Read the New Testament in 24 Weeks

12 Kaya't yamang nakukubkob tayo ng makapal na bilang ng mga saksi, itabi namang walang liwag ang bawa't ^(A)pasan, at ang pagkakasalang pumipigil sa atin, at ^(B)ating takbuhing may pagtitiis ang takbuhing inilagay sa harapan natin,

² Na masdan natin si Jesus na gumawa at ^(C)sumakdal ng ating pananampalataya, ^(D)na siya dahil sa kagalakang inilagay sa harapan niya ay nagtiis ng krus, na niwalang bahala ang kahihiyan, at ^(E)umupo sa kanan ng luklukan ng Dios.

³ Sapagka't ^(F)dilidilihin ninyo yaong nagtiis ng ^(G)gayong pagsalangsang ng mga makasalanan laban sa kaniyang sarili, upang kayo'y huwag magsihina, na manglupaypay sa inyong mga kaluluwa.

⁴ Hindi pa kayo ^(H)nakikipaglaban hanggang sa mabubo ang dugo, na nakikipagaway laban sa kasalanan:

⁵ At inyong nilimot ang iniaral na ipinakikipagtalo sa inyong tulad sa mga anak,

⁷ Na dahil sa ito'y parusa kayo'y nagtitiis; inaari kayo ng ^(J)Dios na tulad sa mga anak; sapagka't alin ngang anak ang hindi pinarurusahan ng kaniyang ama?

⁸ Datapuwa't kung kayo'y hindi pinarurusahan, ^(K)na pawang naranasan ng lahat, kung gayo'y mga anak sa ligaw kayo, at hindi tunay na anak.

⁹ Bukod dito, tayo'y nangagkaroon ng mga ama ng ating laman upang tayo'y parusahan, at sila'y ating iginagalang: hindi baga lalong tayo'y pasasakop ^(L)sa Ama ng mga espiritu, at tayo'y mabubuhay?

¹⁰ Sapagka't katotohanang tayo'y pinarusahan nilang ilang araw ayon sa kanilang minagaling; nguni't siya'y sa kapakinabangan natin, ^(M)upang tayo'y makabahagi ng kaniyang kabanalan.

¹¹ Lahat ng parusa sa ngayon ay tila man din hindi ikaliligaya kundi ikalulungkot; ^(N)gayon ma'y pagkatapos ay namumunga ng bungang mapayapa ng katuwiran sa mga nagsipagsanay sa pamamagitan nito.

¹² Kaya't itaas ninyo ^(O)ang mga kamay na nakababa, ang mga tuhod namang nanginginig;

¹³ At magsigawa kayo ng matuwid na landas ^(P)sa inyong mga paa, upang huwag maligaw ang pilay, ^(Q)kundi bagkus gumaling.

¹⁴ Sundin ninyo ^(R)ang kapayapaan sa lahat ng mga tao, ^(S)at ang pagpapakabanal ^(T)na kung wala ito'y sinoman ay di makakakita sa Panginoon:

¹⁵ Na pakaingatan na baka ang sinoma'y di makaabot sa biyaya ng Dios; baka kayo'y bagabagin ng anomang ugat ng kapaitan na sumisibol, at dahil dito'y mahawa ang marami;

¹⁶ Baka magkaroon ng sinomang ^(U)mapakiapid, ^(V)o mapaglapastangan, gaya ni ^(W)Esau, na sa isang pinggang pagkain ay ipinagbili ang kaniyang sariling pagkapanganay.

¹⁷ Sapagka't nalalaman ninyo na bagama't pagkatapos ay ninanasa niyang magmana ng pagpapala, siya'y itinakuwil; sapagka't wala na siyang nasumpungang pagkakataon ng pagsisisi sa kaniyang ama, bagama't pinagsisikapan niyang mapilit ^(X)na lumuluha.

¹⁸ Sapagka't hindi kayo nagsilapit ^(Y)sa bundok na nahihipo, at nagliliyab sa apoy, at sa kapusikitan, at sa kadiliman, at sa unos,

¹⁹ At ^(Z)tunog ng pakakak, at tinig ng mga salita; na ang nakarinig ng tinig na ito ay ^(AA)nagsipamanhik na huwag nang sa kanila'y salitain pa ang anomang salita;

²⁰ Sapagka't hindi matiis ang iniuutos, ^(AB)Kahit ang isang hayop kung tumungtong sa bundok ay babatuhin;

²¹ At totoong kakilakilabot ^(AC)ang napanood, ano pa't sinabi ni Moises, Ako'y totoong nasisindak at nanginginig:

²² Datapuwa't ^(AD)nagsilapit kayo sa bundok ng Sion, at sa ^(AE)bayan ng Dios na buhay, ang ^(AF)Jerusalem sa kalangitan, at sa mga di mabilang na hukbo ng mga anghel,

²³ Sa pangkalahatang ^(AG)pulong at iglesia ng mga ^(AH)panganay ^(AI)na nangatatala sa langit, at sa Dios na Hukom ng lahat, at mga espiritu ng mga taong ganap na pinasakdal,

²⁴ At kay Jesus ^(AJ)na tagapamagitan ng bagong tipan, at ^(AK)dugong pangwisik na nagsasalita ng ^(AL)lalong mabuti kay sa dugo ni Abel.

²⁵ Pagingatan ninyong kayo'y huwag tumanggi sa nagsasalita. Sapagka't ^(AM)kung hindi nakatanan ang mga nagsitanggi sa ^(AN)nagbalita sa kanila sa ibabaw ng lupa, ay lalo pa tayong hindi makatatanan na nagsisihiwalay Doon sa nagbabalitang buhat sa langit:

^26 (AO)Na ang tinig na yaon ay nagpayanig noon ng lupa: datapuwa't ngayo'y nangako siya, na nagsasabi, ^(AP)Minsan pang yayanigin ko, hindi lamang ang lupa, kundi pati ng langit.

²⁷ At itong salita, Minsan pang, ay pinakakahuluganan ang pagaalis niyaong mga bagay na niyanig, gaya ng mga bagay na ginawa, upang mamalagi ang mga hindi niyanig.

²⁸ Kaya't pagkatanggap ng isang kahariang hindi magagalaw, ay magkaroon tayo ng biyayang sa pamamagitan nito ay makapaghahandog tayong may paggalang at katakutan ng paglilingkod na nakalulugod sa Dios:

²⁹ Sapagka't ang Dios natin ay isang ^(AQ)apoy na mamumugnaw.

13 Mamalagi nawa ang ^(AR)pagibig sa mga kapatid.

² Huwag ninyong limutin ang pagpapakita ng pagibig sa mga taga ibang lupa: sapagka't sa pamamagitan nito ang iba'y ^(AS)walang malay na nakapagpapatuloy ng mga anghel.

³ Alalahanin ninyo ^(AT)ang mga may tanikala, gaya ng kayo'y nangagagapos na kasama nila; ang mga tinatampalasan na gaya ng kayo naman ay tinatampalasan sa katawan.

^4 (AU)Maging marangal nawa sa lahat ang pagaasawa, at huwag nawang magkadungis ang higaan: ^(AV)sapagka't ang mga mapakiapid at ang mga mapangalunya ay pawang hahatulan ng Dios.

⁵ Mangilag kayo sa pagibig sa salapi; ^(AW)mangagkasiya kayo sa inyong tinatangkilik: sapagka't siya rin ang nagsabi, Sa anomang paraan ay ^(AX)hindi kita papagkukulangin, sa anomang paraan ni hindi kita pababayaan.

⁶ Ano pa't ating masasabi ng buong tapang,

⁷ Alalahanin ninyo ang nangagkaroon ng pagpupuno sa inyo na siyang nangagsalita sa inyo ng salita ng Dios; at sa pagdidilidili ng wakas ng ^(AZ)kanilang pamumuhay, ay inyong tularan ang kanilang pananampalataya.

⁸ Si Jesucristo ay ^(BA)siya ring kahapon at ngayon, oo at magpakailan man.

⁹ Huwag nga kayong padala ^(BB)sa mga turong sarisari at di kilala: sapagka't mabuti na ang puso ay patibayin sa pamamagitan ng biyaya; ^(BC)hindi sa pamamagitan ng mga pagkain, na di pinakikinabangan ng mga nagabala sa kanila.

¹⁰ Tayo ay may isang dambana, na hindi matuwid kainan ng mga nagsisipaglingkod sa tabernakulo.

¹¹ Sapagka't ^(BD)ang mga katawan ng mga hayop na ang mga dugo'y dinadala ng dakilang saserdote sa dakong banal na handog na patungkol sa kasalanan, ay sinusunog sa labas ng kampamento.

¹² Kaya naman si Jesus, upang ^(BE)mapaging banal sa pamamagitan ng kanilang sariling dugo ang bayan, ay ^(BF)nagbata sa labas ng pintuan.

¹³ Atin nga siyang labasin sa labas ng kampamento na dalhin natin ang ^(BG)kaniyang pagkadusta.

¹⁴ Sapagka't dito'y ^(BH)wala tayong bayan na namamalagi, nguni't hinahanap natin ang bayan na darating.

¹⁵ Sa pamamagitan nga niya ay ^(BI)maghandog tayong palagi ng ^(BJ)hain ng pagpupuri sa Dios, sa makatuwid baga, ay ng ^(BK)bunga ng mga labi na nagpapahayag ng kaniyang pangalan.

¹⁶ Datapuwa't ang paggawa ng mabuti at ^(BL)ang pagabuloy ay huwag ninyong kalimutan: sapagka't ^(BM)sa mga gayong hain ang Dios ay totoong nalulugod.

^17 (BN)Magsitalima kayo sa namiminuno sa inyo, at kayo'y pasakop sa kanila: sapagka't pawang nangagpupuyat dahil sa inyong mga kaluluwa, na parang sila ang ^(BO)mangagsusulit; ^(BP)upang ito'y gawin nilang may kagalakan, at huwag may hapis: sapagka't sa ganito'y di ninyo mapapakinabangan.

¹⁸ Idalangin ninyo kami: ^(BQ)sapagka't kami'y naniniwalang lubos na kami ay may mabuting budhi, na nagnanasang mabuhay na marangal sa lahat ng mga bagay.

¹⁹ At iniaaral ko sa inyong malabis na inyong gawin ito, upang ako'y masauli na lalong madali sa inyo.

²⁰ Ngayon ^(BR)ang Dios ng kapayapaan ^(BS)na muling nagdala mula sa mga patay ^(BT)sa dakilang pastor ng mga tupa ^(BU)sa pamamagitan ng dugo ng walang hanggang tipan, sa makatuwid baga'y ang Panginoon nating si Jesus,

²¹ Ay pakasakdalin nawa niya kayo sa ^(BV)bawa't mabuting gawa upang gawin ang kanyang kalooban, ^(BW)na gawin sa atin ang nakalulugod sa paningin niya, sa pamamagitan ni Jesucristo; ^(BX)na mapasa kaniya nawa ang kaluwalhatian magpakailan man. Siya nawa.

²² Datapuwa't ipinamamanhik ko sa inyo, mga kapatid, na inyong pagtiisan ang salitang iniaral: sapagka't kayo'y sinulatan ko ng ilang salita.

²³ Inyong talastasin na ang ^(BY)ating kapatid na si Timoteo ay pinawalan na; na kung siya'y dumating na madali, kayo'y makikita kong kasama niya.

²⁴ Batiin ninyo ang lahat ng mga ^(BZ)namiminuno sa inyo, at ang ^(CA)lahat ng mga banal. Kayo'y binabati ng nangasa Italia.

²⁵ Ang biyaya'y sumainyo nawang lahat. Siya nawa.