Read the New Testament in 24 Weeks

4 Ipalagay nga kami ng sinoman na ^(A)mga ministro ni Cristo, ^(B)at mga katiwala ng ^(C)mga hiwaga ng Dios.

² Bukod dito'y kinakailangan sa mga katiwala, na ang bawa't isa ay maging ^(D)tapat.

³ Datapuwa't sa ganang akin ay isang bagay na totoong maliit ang ako'y ^(E)siyasatin ninyo, o ng ^(F)pagsisiyasat ng tao: oo, ako'y hindi nagsisiyasat sa aking sarili.

⁴ Sapagka't ^(G)wala akong nalalamang anomang laban sa aking sarili; bagaman ^(H)hindi dahil dito'y inaaring-ganap ako: sapagka't ang nagsisiyasat sa akin ay ang Panginoon.

⁵ Kaya nga ^(I)huwag muna kayong magsihatol ng anoman, hanggang sa dumating ang Panginoon, na siya ang maghahayag ng mga bagay na nalilihim sa kadiliman, at ipahahayag naman ang mga haka ng mga puso; at kung magkagayon ang bawa't isa ay magkakaroon ng kapurihan sa Dios.

⁶ Ang mga bagay ngang ito, mga kapatid, ay ^(J)inianyo ko sa halimbawa sa aking sarili at kay Apolos dahil sa inyo; upang sa amin ay mangatuto kayo na huwag magsihigit sa mga bagay na nangasusulat; ^(K)upang ang sinoman sa inyo ay huwag magpalalo ang isa laban sa iba.

⁷ Sapagka't sino ang gumawa na ikaw ay matangi? ^(L)at anong nasa iyo na hindi mo tinanggap? nguni't kung tinanggap mo, ay bakit mo ipinagmamapuri na tulad sa hindi mo tinanggap?

⁸ Kayo'y mga busog na, kayo'y mayayaman na, kayo'y nangaghari nang wala kami: at ibig ko sanang mangaghari kayo, upang kami nama'y mangagharing kasama ninyo.

⁹ Sapagka't iniisip ko, na pinalitaw ng Dios kaming mga apostol na mga kahulihulihan sa lahat, na tulad sa mga itinalaga sa kamatayan: sapagka't kami'y ginawang panoorin ng sanglibutan, at ng mga anghel, at ng mga tao.

¹⁰ Kami'y mga mangmang dahil ^(M)kay Cristo, nguni't kayo'y marurunong kay Cristo; ^(N)kami'y mahihina, nguni't kayo'y malalakas; kayo'y may karangalan, datapuwa't kami ay walang kapurihan.

¹¹ Hanggang sa oras na ito'y ^(O)nangagugutom kami, at nangauuhaw, at mga hubad, at mga tinampal, at wala kaming tiyak na tahanan;

¹² At ^(P)kami'y nangagpapagal, na nangagsisigawa ng aming sariling mga kamay: ^(Q)bagama't inuupasala, ay kami'y nangagpapala; ^(R)bagama't mga pinaguusig, ay nangagtitiis kami;

¹³ Bagama't mga sinisiraang-puri, ay aming pinamamanhikan: kami'y naging tulad ng yagit sa sanglibutan, sukal ng lahat ng mga bagay hanggang ngayon.

¹⁴ Hindi ko isinusulat ang mga bagay na ito upang kayo'y hiyain, kundi upang paalalahanan kayong ^(S)tulad sa aking mga minamahal na anak.

¹⁵ Sapagka't bagaman mangagkaroon kayo ng sampung libong mga guro kay Cristo, ay wala nga kayong maraming mga ama; sapagka't ^(T)kay Cristo Jesus ipinanganak ko kayo sa pamamagitan ng evangelio.

¹⁶ Ipinamamanhik ko nga sa inyo, ^(U)na kayo'y maging mga tagatulad sa akin.

¹⁷ Dahil dito'y aking sinugo sa inyo si ^(V)Timoteo, ^(W)na aking minamahal at tapat na anak sa Panginoon, na siya ang sa inyo'y magpapaalaala ng aking mga daang nanga kay Cristo, ^(X)gaya ng itinuturo ko saan mang dako sa bawa't iglesia.

¹⁸ Ang mga iba nga'y nangagpapalalo, na waring hindi na ako mapapariyan sa inyo.

¹⁹ Nguni't ako'y paririyan ^(Y)agad sa inyo, kung loloobin ng Panginoon; at aking aalamin, hindi ang salita ng nangagpapalalo, kundi ang kapangyarihan.

²⁰ Sapagka't ang kaharian ng Dios ay hindi sa salita, kundi sa kapangyarihan.

²¹ Anong ibig ninyo? ^(Z)paririyan baga ako sa inyo na may panghampas, o sa pagibig, at sa espiritu ng kahinahunan?

5 Sa kasalukuya'y nababalita na sa inyo'y may ^(AA)pakikiapid, at ang ganyang pakikiapid ay wala kahit sa mga Gentil, ^(AB)na isa sa inyo'y nagaari ng ^(AC)asawa ng kaniyang ama.

² At kayo'y mga mapagpalalo, at hindi kayo bagkus nangalumbay, upang maalis sa gitna ninyo ang gumagawa ng gawang ito.

³ Sapagka't ako ^(AD)sa katotohanan, bagama't wala sa harapan ninyo sa katawan nguni't ako'y nasa harapan ninyo sa espiritu, akin ngang hinatulan na ang gumawa ng bagay na ito, na tulad sa ako'y nahaharap,

⁴ Sa pangalan ng ating Panginoong Jesus, nang nangagkakatipon kayo, at ang aking espiritu, ^(AE)na taglay ang kapangyarihan ng ating Panginoong Jesus,

⁵ Upang ang ganyan ay ibigay ^(AF)kay Satanas sa ikawawasak ng kaniyang laman, upang ang espiritu ay maligtas sa ^(AG)araw ng Panginoong Jesus.

^6 (AH)Hindi mabuti ang inyong pagmamapuri. ^(AI)Hindi baga ninyo nalalaman na ang kaunting lebadura ay nagpapakumbo sa buong limpak?

⁷ Alisin ninyo ang lumang lebadura, upang kayo'y maging bagong limpak, na tulad sa kayo'y walang lebadura. Sapagka't ang kordero ng ating paskua ay naihain na, sa makatuwid baga'y si ^(AJ)Cristo:

⁸ Kaya nga ^(AK)ipangilin natin ang pista, hindi sa lumang lebadura, ni sa lebadura man ng masamang akala at ng kasamaan, kundi sa tinapay na walang lebadura ng pagtatapat at ng katotohanan.

⁹ Isinulat ko sa inyo sa aking sulat na huwag kayong makisama sa mga mapakiapid;

¹⁰ Tunay nga hindi ang ibig sabihin ay sa mga mapakiapid sa sanglibutang ito, o sa mga masasakim at mga manglulupig, o sa mga mananamba sa diosdiosan; sapagka't kung gayo'y kinakailangang ^(AL)magsialis kayo sa sanglibutan:

¹¹ Datapuwa't sinusulatan ko nga kayo, na huwag kayong makisama ^(AM)sa kanino mang tinatawag na kapatid, kung siya'y mapakiapid, o masakim, o mananamba sa diosdiosan, o mapagtungayaw, o manglalasing, o manglulupig; sa gayo'y huwag man lamang kayong makisalo.

¹² Sapagka't ano sa akin ang humatol ^(AN)sa nangasa labas? Hindi baga kayo nagsisihatol ^(AO)sa nangasa loob?

¹³ Datapuwa't sa nangasa labas ay Dios ang humahatol. ^(AP)Alisin nga ninyo sa inyo ang masamang tao.

6 Nangangahas baga ang sinoman sa inyo, kung mayroong anomang bagay laban sa iba, na siya'y magsakdal sa harapan ng mga liko, at ^(AQ)hindi sa harapan ng mga banal?

² O hindi baga ninyo nalalaman na ^(AR)ang mga banal ay magsisihatol sa sanglibutan? at kung ang sanglibutan ay hahatulan ninyo, hindi kaya baga dapat magsihatol kayo sa mga bagay na pinakamaliit?

³ Hindi baga ninyo nalalaman na ating ^(AS)hahatulan ang mga anghel? gaano pa kaya ang mga bagay na nauukol ^(AT)sa buhay na ito?

⁴ Kung kayo nga'y mayroong usapin na mga bagay na nauukol sa buhay na ito, ilalagay baga ninyo upang magsihatol ang mga taong walang halaga sa iglesia?

⁵ Sinasabi ko ito ^(AU)upang mangahiya kayo. Ano, diyata't wala baga sa inyo na isa mang marunong na makapagpapayo sa kaniyang mga kapatid,

⁶ Kundi ang kapatid ay nakikipagusapin laban sa kapatid, at ito'y sa harapan ng mga hindi nagsisipanampalataya?

⁷ Ngayon nga, tunay na isang pagkukulang sa inyo ang kayo-kayo'y magkaroon ng mga usapin. Bakit hindi bagkus ninyong tiisin ang mga kalikuan? ^(AV)bakit hindi bagkus kayo'y padaya?

⁸ Nguni't kayo rin ang mga nagsisigawa ng kalikuan, at nangagdaraya, at ito'y sa mga kapatid ninyo.

⁹ O hindi baga ninyo nalalaman na ang mga liko ay ^(AW)hindi magsisipagmana ng kaharian ng Dios? ^(AX)Huwag kayong padaya: ^(AY)kahit ang mga mapakiapid, ni ang mga mananamba sa diosdiosan, ni ang mga mangangalunya, ni ang mga nangbababae, ni ^(AZ)ang mga mapakiapid sa kapuwa lalake.

¹⁰ Ni ang mga magnanakaw, ni ang mga masasakim, ni ang mga manglalasing, ni ang mga mapagtungayaw, ni ang mga manglulupig, ay hindi mangagmamana ng kaharian ng Dios.

¹¹ At ganyan ^(BA)ang mga ilan sa inyo: ^(BB)nguni't nangahugasan na kayo, nguni't binanal ^(BC)na kayo, nguni't inaring-ganap ^(BD)na kayo ^(BE)sa pangalan ng Panginoong Jesucristo, at sa Espiritu ng ating Dios.

¹² Ang lahat ng mga bagay ^(BF)sa akin ay matuwid; nguni't hindi ang lahat ay nararapat. Ang lahat ng mga bagay sa akin ay matuwid; nguni't hindi ako pasasakop sa kapangyarihan ng anoman.

¹³ Ang mga pagkain ay sa tiyan, at ang tiyan ay sa mga pagkain: nguni't kapuwa iwawasak ng Dios yaon at ang mga ito. Datapuwa't ang katawan ay hindi sa pakikiapid, kundi ^(BG)sa Panginoon; ^(BH)at ang Panginoon ay sa katawan:

¹⁴ At muling binuhay ng ^(BI)Dios ang Panginoon, at muling bubuhayin naman tayo sa pamamagitan ng kaniyang kapangyarihan.

¹⁵ Hindi baga ninyo nalalaman na ang ^(BJ)inyong mga katawan ay mga sangkap ni Cristo? kukunin ko nga baga ang mga sangkap ni Cristo, at gagawin kong mga sangkap ng isang patutot? Huwag nawang mangyari.

¹⁶ O hindi baga ninyo nalalaman na ang nakikisama sa patutot, ay kaisang katawan niya? sapagka't sinasabi niya, ^(BK)Ang dalawa ay magiging isang laman.

¹⁷ Nguni't ^(BL)ang nakikisama sa Panginoon, ay kaisang espiritu niya.

¹⁸ Magsitakas kayo sa ^(BM)pakikiapid. Lahat ng kasalanang gawin ng mga tao ay nangasa labas ng katawan; nguni't ang gumagawa ng pakikiapid ay nagkakasala ^(BN)laban sa kaniyang sariling katawan.

¹⁹ O hindi baga ninyo nalalaman na ^(BO)ang inyong katawan ay templo ng Espiritu Santo na nasa inyo, na tinanggap ninyo sa Dios? at ^(BP)hindi kayo sa inyong sarili;

²⁰ Sapagka't ^(BQ)kayo'y binili sa halaga: luwalhatiin nga ninyo ng inyong katawan ang Dios.