New Testament in a Year

¹⁹ Sasabihin mo nga, Ang mga sanga ay nangabali upang ako ay makasanib.

²⁰ Mabuti; sa kawalan nila ng pananampalataya ay nangabali sila, at ^(A)sa iyong pananampalataya'y nakatayo ka. Huwag kang magpalalo kundi matakot ka:

²¹ Sapagka't kung hindi nga pinatawad ng Dios ang mga talagang sanga, ikaw man ay hindi patatawarin.

²² Masdan mo nga ang kabutihan at ang kabagsikan ng Dios: ang kabagsikan ay sa nangahulog, datapuwa't ang kabutihan ng Dios ay sa iyo, kung mamamalagi ka sa kaniyang kabutihan: sa ibang paraan ay ^(B)ikaw man ay puputulin.

²³ At sila naman, kung hindi mangagsisilagi sa di pananampalataya ay mangakakasanib: sapagka't makapangyarihan ang Dios upang sila'y isanib na muli.

²⁴ Sapagka't kung ikaw ay pinutol doon sa talagang olibong ligaw, at laban sa kaugalian ay isinanib ka sa mabuting punong olibo; gaano pa nga ang mga ito, na mga talagang sanga, na mangakakasanib sa kanilang sariling punong olibo?

²⁵ Sapagka't hindi ko ibig, mga kapatid, na di ninyo maalaman ang hiwagang ito, baka kayo'y mangagmarunong sa ^(C)inyong sariling mga haka, na ang ^(D)katigasan ng isang bahagi ay nangyari sa Israel, ^(E)hanggang sa pumasok ang kapunuan ng mga Gentil;

²⁶ At sa ganito'y ang buong Israel ay maliligtas: gaya ng nasusulat,

²⁸ Tungkol sa evangelio, ay mga kaaway sila dahil sa inyo: datapuwa't tungkol sa pagkahirang, ay mga ^(H)pinakaiibig sila dahil sa mga magulang.

²⁹ Sapagka't ^(I)ang mga kaloob at ang pagtawag ng Dios ay hindi nagbabago.

³⁰ Sapagka't kung paanong kayo ^(J)nang nakaraang panahon ay mga masuwayin sa Dios, datapuwa't ngayon kayo'y nangagkamit ng habag sa pamamagitan ng kanilang pagsuway,

³¹ Gayon din naman ang mga ito ay naging mga masuwayin ngayon, upang sa pamamagitan ng habag na ipinagkaloob sa inyo, sila nama'y magkamit ngayon ng habag.

³² Sapagka't ang lahat ay kinulong ng ^(K)Dios sa kasuwayan, upang siya'y mahabag sa lahat.

³³ Oh kalaliman ng mga kayamanan ng karunungan at ng kaalaman ng Dios! oh di matingkalang mga hatol ^(L)niya, at ^(M)hindi malirip na kaniyang mga daan!

³⁴ Sapagka't ^(N)sino ang nakaalam ng pagiisip ng Panginoon? o sino ang kaniyang naging kasangguni?

³⁵ O ^(O)sino ang nagbigay na una sa kaniya, at siya'y babayarang muli?

³⁶ Sapagka't ^(P)kaniya, at sa pamamagitan niya, at sa kaniya, ang lahat ng mga bagay. ^(Q)Sumakaniya nawa ang kaluwalhatian magpakailan man. Siya nawa.