रहा, तब जकर्याह ⁸अउ बेला अजाज क पूत रहा। अजाज सेमा क पूत रहा। सेमा योएल क पूत रहा। उ पचे अरोएर स लगातार नबो अउर बाल्मोन तलक क छेत्रन मँ रहत रहेन। ⁹बेला क लोग पूरब मँ परात नदी क लगे, रेगिस्ताने क किनारे तलक रहत रहेन। उ पचे उ जगह पइ रहत रहेन काहेकि गिलाद प्रदेस मँ ओनके लगे बहोत स बर्धा रहेन। ¹⁰जब साऊल राजा रहा, बेला क लोग हाग्री लोगन क खिलाफ जुद्ध किहन अउ ओनका हराएन। बेला क लोग ओन खेमन मँ रहेन जउन हाग्री लोगन क रहेन। उ पचे ओन खेमन मँ रहेन अउर गिलाद क पूरब क सारे छेत्र स होइके जात्रा करत रहेन।

गाद क सन्तानन

¹¹गाद क परिवार समूह क लोग रूबेन क परिवार समूह क लगे रहत रहेन। गादी लोग बासान क छेत्र मँ लगातार सल्का नगर तलक रहत रहेन। ¹²बासान मँ योएल पहिला प्रमुख रहा। सापम दूसरा प्रमुख रहा। तब यानै प्रमुख भवा। ¹³ओकर परिवार स सात भाई इ सबइ रहेन: मीकाएल, मसुल्लाम, सेबा, योरै, याकान जी अउर एबेर। ¹⁴उ सबइ लोग अबीहैल क सन्तान रहेन। अबीहैल सूरी क पूत रहा। हूरी याराह क पूत रहा। योराह गिलाद क पूत रहा। गिलाद मीकाएल क पूत रहा। मीकाएल यसीसै क पूत रहा। यसीसै यहदो क पूत रहा। यहदों बूज क पूत रहा। ¹⁵अही अब्दीएल क पूत रहा। अब्दीएल गूनी क पूत रहा। अही ओनके परिवार क प्रमुख रहा।

¹⁶गाद क परिवार समूह क लोग गिलाद छेत्र मँ रहत रहेन। उ पचे बासान छेत्र मँ बासान क चारिहुँ कइँती क नान्ह नगरन मँ अउ सारोन छेत्र क चारागाहन मँ ओकरी चउहद्दी तलक निवास करत रहेन।

¹⁷योनातान अउ यारोबाम क समइ मँ, एन सबहिं लोगन क नाउँ गाद क परिवार इतिहास मँ लिखे रहेन। योनातन यहूदा क राजा रहा। अउर यारोबान इस्राएल क राजा रहा।

जुद्ध मँ निपुण कछू फउजी

¹⁸मनस्से क परिवार क आधे तथा रूबेन अउ गाद क परिवार समूहन स चौवालीस हजार सात सौ साठ वीर जोधा जुद्ध क बरे तइयार रहेन। उ पचे जुद्ध मँ निपुण रहेन। उ पचे ढार-तरवार धारण अउ करत रहेन। उ पचे धुनुस-बाण मँ भी कुसल रहेन। ¹⁹उ पचे हग्री अउ यतूर, नापीस अउ नोदाब लोगन क खिलाफ जुद्ध सुरु किहन। ²⁰मनस्से, रूबेन अउ गाद परिवार समूह क ओन लोग जुद्ध मँ परमेस्सर स पराथना किहन। उ पचे परमेस्सर स मदद माँगेन काहेकि उ पचे ओह पइ बिस्सास करत रहेन। एह बरे परमेस्सर ओनकर मदद किहस। परमेस्सर ओनका हाग्री लोगन क पराजित करइ दिहस अउर ओन लोग दूसर लोगन क हराएन जउन हग्री लोगन क संग रहेन। ²¹उ पचे ओन जनावरन क लिहन जउन हग्री लोगन क रहेन। उ पचे पचास हजार ऊँट, ढाई लाख भेड़िन, दुइ हजार गदहन अउ एक लाख लोग लिहन। ²²बहोत स हग्री लोग मारे गएन काहेकि परमेस्सर रूबेन क लोगन क खिलाफ जुद्ध जीतइ मँ मदद किहस। तब मनस्से, रूबेन अउ गाद क परिवार समूह क लोग हग्री लोगन क भूइँया पइ रहइ लागेन। उ पचे हुवाँ तब तलक रहत रहेन जब तलक बाबुल क फउज इस्राएल क लोगन क नाहीं लइ गइ अउर जब तलक बाबुल मँ बन्दी नाहीं बनावा गवा।

²³मनस्से क परिवार समूह क आधे लोग बासान क पहँटा क लगातार बाल्हेर्मोन, सनीर अउ हेर्मोन पर्वत तलक रहत रहेन। उ पचे एक बिसाल जन समूहवाले लोग बन गएन।

²⁴मनस्से क परिवार समूह क आधे क प्रमुख इ सबइ रहेन: एपेर, यिसी, एलीएल, अज्रीएल, यिर्मयाह, होदब्याह अउर यहदीएल। उ सबइ सबहिं सक्तीसाली अउर वीर मनई रहेन। उ पचे मसहूर मसनसेधू रहेन अउर उ पचे अपने परिवार क प्रमुख रहेन। ²⁵किन्तु ओन प्रमुखन उ परमेस्सर क बिरुद्ध पाप किहन, जेनकर उपासना ओनकर पुरखन किहे रहेन। उ पचे हुवाँ रहइवाले ओन मनइयन क लबार देवतन क पूजा करब सुरु किहन जेनका परमेस्सर नस्ट किहस।

²⁶इस्राएल क परमेस्सर पूल क जुद्ध मँ जाइ क इच्छुक बनाएस। पूल अस्सूर क राजा रहा। ओकर नाउँ तिलगप्तिलेनेस भी रहा। उ मनस्से, रूबेन अउ गाद क परिवार समूहन क बिरुद्ध लड़ा। उ ओनका आपन घर तजइ क मजबूर किहस अउर ओनका बन्दी बनाएस। पूज ओनका हलह, हबोर, हारा अउर गोजान नदी क लगे लिआवा। इस्राएल क उ सबइ परिवार समूह ओन जगहन मँ उ समइ स अब तलक रहत रहेन ह।

लेवी क सन्तानन

6 लेवी क पूत गेर्सोन, कहात अउ मरारी रहेन।

²कहात क पूत अग्राम, यिसहार, हेब्रोन अउ उज्जीएल रहेन।

³अग्राम क बच्चन हारून, मूसा अउ मरियम रहेन।

हारून क पूत नादाब, अबीहू, एलीआजर अउ ईतामार रहेन। ⁴एलीआजर, पीनहास क बाप रहा। पीनहास, अबीस् क बाप रहा। ⁵अबीस्, बुक्की क बाप रहा। बुक्की उज्जी क बाप रहा। ⁶उज्जी, जरह्याह क बाप रहा। जरह्याह, मरायोत क बाप रहा। ⁷मरायोत, अमार्याह क बाप रहा। अमर्याह, अहीतूब क बाप रहा। ⁸अहीतूब, सादोक क बाप रहा सादोक, अहीमास क बाप रहा। ⁹अहीमास अजर्याह क बाप रहा। अजर्याह, योहानान क बाप रहा। ¹⁰योहानान, अजर्याह क बाप रहा। (अजर्याह उ मनइ रहा जउन यरूसलेम मँ सुलैमान क जरिये बनाए गए मन्दिर मँ याजक क रूप मँ सेवा किहस।) ¹¹अजर्याह, अमर्याह क बाप रहा। अमर्याह अहीतूब क बाप रहा। ¹²अहीतूब, सादोक क बाप रहा। सादोक, सल्लूम क बाप रहा। ¹³सल्लूम, हिलकिय्याह क बाप रहा। हिलकिय्याह, अजर्याह क बाप रहा। ¹⁴अजर्याह, सरायाह क बाप रहा। सरायाह, यहोसादाक क बाप रहा।

¹⁵यहोसादाक तब आपन घर तजइ बरे मजबूर कीन्ह गवा जब यहोवा यहूदा अउ यरूसलेम क लोगन क नबूकदनेस्सर क बन्दी क रूप मँ जिला-वतन मँ पठइ दिहेस।

लेवी क दूसर सन्तानन

¹⁶लेवी क पूत गेर्सोन, कहात अउर मरारी रहेन।

¹⁷गेर्सोन क पूतन क नाउँ लिब्नी अउ सिमी रहेन।

¹⁸कहात क पूत अम्राम, यिसहार, हेब्रोन अउ उज्जजीएल रहेन।

¹⁹मरारी क पूत महली अउर मूसी रहेन।

लेवी क परिवार समूहन क परिवारन क इ सूची अहइ। एनकर सूची ओनके बापन क नाउँ क पहिले राखिके इ अहइ।

²⁰गेर्सोन क सन्तान इ सबइ रहेन: लिब्नी, गेर्सोन क पूत रहा। यहत, लिब्नी क पूत रहा। जिम्मा, यहत क पूत रहा। ²¹योआह, जिम्मा क पूत रहा। इद्दो, योआह क पूत रहा। जेरह, इद्दो क पूत रहा। यातरै जेरह क पूत रहा।

²²इ सबइ कहात क सन्तान रहेन: अम्मीनादाब, कहात क पूत रहा। कोरह, अम्मीनादाब क पूत रहा। अस्सीर, कोरह क पूत रहा। ²³एल्काना, अस्सी क पूत रहा। एब्यासाप, एलकाना क पूत रहा। अस्सीर, एब्यासाप क पूत रहा। ²⁴तहत अस्सीर क पूत रहा। ऊरीएल तहत क पूत रहा। उज्जिय्याह ऊरीएल क पूत रहा। साऊल उज्जिय्याह क पूत रहा।

²⁵एल्काना क पूत अमासै अउ अहीमोत रहेन। ²⁶सोपै, एल्काना क पूत रहा। नहत सोपै क पूत रहा। ²⁷एलीआब, नहत क पूत रहा। यरोहाम, एलीआब क पूत रहा। एल्काना, यरोहाम क पूत रहा। समूएल एल्काना क पूत रहा।

²⁸समूएल क पूतन मँ स सब स बड़का योएल अउ दूसर अबिय्याह रहा। ²⁹मरारी क इ सबइ पूत रहेन: महली, मरारी क पूत रहा। लिब्नी, महली क पूत रहा। सिमी, लिब्नी क पूत रहा: उज्जा, सिमी क पूत रहा। ³⁰सिमा, उज्जा क पूत रहा। हग्गियाह, सिमी क पूत रहा। असायाह, हग्गियाह क पूत रहा।

मन्दिर क गायक

³¹इ सबइ उ सब लोग अहइँ जेनका दाऊद यहोवा क भवन क तम्बू मँ करार क सन्दूक धरे जाइ क पाछे संगीत क प्रबन्ध बरे चुनेस। ³²इ सबइ मनई पवित्तर तम्बू पइ गाइके सेवा करत रहेन। पवित्तर तम्बू क मिलापवाला तम्नू भी कहत हीं अउर एन लोग तब तलक सेवा किहन जब तलक सुलैमान यरूसलेम मँ यहोवा क मन्दिर नाहीं बनाएस। उ पचे अपने काम क बरे दीन्ह गए नेमन क अनुसरण करत भए सेवा किहन।

³³इ सबइ नाउँ ओन मनइयन अउ ओनके पूतन क अहइँ जउन संगीत क जरिये सेवा किहन:

कहाती लोगन क सन्तान रहेन: गायक हेमान। हेमान योएल क पूत रहा। योएल, समूएल क पूत रहा। ³⁴समूएल, एल्काना क पूत रहा। एल्काना, योहाम क पूत हरा। यरोहाम एलीएल क पूत रहा। एलीएल तोह क पूत रहा। ³⁵तोह, सूप क पूत रहा। सूप एल्काना क पूत रहा। एल्काना, महत क पूत रहा। महत अमासै क पूत रहा। ³⁶अमासै, एल्काना क पूत रहा। एल्काना, योएल क पूत रहा। योएल, अजर्याह क पूत रहा। अजर्याह, सपन्याह क पूत रहा। ³⁷सपन्याह, तहत क पूत रहा। तहत, अस्सीर क पूत रहा। अस्सीर, एब्यासाप क पूत रहा। एब्यासाप, कोरह क पूत रहा। ³⁸कोरह, यिसहर क पूत रहा। यिसहार, कहात क पूत रहा। कहात, लेवी क पूत रहा। लेवी, इस्राएल क पूत रहा।

³⁹हेमान क सम्बंधी असाप रहा। असाप हेमान क दाहिनी कइँती खड़े होइके सेवा किहस। असाप बेरेक्याह क पूत रहा। बेरेक्याह सिमा क पूत रहा। ⁴⁰सिमा मीकाएल क पूत रहा। मीकाएल बासेयाह क पूत रहा। बासेयाह मल्किय्याह क पूत रहा। ⁴¹मल्किय्याह एत्नी क पूत रहा। एत्नी जेरह क पूत रहा। जेरह अदायाह क पूत रहा। ⁴²अदायाह एतना क पूत रहा। एतना जिम्मा क पूत रहा। जिम्मा सिमी क पूत रहा। ⁴³सिमी यहत क पूत रहा। यहत गेर्सोन क पूत रहा। गेर्सोन लेवी क पूत रहा।

⁴⁴मरारी क सन्तान हेमान अउ असाप क सम्बंधी रहेन। उ पचे हेमान क बाएँ पच्छ क गायक समूह रहेन। एताव कीसी क पूत रहा। कीसी अब्दी क पूत रहा। अब्दी मल्लूक क पूत रहा। ⁴⁵मल्लूक हसब्याह क पूत रहा। हसब्याह अमस्याह क पूत रहा। अमस्याह हिलकय्याह क पूत रहा। ⁴⁶हिलकिय्याह अमसी क पूत रहा। अमसी बानी क पूत रहा। बानी सेमेर क पूत रहा। ⁴⁷सेमेर महली क पूत रहा। महली मूसी क पूत रहा। मूसी मरारी क पूत रहा। मरारी लेवी क पूत रहा।

⁴⁸हेमान अउ आसाप क भाई लेवी क परिवार समूह स रहेन। लेवी क परिवार समूह क लोग “लेवी बंसी” भी कहे जात रहेन। लेवीय पवित्तर तम्बू मँ करइबरे चुने जात रहेन। पवित्तर तम्बू परमेस्सर क घर रहा। ⁴⁹किन्तु सिरिफ हारून क सन्तानन क होमबलि क वेदी अउर धूप क वेदी पइ होमबलि अउर अउ धूपबलि चढ़ावइ क अनुमति रही। हारून क सन्तान परमेस्सर क घर मँ सब स जियादा पवित्तर स्थान मँ सारा काम करत रहेन। उ पचे इस्राएल क लोगन बरे प्रायस्चित क काम भी करत रहेन। उ पचे ओन सब नेमन अउ विधियन क अनुसरण करत रहेन जेनके बरे परमेस्सर क सेवक मूसा आदेस दिहे रहा।

हारून क सन्तान

⁵⁰हारून क पूत इ सबइ रहेन: एलीआज़र हारून क पूत रहा। पीनहास एलीआज़र क पूत रहा। अबीसू पीनहास क पूत रहा। बुक्की अबीसू क पूत रहा। उज्जी बुक्की क पूत रहा। ⁵¹बुक्की अबीसू क पूत रहा। उज्जी बुक्की क पूत रहा। जरह्याह उज्जी क पूत रहा। ⁵²मरायोत जरह्याह क पूत रहा। अमयीह मरायोत क पूत रहा। अहीतूब अमर्याह क पूत रहा। ⁵³सादोक अहीतूब क पूत रहा। अहीमास सादोक क पूत रहा।

लेवीवंसी परिवारन क बरे घर

⁵⁴इ सबइ उ सब जगहिया अहइँ जहाँ हारून क सन्तानन रहिन। उ पचे उ भुइँया पइ जउन ओनका दीन्ह गइ रही अपने उपनिवेसन मँ रहत रहेन। कहाती परिवारन उ भुइँया क पहिला भाग पाएस जउन लेवीवंस क दीन्ह गइ रही। ⁵⁵ओनका हेब्रोन नगर अउ ओकरे चारिहुँ कइँती क खेत दीन्ह ग रहेन। इ यहूदा पहँटा म रहा। ⁵⁶किन्तु हेब्रोन क नजिक क गाँवअन अउ दूर क खेतन, यपुन्ने क पूत कालेब क दीन्ह ग रहेन। ⁵⁷हारून क सन्तानन क हेब्रोन नगर दीन्ह गवा रहा। हेब्रोन क सुरच्छा नगर रहा। ओनके लिब्ना, यत्तीर, एसतमो, ⁵⁸हीलेन, दबीर, ⁵⁹आसान, जुत्ता, अउ बेतसेमेस नगर भी दीन्ह गएन। उ पचे ओन सबहिं नगरन अउर ओनके चारिहुँ कइँती क खेत प्राप्त किहन। ⁶⁰बिन्यामीन क परिवार समूह क लोगन क गिबोन, गेबा अउ अल्लेमेत अउर अनानोत नगरन दीन्ह गएन। उ पचे ओन सबहिं नगरन अउर ओनके चारिहुँ ओर क खेतन क प्राप्त किहन।

कहाती परिवार क तेरह नगर दीन्ह गएन।

⁶¹बाकी कहात क सन्तानन मनस्से परिवार समूह क आधे स दस नगर प्राप्त किहन।

⁶²गेर्सेम क सन्तानन क परिवार समूह तेरह नगर प्राप्त किहन। उ पचे ओन नगरन क इस्साकार, आसेर, नप्ताली अउर बासान छेत्र मँ रहइवाले मनस्से क एक हींसा स प्राप्त किहन।

⁶³मरारी क सन्तानन क परिवार समूह बारह नगर प्राप्त किहन। उ पचे ओन नगरन क रूबेन, गाद, अउर जबूलून क परिवार समूहन स प्राप्त किहन। उ पचे नगरन क गोटन डाइके प्राप्त किहन।

⁶⁴इ तरह इस्राएली लोग ओन नगरन अउ खेतन क लेवीबंसन क लोगन क दिहन। ⁶⁵उ पचे सबहिं नगर, यहूदा, सिमोन अउर बिन्यामीन क परिवार समूहन स मिलेन। उ पचे गोटन डाइके इ निहचइ किहन कि कउन सा नगर परिवार लेवी क कउन सा परिवार प्राप्त करी।

⁶⁶एप्रैम क परिवार समूह कछू कहाती परिवारन क कछू नगर दिहन। उ सबइ नगर गोटन डाइके चुने गएन। ⁶⁷ओनका साकेम नगर दीन्ह गवा। साकेम सुरच्छ नगर अहइ। ओनका गेजेर ⁶⁸योकमान, बेथोरेन, ⁶⁹अय्यालोन, अउर गत्रिम्मोन भी प्राप्त किहन। उ पचे ओन नगरन क संग क खेत भी पाएन। उ पचे एप्रैम नगर क पहाड़ी प्रदेस मँ रहेन। ⁷⁰अउर इस्राएली लोग, मनस्से परिवार समूह क आधे स, आनेर अउ बिलाम नगरन क कहाती परिवारन क दिहन। ओन कहाती परिवारन ओन नगरन क संग खेतन क भी प्राप्त किहन।

दूसर लेवीबंसी परिवारन घर प्राप्त किहन

⁷¹गेर्सेमी परिवारन मनस्से परिवार समूह क आधे स, बासान अउ अस्तारोत छेत्रन मँ गोलान क नगरन क प्राप्त किहन। उ पचे ओन नगरन क लगे क खेत भी पाएन।

^72-73गेर्सेमी परिवार केदसे, दाबरात, रामोत अउर गानेम नगरन क आसेर परिवार समूह स प्राप्त किहन। उ पचे ओन नगरन क लगे क खेतन भी प्राप्त किहन।

^74-75गेर्सेमी परिवार मसाल, अब्दोन, हूकोक अउर रहोब क नगरन क आसेर परिवार समूह स प्राप्त किहस। उ पचे ओन नगरन क लगे क खेतनभी प्राप्त किहन।

⁷⁶गेर्सोमी परिवार गालील मँ केदेस, हम्मोन अउर किर्यातेम नगरन क भी नप्ताली क परिवार समूह स प्राप्त किहस। उ पचे ओन नगरन क लगे क खेतन भी प्राप्त किहन।

⁷⁷लेवीबंसी लोगन मँ स बाकी मरारी परिवार क अहइँ। उ पचे जेक्रयम, कर्ता, सिम्मोन अउ ताबोर नगरन क जबूलून परिवार समूह स प्राप्त किहन। उ पचे ओन नगरन क लगे क खेत भी प्राप्त किहन।

^78-79मरारी परिवार रेगिस्ताने मँ बेसेर क नगरन, यहसा, कदेमोत, अउ मेपाता क भी रूबेन क परिवार समूह स प्राप्त किहन। रूबेन क परिवार समूह यरदन नदी क पूरब कइँती यरीहो नगर क पूरब मँ रहत रहा। एन मरारी परिवारन नगर क लगे क खेत भी पाएन।

^80-81मरारी परिवार गिलाद मँ रामोत, महनैम, हेसोबोन अउर याजेर नगरन क गाद क परिवार समूह स प्राप्त किहन। उ पचे ओन नगरन क लगे क खेत भी प्राप्त किहन।

यूहन्ना 6:1-21

पाँच हजार स जियादा मनइयन क भोजन

(मत्ती 14:13-21; मरकुस 6:30-44; लूका 9:10-17)

6 ओकरे बाद ईसू गलील क झील यानी कि तिबिरियास क दूसरे पार चला गवा। ²अउर ओकरे पाछे पाछे बहुत बड़ी भीड़ चल दिहेस, काहेकि उ सब तमाम मरीजन क नीक होत समइ तमाम अचरज भरा चीन्हन देखे रहेन्ह। ³ईसू पहाड़ प चला गवा अउर हुँवा अपने चेलन क साथ बइठ गवा। ⁴यहूदियन क फसह क त्यौहार निचके रहा।

⁵जबहीं ईसू आँख उठाइके देखेस कि एक बहुत बड़ी भीड़ ओकरी तरफ चली आवत अहइ तउ उ फिलिप्पुस स पूछेस, “इ सब लोगन्हे क खइया खियावइ क बरे रोटी कहाँ स खरीदी जाइ सकत ह?” ⁶(ईसू इ बात ओकर परीच्छा लेइ क बरे पूछेस, उ तउ जानत रहा कि उ क करइ जात अहइ।)

⁷फिलिप्पुस जवाब दिहेस, “दुई सौ चाँदी क सिक्कन स ऍतनी रोटी न मिली कि सब मनई क एक टुकड़े स तनिकउ जियादा मिल सकइ।”

⁸ईसू क एक दूसर चेला समौन पतरस क भाई अन्द्रियास कहेस, ⁹“हियाँ एक नान्ह क लरिका क लगे पाँच ठु जौ क रोटी अउर दुइ ठु मछरी अहइँ, मुला खाइवाले तउ बहुत जियादा मनई अहइँ ओनके बरे इ बहुत कम अहइ।”

¹⁰ईसू जवाब दिहेस, “सब लोगन्ह क बैठावा।” उ जगह प अच्छी खासी घास रही सब मनई हुवाँ बइठ गएन उ सब कुल मिलाइके करीब पांच हजार मनई रहेन्ह।

¹¹फिन ईसू रोटी लिहेस, अउर हुवाँ बइठे भए मनइयन क आवस्यकतानुसार सुक्रिया दइके रोटी परोस दिहेस। इहइ तरह जेतना उ सब जेतना चाहत रहेन, ओतनी मछलियन ओनका दइ दिहेस।

¹²जब ओनके सबके पेट भरि गएन तउ ईसू अपने चेलन स कहेस, “जउऩ टुकड़ा बचा अहइँ, ओनका बटोर ल्या जइसे उ बेकार स बरबाद न होइँ।” ¹³फिन चेलन लोगन क परोसी गइ जो क पांच रोटियन क बचे भएन टुकड़न स बारह टोकरी भरि दिहसे।

¹⁴ईसू क ऍतना अद्भुत कराज क देखिके सब मनइयन कहइ लागेन, “जरूर इ मनई उहइ नबी अहइ जेका इ दुनियाँ मँ आवइ क रहा।”

¹⁵ईसु जब इ जानेस कि लोग आवइवाला अहइँ अउर ओनका लइ जाइके राजा बऩावा चाहत अहइँ, तउ उ अकेलेही पहाड़ प चला गवा।

ईसू क पानी प चलब

(मत्ती 14:22-27; मरकुस 6:45-52)

¹⁶जब साँझ क बेला भइ अउर ओनके सब चेलन झील प चला गएन ¹⁷अउर एक ठु नाव प बइठके वापस झील क पार कफरनहूम क तरफ चला गएन। मजे क अंधेरा होइ ग रहा, मुला ईसू अबहीं तलक लौटिके ओनके सबन क पास नाहीं आवा रहा। ¹⁸तूफानी हवा बहत रही जेकरे कारण झील मँ लहर खूब तेज होत रहिन्ह। ¹⁹जब उ पचे करीब पांच-छ: किलोमीटर आगे चला गएन तउ देखेन कि ईसू झील प चलत अहइ अउर नाव क पास आवत रहा। इ देखिके उ पचे डेराइ गएन। ²⁰मुला ईसू ओन सबसे कहेस, “इ मइँ अहउ, डेरा जिन।” ²¹फिन उ पचे ओका जल्दी स नाव प चढ़ाइ लिएन्ह अउर नाव जल्दी स हुवाँ पहुँच गइ जहाँ ओका जाइ क रहा।

Awadhi Bible: Easy-to-Read Version (ERV-AWA)