New Testament in a Year

9 Sinasabi ko ang katotohanang na kay Cristo, na hindi ako nagsisinungaling, ^(A)na ako'y sinasaksihan ng aking budhi sa Espiritu Santo,

² Na mayroon akong malaking kalungkutan ^(B)at walang tigil na karamdaman sa aking puso.

³ Sapagka't ako'y makapagnanasa na ako man ^(C)ay itakuwil mula kay Cristo dahil sa aking mga kapatid, na aking mga kamaganak ^(D)ayon sa laman.

⁴ Na pawang mga Israelita; ^(E)na sa kanila ang pagkukupkop, at ^(F)ang kaluwalhatian, at ^(G)ang mga tipan, at ang pagbibigay ng kautusan, at ^(H)ang paglilingkod sa Dios, at ^(I)ang mga kapangakuan;

⁵ Na sa kanila ^(J)ang mga magulang, at ^(K)sa kanila mula ang Cristo ayon sa laman, ^(L)na siyang lalo sa lahat, Dios na ^(M)maluwalhati magpakailan man. Siya nawa.

⁶ Datapuwa't hindi sa ang salita ng Dios ay nauwi sa wala. Sapagka't ^(N)hindi ang lahat ng buhat sa Israel ay mga taga Israel:

^7 (O)Ni sapagka't sila'y binhi ni Abraham, ay mga anak na silang lahat: kundi, ^(P)Kay Isaac tatawagin ang iyong binhi.

⁸ Sa makatuwid, ay hindi mga anak sa laman ang mga anak ng Dios: kundi ang mga ^(Q)anak sa pangako'y siyang ibibilang na isang binhi.

⁹ Sapagka't ito ang salita ng pangako, ^(R)Ayon sa panahong ito'y paririto ako, at magkakaroon si Sara ng isang anak na lalake.

¹⁰ At hindi lamang gayon; kundi nang maipaglihi na ni ^(S)Rebeca sa pamamagitan ng isa, ito nga'y ng ating ama na si Isaac—

¹¹ Sapagka't ang mga anak nang hindi pa ipinanganganak, at hindi pa nagsisigawa ng anomang mabuti o masama, upang ang layon ng Dios ay mamalagi alinsunod sa pagkahirang, na hindi sa mga gawa, kundi ^(T)doon sa tumatawag,

¹² Ay sinabi sa kaniya, ^(U)Ang panganay ay maglilingkod sa bunso.

¹³ Gaya ng nasusulat, ^(V)Si Jacob ay inibig ko, datapuwa't si Esau ay aking kinapootan.

¹⁴ Ano nga ang ating sasabihin? Mayroon baga kayang kalikuan sa Dios? Huwag nawang mangyari.

¹⁵ Sapagka't sinasabi niya kay Moises, ^(W)Ako'y maaawa sa aking kinaaawaan, at ako'y mahahabag sa aking kinahahabagan.