Historical

58 Tunay bang kayo'y nangagsasalita ng katuwiran Oh kayong mga makapangyarihan?
Nagsisihatol ba kayo ng matuwid, Oh kayong mga anak ng mga tao?
² Oo, sa puso ay nagsisigawa kayo ng kasamaan;
Inyong tinitimbang ang pangdadahas ng inyong mga kamay sa lupa.
³ Ang masama ay naliligaw mula sa bahay-bata:
Sila'y naliligaw pagkapanganak sa kanila, na nagsasalita ng mga kasinungalingan.
^4 (A)Ang kanilang kamandag ay parang kamandag ng ahas:
Sila'y ^(B)gaya ng binging ahas na nagtatakip ng kaniyang pakinig;
⁵ At hindi nakakarinig ng tinig ^(C)ng mga enkantador,
Na kailan man ay hindi umeenkanto ng gayon na may karunungan.
⁶ Iyong bungalin ang kanilang mga ngipin, ^(D)Oh Dios, sa kanilang bibig:
Iyong bungalin ang mga malaking ngipin ng mga batang leon, Oh Panginoon.
^7 (E)Mangatunaw nawa silang parang tubig na umaagos:
Pagka inihilagpos niya ang kaniyang mga palaso, maging gaya nawa ng nangaluray.
⁸ Maging gaya nawa ng laman ng suso na natutunaw at napapawi:
^(F)Na gaya ng naagas sa babae na hindi nakakita ng araw.
^9 (G)Bago makaramdam ang inyong mga palyok ng mga dawag na panggatong,
^(H)Kaniyang kukunin ang mga yaon ng ipoipo, ang sariwa at gayon din ang nagniningas.
^10 (I)Magagalak ang matuwid pagka nakita niya ^(J)ang higanti:
Kaniyang huhugasan ^(K)ang kaniyang mga paa sa dugo ng masama.
^11 (L)Na anopa't sasabihin ng mga tao, Katotohanang may kagantihan sa matuwid:
Katotohanang may Dios na ^(M)humahatol sa lupa.

59 Iligtas mo ako ^(O)sa aking mga kaaway, Oh Dios ko:
Ilagay mo ako sa mataas sa kanila na nagsisibangon laban sa akin.
² Iligtas mo ako sa mga manggagawa ng kasamaan,
At iligtas mo ako sa mga mabagsik na tao.
³ Sapagka't narito, kanilang binabakayan ang aking kaluluwa;
Ang mga makapangyarihan ay ^(P)nagpipisan laban sa akin:
^(Q)Hindi dahil sa aking pagsalangsang, o sa aking kasalanan man, Oh Panginoon.
⁴ Sila'y nagsisitakbo at nagsisihanda na wala akong sala:
^(R)Ikaw ay gumising na tulungan mo ako, at masdan mo.
⁵ Sa makatuwid baga'y ikaw, ^(S)Oh Panginoong Dios ng mga hukbo, na Dios ng Israel,
Ikaw ay bumangon upang iyong dalawin ang lahat ng mga bansa:
Huwag kang maawa sa kanino mang masamang mananalangsang. (Selah)
⁶ Sila'y nagsibalik sa kinahapunan, ^(T)sila'y nagsitahol na parang aso,
At nililigid ang bayan.
⁷ Narito, sila'y nanunungayaw ng kanilang bibig;
^(U)Mga tabak ay nangasa kanilang mga labi:
Sapagka't ^(V)sino, sabi nila, ang nakikinig?
⁸ Nguni't ikaw, Oh Panginoon, ^(W)tatawa sa kanila;
Iyong tutuyain ang lahat ng mga bansa.
⁹ Dahil sa kaniyang kalakasan, didinggin kita;
^(X)Sapagka't ang Dios ay aking matayog na moog.
^10 (Y)Ang aking Dios pati ng kaniyang kagandahang-loob ay sasalubong sa akin:
Ipakikita ng Dios ^(Z)sa akin ang aking nasa sa aking mga kaaway.
^11 (AA)Huwag mo silang patayin, baka makalimot ang aking bayan;
Pangalatin mo sila ng iyong kapangyarihan, at ibaba mo sila,
Oh Panginoon na kalasag namin.
^12 (AB)Dahil sa kasalanan ng kanilang bibig, at sa mga salita ng kanilang mga labi,
Makuha nawa sila sa kanilang kapalaluan,
At dahil sa sumpa at pagsisinungaling na kanilang sinalita.
^13 (AC)Pugnawin mo sila sa poot, pugnawin mo sila, upang sila'y mawala:
At ^(AD)ipakilala mo sa kanila na ang Dios ay nagpupuno sa Jacob,
Hanggang sa mga wakas ng lupa. (Selah)
¹⁴ At sa kinahapunan ay papagbalikin mo sila, pahagulhulin mo silang parang aso,
At libutin nila ang bayan.
^15 (AE)Sila'y gagala na magmamanhik-manaog dahil sa pagkain,
At maghihintay buong gabi kung hindi sila mabusog.
¹⁶ Nguni't aking aawitin ang iyong kalakasan;
Oo, aking aawiting malakas ang iyong kagandahang-loob sa kinaumagahan:
Sapagka't ikaw ay naging aking matayog na moog,
At kanlungan sa kaarawan ng aking kabagabagan.
¹⁷ Sa iyo, Oh ^(AF)kalakasan ko, aawit ako ng mga pagpuri:
Sapagka't ang Dios ay aking matayog na moog, ang Dios ng aking kaawaan.

60 Oh Dios, ^(AH)iniwaksi mo kami, ibinagsak mo kami;
Ikaw ay nagalit; Oh papanauliin mo kami.
² Iyong niyanig ang lupain; iyong pinabuka:
^(AI)Pagalingin mo ang mga sira niyaon: sapagka't umuuga.
^3 (AJ)Nagpakita ka sa iyong bayan ng mahihirap na bagay:
^(AK)Iyong ipinainom sa amin ang alak na pangpagiray.
^4 (AL)Nagbigay ka ng watawat sa nangatatakot sa iyo,
Upang maiwagayway dahil sa katotohanan. (Selah)
^5 (AM)Upang ang ^(AN)iyong minamahal ay makaligtas,
Magligtas ka ng iyong kanan, at sagutin mo kami.
^6 (AO)Nagsalita ang Dios sa kaniyang kabanalan; ako'y magsasaya:
^(AP)Aking hahatiin ang ^(AQ)Sichem, at aking susukatin ^(AR)ang libis ng Succoth,
⁷ Galaad ay ^(AS)akin, at Manases ay akin;
Ephraim naman ay sanggalang ng aking ulo;
Juda ay ^(AT)aking setro.
^8 (AU)Moab ay aking hugasan;
^(AV)Sa Edom ay aking ihahagis ang aking panyapak;
Filistia, ^(AW)humiyaw ka dahil sa akin.
⁹ Sinong magdadala sa akin sa matibay na bayan?
Sinong papatnubay sa akin hanggang sa Edom?
^10 (AX)Hindi mo ba kami iniwaksi, Oh Dios?
At hindi ka lumalabas, Oh Dios, na kasama ng aming mga hukbo.
¹¹ Tulungan mo kami laban sa kaaway;
Sapagka't ^(AY)walang kabuluhan ang tulong ng tao.
¹² Sa pamamagitan ng Dios ay ^(AZ)gagawa kaming may katapangan:
Sapagka't siya ang ^(BA)yumayapak sa aming mga kaaway.

61 Dinggin mo ang aking daing, Oh Dios;
Pakinggan mo ang aking dalangin.
² Mula sa wakas ng lupa ay tatawag ako sa iyo, pagka nanglupaypay ang aking puso:
Patnubayan mo ako sa malaking bato na lalong mataas kay sa akin.
³ Sapagka't ikaw ay naging aking kanlungan,
^(BB)Matibay na moog sa kaaway.
^4 (BC)Ako'y tatahan sa iyong tabernakulo magpakailan man:
Ako'y manganganlong sa lilim ng iyong mga pakpak. (Selah)
⁵ Sapagka't dininig mo, Oh Dios, ang aking mga panata: Ibinigay mo ang mana sa nangatatakot sa iyong pangalan.
^6 (BD)Iyong pahahabain ang buhay ng hari:
Ang kaniyang mga taon ay magiging parang malaong panahon.
⁷ Siya'y tatahan sa harap ng Dios magpakailan man: Oh maghanda ka ng kagandahang-loob ^(BE)at katotohanan, upang mapalagi siya.
⁸ Sa gayo'y aawit ako ng pagpuri sa iyong pangalan magpakailan man.
^(BF)Upang maisagawa ko araw-araw ang aking mga panata.

62 Sa ^(BG)Dios lamang naghihintay ng tahimik ang aking kaluluwa:
Sa kaniya galing ang aking kaligtasan.
² Siya lamang ang aking kanlungan at aking kaligtasan:
Siya ang ^(BH)aking matayog na moog; hindi ako lubhang makikilos.
³ Hanggang kailan maghahaka kayo ng masama laban sa isang tao.
Upang patayin siya ninyong lahat,
^(BI)Na gaya ng pader na tumagilid, o bakod na nabubuwal?
⁴ Sila'y nagsisisangguni lamang upang ibagsak siya sa kaniyang karilagan;
Sila'y natutuwa sa mga kasinungalingan:
Sila'y nagsisibasbas ng kanilang bibig, ^(BJ)nguni't nanganunumpa sa loob. (Selah)
⁵ Kaluluwa ko, maghintay kang tahimik sa Dios lamang;
Sapagka't ang aking pagasa ay mula sa kaniya.
⁶ Siya lamang ang aking malaking bato at aking kaligtasan:
Siya'y aking matayog na moog; ^(BK)hindi ako makikilos.
^7 (BL)Nasa Dios ang aking kaligtasan at aking kaluwalhatian;
Ang malaking bato ng aking kalakasan, at ang kanlungan ko'y nasa Dios.
⁸ Magsitiwala kayo sa kaniya buong panahon, kayong mga bayan;
^(BM)Buksan ninyo ang inyong dibdib sa harap niya;
Dios ay kanlungan sa atin. (Selah)
^9 (BN)Tunay na walang kabuluhan ang mga taong may mababang kalagayan, at ang mga taong may mataas na kalagayan ay kabulaanan:
Sa mga timbangan ay sasampa sila;
Silang magkakasama ay lalong magaan kay sa walang kabuluhan.
¹⁰ Huwag kang tumiwala sa kapighatian,
At huwag maging walang kabuluhan sa pagnanakaw:
^(BO)Kung ang mga kayamanan ay lumago, huwag ninyong paglalagakan ng inyong puso.
¹¹ Ang Dios ay nagsalitang ^(BP)minsan,
Makalawang aking narinig ito;
^(BQ)Na ang kapangyarihan ay ukol sa Dios:
¹² Sa iyo naman, Oh Panginoon, ukol ang ^(BR)kagandahang-loob:
Sapagka't ^(BS)ikaw ay nagbabayad sa bawa't tao ayon sa kaniyang gawa.

63 Oh Dios, ikaw ay Dios ko; hahanapin kitang ^(BU)maaga:
Kinauuhawan ka ^(BV)ng aking kaluluwa, pinananabikan ka ng aking laman,
Sa isang tuyo at uhaw na lupa na walang tubig.
² Sa gayo'y tumingin ako sa iyo sa santuario.
Upang tanawin ang ^(BW)iyong kapangyarihan at ang iyong kaluwalhatian.
^3 (BX)Sapagka't ang iyong kagandahang-loob ay mainam kay sa buhay:
Pupurihin ka ng aking mga labi.
⁴ Sa gayo'y pupurihin ^(BY)kita habang ako'y nabubuhay:
^(BZ)Igagawad ko ang aking mga kamay sa iyong pangalan.
⁵ Ang kaluluwa ko'y matutuwa na gaya sa utak at taba;
At ang bibig ko'y pupuri sa iyo ng masayang mga labi;
⁶ Pagka ^(CA)naaalaala kita sa aking higaan,
At ginugunita kita sa pagbabantay sa gabi.
⁷ Sapagka't naging katulong kita,
At ^(CB)sa lilim ng mga pakpak mo'y magagalak ako.
⁸ Ang kaluluwa ko'y nanununod na mainam sa iyo:
Inaalalayan ako ng iyong kanan.
⁹ Nguni't ang nagsisihanap ng kaluluwa ko, upang ipahamak,
Magsisilusong sa mga lalong ^(CC)mababang bahagi ng lupa.
¹⁰ Sila'y mangahuhulog sa kapangyarihan ng tabak:
Sila'y magiging pagkain sa mga zorra.
¹¹ Nguni't ^(CD)ang hari ay magagalak sa Dios:
Bawa't sumusumpa sa pamamagitan niya ay ^(CE)luluwalhati;
Sapagka't ^(CF)ang bibig nila na nagsasalita ng mga kasinungalingan ay patitigilin.

64 Dinggin mo ang tinig ko. Oh Dios, sa aking hibik:
Ingatan mo ang buhay ko sa pagkatakot sa kaaway.
² Ikubli mo ako sa lihim na payo ng mga manggagawa ng kasamaan;
Sa panggugulo ng mga manggagawa ng kasamaan:
^3 (CG)Na siyang nangaghasa ng kanilang dila na parang tabak,
At pinahilagpos ang kanilang mga ^(CH)palaso, sa makatuwid baga'y ang masasakit na salita:
⁴ Upang kanilang maihilagpos sa sakdal sa mga lihim na dako:
Biglang inihihilagpos nila sa kaniya at hindi natatakot.
⁵ Sila'y nagpapakatapang sa masamang akala;
Sila'y nagsasangusapan ng paglalagay ng lihim na silo;
Sinasabi nila, ^(CI)Sinong makakakita?
⁶ Sila'y nagsisipagsiyasat ng mga kasamaan;
Aming naganap, sabi nila, ang masikap na pagsiyasat;
At ang pagiisip sa loob ng bawa't isa, at ang puso ay malalim.
^7 (CJ)Nguni't pahihilagpusan sila ng Dios;
Sila'y masusugatang bigla ng isang palaso.
⁸ Sa gayo'y sila'y ^(CK)matitisod palibhasa't ang kanilang sariling dila ay laban sa kanila:
Ang lahat na makakita sa kanila ay ^(CL)mangaguuga ng ulo.
⁹ At lahat ng mga tao ay ^(CM)mangatatakot;
At kanilang ipahahayag ang salita ng Dios,
At may karunungang kanilang bubuhayin ang kanilang gawa.
¹⁰ Ang matuwid ay ^(CN)matutuwa sa Panginoon, at manganganlong sa kaniya;
At lahat ng mga matuwid sa puso ay magsisiluwalhati.

65 Ang kapurihan ay naghihintay sa iyo, Oh Dios, sa Sion:
At sa iyo'y maisasagawa ang panata.
² Oh ikaw na dumidinig ng dalangin,
^(CO)Sa iyo'y paroroon ang lahat ng laman.
³ Mga kasamaan ay nangananaig laban sa akin:
Tungkol sa aming pagsalangsang, ay ^(CP)lilinisin mo.
^4 (CQ)Mapalad ang tao na ^(CR)iyong pinipili, at pinalalapit mo sa iyo,
^(CS)Upang siya'y makatahan sa iyong mga looban:
^(CT)Kami ay mangasisiyahan sa kabutihan ng iyong bahay,
Ng iyong banal na templo.
⁵ Sasagutin mo kami sa katuwiran sa pamamagitan ng mga kakilakilabot na bagay,
Oh Dios ng aming kaligtasan;
Ikaw na katiwalaan ng ^(CU)lahat na wakas ng lupa,
At nila na malayo sa dagat:
⁶ Na naglalagay na matibay ng mga bundok sa pamamagitan ng kaniyang kalakasan;
Palibhasa't nabibigkisan sa palibot ng kapangyarihan:
^7 (CV)Na nagpapatigil ng hugong ng mga dagat,
Ng hugong ng kanilang mga alon,
^(CW)At ng kaingay ng mga bayan.
⁸ Sila naman na nagsisitahan sa mga pinakadulong bahagi ay nangatatakot sa iyong mga tanda:
Ikaw ang nagbibigay galak sa pagbubukang liwayway at pagtatakip-silim.
^9 (CX)Iyong dinadalaw ang lupa, at ^(CY)dinidilig mo,
Iyong pinayayamang mainam;
^(CZ)Ang ilog ng Dios ay puno ng tubig:
Iyong pinagtataanan sila ng trigo, pagka't inihanda mo ang lupa.
¹⁰ Iyong dinidilig ang kaniyang bungkal ng sagana;
Iyong pinapantay ang kaniyang mga bungkal;
Iyong mga pinalalambot ng ambon;
Iyong pinagpapala ang pagsibol niyaon.
¹¹ Iyong dinudulutan ang taon ng iyong kabutihan;
At ang iyong mga landas ay pumapatak ng katabaan.
¹² Nagsisipatak sa mga ^(DA)pastulan sa ilang;
At ang mga burol ay nabibigkisan ng kagalakan.
¹³ Ang mga^[a] pastulan ay nangabihisan ng mga kawan;
Ang mga libis naman ay nangatatakpan ng trigo;
Sila'y magsisihiyaw sa kagalakan, sila naman ay nagsisiawit.