Historical

16 ^(A)Ang mga bagay na ito'y aking sinalita sa inyo, ^(B)upang kayo'y huwag mangatisod.

² Kayo'y palalayasin nila sa mga sinagoga: ^(C)oo, dumarating ang oras, ^(D)na ang sinomang pumatay sa inyo ay aakalaing naghahandog siya ng paglilingkod sa Dios.

³ At ang mga bagay na ito'y gagawin nila, sapagka't hindi nila nakikilala ang Ama, ni ako man.

⁴ Datapuwa't ang mga bagay na ito'y sinalita ko sa inyo, upang kung dumating ang kanilang oras, ay inyong mangaalaala, kung paanong sinabi ko sa inyo. At ang mga bagay na ito'y hindi ko sinabi sa inyo buhat pa nang una, sapagka't ako'y sumasa inyo.

⁵ Datapuwa't ngayong ^(E)ako'y paroroon sa nagsugo sa akin; at ^(F)sinoman sa inyo ay walang nagtatanong sa akin, Saan ka paroroon?

⁶ Nguni't sapagka't sinalita ko ang mga bagay na ito sa inyo, ay napuno ^(G)ng kalumbayan ang inyong puso.

⁷ Gayon ma'y sinasalita ko sa inyo ang katotohanan: Nararapat sa inyo na ako'y yumaon; sapagka't kung hindi ako yayaon, ^(H)ang Mangaaliw ay hindi paririto sa inyo; nguni't kung ako'y yumaon, siya'y susuguin ko sa inyo.

⁸ At siya, pagparito niya, ay kaniyang susumbatan ang sanglibutan tungkol sa kasalanan, at sa katuwiran, at sa paghatol:

^9 (I)Tungkol sa kasalanan, sapagka't hindi sila nagsisampalataya sa akin;

^10 (J)Tungkol sa katuwiran, sapagka't ako'y paroroon sa Ama, at hindi na ninyo ako makikita;

¹¹ Tungkol sa paghatol, ^(K)sapagka't ang prinsipe ng sanglibutang ito ay hinatulan na.

¹² Mayroon pa akong maraming bagay na sa inyo ay sasabihin, ^(L)nguni't ngayon ay hindi ninyo mangatitiis.

¹³ Gayon ma'y kung siya, ang ^(M)Espiritu ng katotohanan ay dumating, ^(N)ay papatnubayan niya kayo sa buong katotohanan: sapagka't hindi siya magsasalita ng mula sa kaniyang sarili; kundi ang anomang bagay na kaniyang marinig, ang mga ito ang kaniyang sasalitain: at kaniyang ipahahayag sa inyo ang mga bagay na magsisidating.

¹⁴ Luluwalhatiin niya ako: sapagka't kukuha siya sa nasa akin, at sa inyo'y ipahahayag.

¹⁵ Ang lahat ng mga bagay na nasa Ama ^(O)ay akin: kaya sinabi ko, na siya'y kukuha sa nasa akin, at sa inyo'y ipahahayag.

¹⁶ Sangdali na lamang, ^(P)at ako'y hindi na ninyo makikita; at muling sandali pa, at ako'y inyong makikita.

¹⁷ Ang ilan sa kaniyang mga alagad nga ay nangagsangusapan, Ano itong sinasabi niya sa atin, Sangdali na lamang, at ako'y hindi na ninyo makikita; at muling sangdali pa, at ako'y inyong makikita: at, Sapagka't ako'y paroroon sa Ama?

¹⁸ Sinabi nga nila, Ano nga itong sinasabi niya, Sangdali na lamang? Hindi namin nalalaman kung ano ang sinasabi niya.

¹⁹ Natalastas ni Jesus na sa kaniya'y ibig nilang itanong, at sa kanila'y sinabi niya, Nangagtatanungan kayo tungkol dito sa aking sinabi, Sangdali na lamang, at ako'y hindi na ninyo makikita, at muling sangdali pa, at ako'y inyong makikita?

²⁰ Katotohanan, katotohanang sinasabi ko sa inyo, na kayo'y magsisiiyak at magsisipanaghoy, datapuwa't ang sanglibutan ay magagalak: kayo'y mangalulumbay, datapuwa't ^(Q)ang inyong kalumbayan ay magiging kagalakan.

²¹ Ang babae pagka nanganganak ^(R)ay nalulumbay, sapagka't dumating ang kaniyang oras: nguni't pagkapanganak niya sa sanggol, ay hindi na niya naalaala ang hirap dahil sa kagalakan sa pagkapanganak sa isang tao sa sanglibutan.

²² At kayo nga sa ngayon ay may kalumbayan: nguni't muli ko kayong makikita, at magagalak ang inyong puso, at walang makapagaalis sa inyo ng inyong kagalakan.

^23 (S)At sa araw na yaon ay hindi kayo magtatanong sa akin ng anomang tanong. ^(T)Katotohanan, katotohanang sinasabi ko sa inyo, Kung kayo'y hihingi ng anoman sa Ama, ay ibibigay niya sa inyo sa aking pangalan.

²⁴ Hanggang ngayo'y wala pa kayong hinihinging anoman sa pangalan ko: kayo'y magsihingi, at kayo'y tatanggap, ^(U)upang malubos ang inyong kagalakan.

²⁵ Sinalita ko sa inyo ang mga bagay na ito sa malalabong pananalita: darating ang oras, na hindi ko na kayo pagsasalitaan sa malalabong pananalita, kundi ^(V)maliwanag na sa inyo'y sasaysayin ko ang tungkol sa Ama.

²⁶ Sa araw na yao'y magsisihingi kayo sa aking pangalan: at sa inyo'y hindi ko sinasabi, na kayo'y idadalangin ko sa Ama;

²⁷ Sapagka't ^(W)ang Ama rin ang umiibig sa inyo, sapagka't ako'y inyong inibig, ^(X)at kayo'y nagsisampalataya na ako'y nagbuhat sa Ama.

²⁸ Nagbuhat ako sa Ama, ^(Y)at naparito ako sa sanglibutan: muling iniiwan ko ang sanglibutan, at ^(Z)ako'y paroroon sa Ama.

²⁹ Sinasabi ng kaniyang mga alagad, Narito, ngayo'y nagsasalita kang malinaw, at wala kang sinasalitang anomang malabong pananalita.

³⁰ Ngayon ay nakikilala namin na nalalaman mo ang lahat ng mga bagay, at hindi nangangailangan na tanungin ka ng sinoman: dahil dito'y nagsisisampalataya kami na ikaw ay nagbuhat sa Dios.

³¹ Sinagot sila ni Jesus, Ngayon baga'y nagsisisampalataya kayo?

³² Narito, ang oras ay dumarating, ^(AA)oo, dumating na, na kayo'y mangangalat, ang bawa't tao sa kanikaniyang sarili, at ako'y iiwan ninyong magisa: ^(AB)at gayon ma'y hindi ako nagiisa, sapagka't ang Ama ay sumasa akin.

³³ Ang mga bagay na ito ay sinalita ko sa inyo, upang kayo'y magkaroon ^(AC)sa akin ng kapayapaan. ^(AD)Sa sanglibutan ay mayroon kayong kapighatian: nguni't laksan ninyo ang loob; ^(AE)aking dinaig ang sanglibutan.

17 Ang mga bagay na ito ay sinalita ni Jesus; ^(AF)at sa pagtingala ng kaniyang mga mata sa langit, ay sinabi niya, Ama, dumating na ang oras; ^(AG)luwalhatiin mo ang iyong Anak, upang ikaw ay luwalhatiin ng Anak:

² Gaya ng ibinigay mo ^(AH)sa kaniya ang kapamahalaan sa lahat ng laman, upang bigyan niya ng buhay na walang hanggan ^(AI)ang lahat ng ibinigay mo sa kaniya.

³ At ito ang buhay na walang hanggan, na ikaw ay makilala nila na iisang ^(AJ)Dios na tunay, ^(AK)at siyang iyong sinugo, sa makatuwid baga'y si Jesucristo.

⁴ Niluwalhati ^(AL)kita sa lupa, ^(AM)pagkaganap ko ng gawa na ipinagawa mo sa akin.

⁵ At ngayon, Ama, ^(AN)luwalhatiin mo ako sa iyo rin ng kaluwalhatiang ^(AO)aking tinamo sa iyo ^(AP)bago ang sanglibutan ay naging gayon.

⁶ Ipinahayag ko ang iyong pangalan sa mga tao ^(AQ)na ibinigay mo sa akin mula sa sanglibutan: sila'y iyo, at sila'y ibinigay mo sa akin; at ^(AR)tinupad nila ang iyong salita.

⁷ Ngayon ay ^(AS)nangakilala nila na ang lahat ng mga bagay na sa akin ay ibinigay mo ay mula sa iyo:

⁸ Sapagka't ang mga salitang sa akin ay ibinigay mo ay ibinigay ko sa kanila; at kanilang tinanggap, at nangakilala nilang tunay na nagbuhat ako sa iyo, at nagsipaniwalang ikaw ang nagsugo sa akin.

^9 (AT)Idinadalangin ko sila: ^(AU)hindi ang sanglibutan ang idinadalangin ko, kundi yaong mga sa akin ay ibinigay mo; ^(AV)sapagka't sila'y iyo:

¹⁰ At ang lahat ng mga bagay ay iyo, at ang mga iyo ay akin: at ako'y lumuluwalhati sa kanila.

¹¹ At wala na ako sa sanglibutan, at ang mga ito ay nasa sanglibutan, at ako'y paririyan sa iyo. Amang Banal, ingatan mo sila sa iyong pangalan yaong mga ibinigay mo sa akin, ^(AW)upang sila'y maging isa, ^(AX)na gaya naman natin.

¹² Samantalang ako'y sumasa kanila, ay iningatan ko sila sa iyong pangalan yaong mga ibinigay mo sa akin: at sila'y binantayan ko, at ^(AY)isa man sa kanila'y walang napahamak, kundi ^(AZ)ang anak ng kapahamakan; ^(BA)upang matupad ang kasulatan.

¹³ Nguni't ngayon ay napaririyan ako sa iyo; at sinasalita ko ang mga bagay na ito sa sanglibutan, upang sila'y mangagtamo ng ^(BB)aking kagalakang ganap sa kanila rin.

¹⁴ Ibinigay ko sa kanila ang iyong salita: ^(BC)at kinapootan sila ng sanglibutan, sapagka't hindi sila taga sanglibutan, gaya ko naman na hindi taga sanglibutan.

¹⁵ Hindi ko idinadalangin na alisin mo sila sa sanglibutan, kundi ingatan mo sila ^(BD)mula sa masama.

¹⁶ Hindi sila taga sanglibutan, na gaya ko naman na hindi taga sanglibutan.

^17 (BE)Pakabanalin mo sila ^(BF)sa katotohanan: ^(BG)ang salita mo'y katotohanan.

¹⁸ Kung paanong ^(BH)ako'y iyong sinugo sa sanglibutan, sila'y gayon ding sinusugo ko sa sanglibutan.

¹⁹ At dahil sa kanila'y ^(BI)pinabanal ko ang aking sarili, upang sila naman ay mangagpakabanal sa katotohanan.

²⁰ Hindi lamang sila ang idinadalangin ko, kundi sila rin naman na mga nagsisisampalataya sa akin sa pamamagitan ng kanilang salita;

²¹ Upang silang lahat ay maging ^(BJ)isa; na gaya mo, Ama, sa akin, at ako'y sa iyo, ^(BK)na sila nama'y suma atin: upang ang sanglibutan ay sumampalataya na ako'y sinugo mo.

²² At ^(BL)ang kaluwalhatiang sa aki'y ibinigay mo ^(BM)ay ibinigay ko sa kanila; upang sila'y maging isa, na gaya naman natin na iisa;

²³ Ako'y sa kanila, at ikaw ay sa akin, ^(BN)upang sila'y malubos sa pagkakaisa; ^(BO)upang makilala ng sanglibutan na ikaw ang sa akin ay nagsugo, at sila'y iyong inibig, na gaya ko na inibig mo.

²⁴ Ama, ^(BP)yaong mga ibinigay mo sa akin ay ibig kong kung saan ako naroroon, sila naman ay dumoong kasama ko, ^(BQ)upang makita nila ang kaluwalhatian ko, na ibinigay mo sa akin: sapagka't ako'y iyong inibig ^(BR)bago natatag ang sanglibutan.

²⁵ Oh Amang banal, hindi ka nakikilala ng sanglibutan, nguni't nakikilala kita; at nakikilala ng mga ito na ikaw ang nagsugo sa akin;

²⁶ At ipinakilala ko sa kanila ang ^(BS)iyong pangalan, at ipakikilala ko; upang ang pagibig ^(BT)na sa akin ay iniibig mo ay mapasa kanila, at ako'y sa kanila.

18 Nang masalita ni Jesus ang mga salitang ito, ^(BU)siya'y umalis na kasama ng kaniyang mga alagad na nagsitawid ng batis ng Cedron, na doo'y may isang halamanan, na pinasok niya at ng kaniyang mga alagad.

² Si Judas nga rin naman, na sa kaniya'y nagkanulo, ay nalalaman ang dako: sapagka't madalas na si ^(BV)Jesus ay nakikipagkatipon sa kaniyang mga alagad doon.

³ Si Judas nga, ^(BW)pagkatanggap ng pulutong ng mga kawal, at mga punong kawal na mula sa mga pangulong saserdote at mga Fariseo, ay nagsiparoon na may mga ilawan at mga sulo at mga sandata.

⁴ Si Jesus nga, na nakatataho ng lahat ng mga bagay na sasapit sa kaniya, ay lumabas, at sa kanila'y sinabi, Sino ang inyong hinahanap?

⁵ Sinagot niya sila, Si Jesus na taga Nazaret. Sinabi sa kanila ni Jesus, Ako nga. At si Judas din naman, na sa kaniya'y nagkanulo, ay nakatayong kasama nila.

⁶ Pagkasabi nga niya sa kanila, Ako nga, ay nagsiurong sila, at nangalugmok sa lupa.

⁷ Muli ngang sila'y tinanong niya, Sino ang inyong hinahanap? At sinabi nila, Si Jesus na taga Nazaret.

⁸ Sumagot si Jesus, Sinabi ko sa inyo na ako nga; kung ako nga ang inyong hinahanap, ay pabayaan ninyo ang mga ito na magsiyaon sa kanilang lakad.

⁹ Upang matupad ang salitang sinalita niya, ^(BX)Sa mga ibinigay mo sa akin ay hindi ko iniwala kahit isa.

¹⁰ Si Simon Pedro nga na may tabak ay nagbunot nito, at sinugatan ang alipin ng dakilang saserdote, at tinagpas ang kaniyang kanang tainga. Ang pangalan ng aliping yaon ay Malco.

¹¹ Sinabi nga ni Jesus kay Pedro, Isalong mo ang iyong tabak: ^(BY)ang sarong sa akin ay ibinigay ng Ama, ay hindi ko baga iinuman?

¹² Kaya dinakip si Jesus ng pulutong at ng pangulong kapitan, at ng mga punong kawal ng mga Judio, at siya'y ginapos.

¹³ At ^(BZ)siya'y dinala muna ^(CA)kay Anas; sapagka't siya'y biyenan ni ^(CB)Caifas, na dakilang saserdote nang taong yaon.

¹⁴ Si Caifas nga ^(CC)na siyang nagpayo sa mga Judio, na dapat na ang isang tao'y mamatay dahil sa bayan.

¹⁵ At sumunod si ^(CD)Simon Pedro kay Jesus, at gayon din ang isa pang alagad. Ang alagad ngang yaon ay kilala ng dakilang saserdote, at pumasok na kasama ni Jesus sa looban ng dakilang saserdote;

¹⁶ Nguni't si Pedro ay ^(CE)nakatayo sa pintuan sa labas. Kaya't ang isang alagad, na kilala ng dakilang saserdote ay lumabas at kinausap ang babaing tanod-pinto, at ipinasok si Pedro.

¹⁷ Sinabi nga kay Pedro ng dalagang tanod-pinto, Pati baga ikaw ay isa sa mga alagad ng taong ito? Sinabi niya, Ako'y hindi.

¹⁸ Nangakatayo nga doon ang mga alipin at ang mga punong kawal, na nangagpapaningas ng sigang uling; sapagka't maginaw; at sila'y nangagpapainit: at si Pedro rin naman ay kasama nila, na nakatayo at nagpapainit.

^19 (CF)Tinanong nga ng dakilang saserdote si Jesus tungkol sa kaniyang mga alagad, at sa kaniyang pagtuturo.

²⁰ Sinagot siya ni Jesus, Ako'y hayag na nagsalita sa sanglibutan; ako'y laging nagtuturo ^(CG)sa mga sinagoga, at sa templo, na siyang pinagkakatipunan ng lahat ng mga Judio; at wala akong sinalita sa lihim.

²¹ Bakit ako'y iyong tinatanong? tanungin mo silang nangakarinig sa akin, kung anong sinalita ko sa kanila: narito, ang mga ito ang nangakakaalam ng mga bagay na sinabi ko.

²² At nang kaniyang masabi ito, ay sinampal si Jesus ng isa sa mga punong kawal na nakatayo roon, na nagsasabi, ^(CH)Ganyan ang pagsagot mo sa dakilang saserdote?

²³ Sinagot siya ni Jesus, Kung ako'y nagsalita ng masama, patotohanan mo ang kasamaan; datapuwa't kung mabuti, bakit mo ako sinasampal?

²⁴ Ipinadala nga siyang gapos ni Anas kay Caifas na dakilang saserdote.

²⁵ Nakatayo nga si Pedro na nagpapainit. ^(CI)Sinabi nga nila sa kaniya, Ikaw baga ay isa rin naman sa kaniyang mga alagad? Siya'y kumaila, at sinabi, Ako'y hindi.

²⁶ Ang isa sa mga alipin ng dakilang saserdote, na kamaganak ^(CJ)niyaong tinagpas ni Pedro ang tainga, ay nagsabi, Hindi baga ikaw ay nakita kong kasama niya sa halamanan?

²⁷ Muli ngang kumaila si Pedro: at ^(CK)pagdaka'y tumilaok ang manok.

²⁸ Dinala nga nila si Jesus mula kay Caifas hanggang sa Pretorio: at niyao'y maaga pa; ^(CL)at sila'y hindi nagsipasok sa Pretorio, upang huwag silang madungisan, ^(CM)upang sila'y mangyaring makakain ng kordero ng paskua.

^29 (CN)Nilabas nga sila ni Pilato, at sinabi, Anong sakdal ang dala ninyo laban sa taong ito?

³⁰ Sila'y nagsisagot at sinabi sa kaniya, Kung ang taong ito'y hindi manggagawa ng masama, ay hindi sana namin dinala sa iyo.

³¹ Sa kanila nga'y sinabi ni Pilato, Kunin ninyo siya, at siya'y inyong hatulan ayon sa inyong kautusan. Ang mga Judio'y nangagsabi sa kaniya, Sa amin ay hindi naaayon sa kautusan na magpapatay ng sinomang tao:

³² Upang matupad ^(CO)ang salitang sinalita ni Jesus, na ipinaalam kung sa anong paraan ng kamatayan siya mamamatay.

³³ Si Pilato nga'y muling pumasok sa Pretorio, at tinawag si Jesus, at sa kaniya'y sinabi, Ikaw baga ang Hari ng mga Judio?

³⁴ Sumagot si Jesus, Sinasabi mo baga ito sa iyong sarili, o sinabi sa iyo ng mga iba tungkol sa akin?

³⁵ Si Pilato ay sumagot, Ako baga'y Judio? Ang iyong sariling bansa at ang mga pangulong saserdote ang sa iyo'y nagdala sa akin: anong ginawa mo?

³⁶ Sumagot si Jesus, ^(CP)Ang kaharian ko ay hindi ^(CQ)sa sanglibutang ito: kung ang kaharian ko ay sa sanglibutang ito, ang aking mga alipin nga ay makikipagbaka, upang ako'y huwag ^(CR)maibigay sa mga Judio: nguni't ngayo'y ang aking kaharian ay hindi rito.

³⁷ Sinabi nga sa kaniya ni Pilato, Ikaw nga baga'y hari? Sumagot si Jesus, ^(CS)Ikaw ang nagsasabing ako'y hari. ^(CT)Ako'y ipinanganak dahil dito, dahil dito ako naparito sa ^(CU)sanglibutan, upang bigyang patotoo ang katotohanan. ^(CV)Ang bawa't isang ayon sa katotohanan ay nakikinig ng aking tinig.

³⁸ Sinabi sa kaniya ni Pilato, Ano ang katotohanan?

At nang masabi niya ito ay ^(CW)lumabas siyang muli sa mga Judio, at sa kanila'y sinabi, Wala akong masumpungang anomang kasalanan sa kaniya.

³⁹ Nguni't kayo'y ^(CX)may ugali, na pawalan sa inyo ang isa sa paskua: ibig nga baga ninyong sa inyo'y pawalan ko ang Hari ng mga Judio?

⁴⁰ Sila nga'y nagsigawang muli, na nangagsasabi, Huwag ang taong ito, kundi si Barrabas. Si Barrabas nga'y isang tulisan.