Read the New Testament in 24 Weeks

13 Ang bawa't ^(A)kaluluwa ay pasakop sa matataas ^(B)na kapangyarihan: sapagka't walang kapangyarihan na hindi mula sa Dios; at ang mga kapangyarihang yao'y hinirang ng Dios.

² Kaya nga't ang sumasalangsang sa kapangyarihan, ay sa utos ng Dios sumasalangsang: at ang mga nagsisalangsang ay magsisitanggap ng kahatulan sa kanilang sarili.

³ Sapagka't ang mga pinuno ay hindi kilabot sa gawang mabuti, kundi sa masama. At ibig mo bagang mawalaan ng takot sa may kapangyarihan? ^(C)gawin mo ang mabuti, at magkakamit ka ng kapurihan sa kaniya:

⁴ Sapagka't siya'y ministro ng Dios sa ikagagaling mo. Datapuwa't kung ginagawa mo ang masama, ay matakot ka; sapagka't hindi walang kabuluhan ang pagdadala niya ng tabak: sapagka't siya'y ministro ng Dios, tagapaghiganti sa ikagagalit sa gumagawa ng masama.

⁵ Kaya nga't dapat na kayo'y pasakop, hindi lamang dahil sa kagalitan, kundi naman dahil sa budhi.

⁶ Sapagka't dahil dito ay nagsisipagbayad naman kayo ^(D)ng buwis; sapagka't sila'y mga tagapangasiwa ng paglilingkod sa Dios, na nagsisipamahalang walang patid sa bagay na ito.

⁷ Ibigay ninyo sa lahat ang sa kanila'y nararapat: ^(E)buwis sa dapat buwisan; ^(F)ambag sa dapat ambagan; takot sa dapat katakutan; puri sa dapat papurihan.

⁸ Huwag kayong magkautang ng ano pa man sa kanino man, maliban na sa mangagibigan kayo: ^(G)sapagka't ang umiibig sa kaniyang kapuwa'y nakaganap na ng kautusan.

⁹ Sapagka't ito, ^(H)Huwag kang mangangalunya, Huwag kang papatay, Huwag kang magnanakaw, Huwag kang mananakim, at kung mayroon pang ibang utos, ay nauuwi sa salitang ito, sa makatuwid baga'y ^(I)Ibigin mo ang iyong kapuwa na gaya ng sa iyong sarili.

¹⁰ Ang pagibig ay hindi gumagawa ng masama sa kaniyang kapuwa: ^(J)ang pagibig nga ay siyang katuparan ng kautusan.

¹¹ At ito, yamang nakikilala ang panahon, na ngayo'y kapanahunan nang ^(K)magsigising kayo sa pagkakatulog: sapagka't ngayon ay lalong malapit na sa atin ang kaligtasan kay sa nang tayo'y magsisampalataya nang una.

^12 (L)Ang gabi ay totoong malalim, at ang araw ay malapit na: ^(M)iwaksi nga natin ang mga gawa ng kadiliman, at ^(N)ating isakbat ang mga sandata ng kaliwanagan.

¹³ Magsilakad tayong mahinhin, gaya ng sa araw; huwag sa katakawan at paglalasing, huwag sa ^(O)kalibugan at sa kahalayan, huwag sa mga pagkakaalit at pagkakainggitan.

¹⁴ Kundi bagkus isakbat ninyo ^(P)ang Panginoong Jesucristo, at huwag ninyong paglaanan ang laman, upang masunod ang mga kahalayan noon.

14 Datapuwa't ang ^(Q)mahina sa pananampalataya ay tanggapin ninyo, hindi upang pagtalunan ang kaniyang pagaalinlangan.

² May tao na may pananampalataya na makakain ang lahat ng mga bagay: nguni't ang mahina'y kumakain ng mga gulay.

³ Ang kumakain ay huwag magwalang halaga sa hindi kumakain; at ^(R)ang hindi kumakain ay huwag humatol sa kumakain: sapagka't siya'y tinanggap ng Dios.

⁴ Sino kang humahatol sa alila ng iba? Sa kaniyang sariling panginoon ay natatayo siya o nabubuwal. Oo, patatayuin siya; sapagka't makapangyarihan ang Panginoon na siya'y maitayo.

⁵ May nagmamahal sa isang araw ng higit kay ^(S)sa iba: may ibang nagmamahal sa bawa't araw. Bawa't isa'y magtibay sa kaniyang sariling pagiisip.

⁶ Ang nagmamahal sa araw, ay minamahal ito sa Panginoon; at ang kumakain, ay kumakain sa Panginoon, sapagka't ^(T)siya'y nagpapasalamat sa Dios; at ang hindi kumakain, ay hindi kumakain sa Panginoon, at nagpapasalamat sa Dios.

⁷ Sapagka't ^(U)ang sinoman sa atin ay hindi nabubuhay sa kaniyang sarili, at sinoman ay hindi namamatay sa kaniyang sarili.

⁸ Sapagka't kung nangabubuhay tayo, sa Panginoon tayo'y nangabubuhay; o kung nangamamatay tayo, sa Panginoon tayo'y nangamamatay: kaya't sa mabuhay tayo, o sa mamatay man, tayo'y sa Panginoon.

⁹ Sapagka't dahil dito ay ^(V)namatay si Cristo at nabuhay na ^(W)maguli, upang siya'y maging Panginoon ng mga patay at gayon din ng mga buhay.

¹⁰ Datapuwa't ikaw, bakit humahatol ka sa iyong kapatid? at ikaw naman, bakit pinawalaang halaga mo ang iyong kapatid? ^(X)sapagka't tayong lahat ay tatayo sa harapan ng hukuman ng Dios.

¹¹ Sapagka't nasusulat,

¹² Kaya nga ang ^(Z)bawa't isa sa atin ay magbibigay sulit sa Dios ng kaniyang sarili.

¹³ Huwag na nga tayong mangaghatulan pa sa isa't isa: kundi bagkus ihatol ninyo ito, na ang sinoman ay ^(AA)huwag maglagay ng katitisuran sa daan ng kaniyang kapatid o kadahilanan ng ikararapa.

¹⁴ Nalalaman ko, at naniniwala akong lubos kay Jesus na Panginoon, ^(AB)na walang anomang bagay na marumi sa kaniyang sarili: maliban na ^(AC)doon sa nagaakala na ang anomang bagay ay marumi, sa kaniya'y marumi ito.

¹⁵ Sapagka't kung dahil sa pagkain ang iyong kapatid ay naghinanakit ay hindi ka na lumalakad sa pagibig. ^(AD)Huwag mong ipamahamak sa iyong pagkain yaong pinagkamatayan ni Cristo.

¹⁶ Huwag nga ninyong pabayaan na pagsalitaan ng masama ang inyong kabutihan:

¹⁷ Sapagka't ang kaharian ^(AE)ng Dios ay hindi ang pagkain at paginom, kundi ang katuwiran at ang kapayapaan at ang kagalakan sa Espiritu Santo.

¹⁸ Sapagka't ang sa ganito ay naglilingkod kay Cristo ay kalugodlugod sa Dios, at pinatutunayan ng mga tao.

¹⁹ Kaya nga ^(AF)sundin ang mga bagay na makapapayapa, at ang mga ^(AG)bagay na makapagpapatibay sa isa't isa.

²⁰ Huwag mong sirain ang gawa ng Dios dahil sa pagkain. Tunay na ang ^(AH)lahat ng mga bagay ay malilinis; ^(AI)gayon man ay masama sa tao ang kumakain ng laban sa kaniyang budhi.

²¹ Mabuti ang huwag kumain ng lamangkati, ^(AJ)ni uminom ng alak, ni gumawa ng anoman na katitisuran ng iyong kapatid.

²² Ang pananampalataya mo na nasa iyo ay ingatan mo sa iyong sarili sa harap ng Dios. Mapalad ang hindi humahatol sa kaniyang sarili sa bagay na kaniyang sinasangayunan.

²³ Nguni't ang nagaalinlangan ay hinahatulan kung kumakain, sapagka't hindi siya kumakain sa pananampalataya; at ang anomang hindi sa pananampalataya ay kasalanan.