Chronological

Ang asawa ni Oseas at ang mga anak sa ligaw.

1 Ang salita ng Panginoon na dumating kay Oseas na anak ni Beeri, ^(A)nang mga kaarawan ni Uzias, ni Jotam, ni Ahaz, at ni Ezechias, na mga hari sa Juda, at nang mga kaarawan ni ^(B)Jeroboam na anak ni Joas, na hari sa Israel.

² Nang unang magsalita ang Panginoon sa pamamagitan ni Oseas, sinabi ng Panginoon kay Oseas, Yumaon ka, magasawa ka sa isang patutot at mga anak sa patutot; sapagka't ^(C)ang lupain ay gumagawa ng malaking pagpapatutot, na humihiwalay sa Panginoon.

³ Sa gayo'y yumaon siya, at kinuha niya si Gomer na anak ni Diblaim; at siya'y naglihi, at nanganak sa kaniya ng isang lalake.

⁴ At sinabi ng Panginoon sa kaniya, Tawagin mo ang kaniyang pangalang Jezreel; sapagka't sangdali pa at ^(D)aking igaganti ang dugo ng Jezreel sa sangbahayan ni Jehu, ^(E)at aking papaglilikatin ang kaharian ng sangbahayan ni Israel.

⁵ At mangyayari ^(F)sa araw na yaon, na aking babaliin ang busog ng Israel sa libis ng Jezreel.

⁶ At siya'y naglihi uli, at nanganak ng isang babae. At sinabi ng Panginoon sa kaniya, Tawagin mo ang kaniyang pangalang Lo-ruhama;^{[a] (G)}sapagka't hindi na ako magdadalang habag sa sangbahayan ni Israel, na sa anoman ay hindi ko patatawarin sila.

⁷ Nguni't ^(H)ako'y maaawa sa sangbahayan ni Juda, at ililigtas ko sila sa pamamagitan ng Panginoon nilang Dios, at ^(I)hindi ko ililigtas sila sa pamamagitan ng busog, o sa pamamagitan man ng tabak, o sa pamamagitan man ng pagbabaka, o sa pamamagitan man ng mga kabayo, o sa pamamagitan man ng mga mangangabayo.

⁸ Nang maihiwalay nga niya sa suso ni Lo-ruhama, siya'y naglihi, at nanganak ng isang lalake.

⁹ At sinabi ng Panginoon, Tawagin mo ang kaniyang pangalang Loammi;^[b] sapagka't kayo'y hindi aking bayan, at ako'y hindi magiging inyong Dios.

Ang muling pagkatatag ng Israel at Juda.

¹⁰ Gayon ma'y ang bilang ng mga anak ni Israel ay ^(J)magiging parang buhangin sa dagat na hindi matatakal, o mabibilang man; ^(K)at mangyayari, na sa dakong pagsabihan sa kanila, Kayo'y hindi aking bayan, sasabihin sa kanila, Kayo'y mga ^(L)anak ng buháy na ^(M)Dios.

^11 (N)At ang mga anak ni Juda, at ang mga anak ni Israel ay mapipisan, at sila'y mangaghahalal sa kanilang sarili ng isang pangulo, at sila'y magsisisampa mula sa lupain; sapagka't magiging dakila ang kaarawan ng ^(O)Jezreel.

Ang hindi pagtatapat ng bayan ay parurusahan.

2 Sabihin ninyo sa inyong mga kapatid na lalake, Ammi;^[c] at sa inyong mga kapatid na babae ay, Ruhama.^[d]

² Makipagtalo kayo sa inyong ina, makipagtalo kayo; ^(P)sapagka't siya'y hindi ko asawa, ni ako man ay kaniyang asawa; at alisin niya ang kaniyang pagpapatutot sa kaniyang mukha, at ang kaniyang mga pangangalunya sa pagitan ng kaniyang mga suso;

^3 (Q)Baka siya'y aking hubaran, at aking ilagay siya na gaya ng araw na siya'y ipanganak, at gawin ko siyang parang isang ilang, at ilagay ko siyang parang isang tuyong lupa, at patayin ko siya sa uhaw;

⁴ Oo, sa kaniyang mga anak ay hindi ako magdadalang habag; sapagka't sila'y mga anak sa patutot.

⁵ Sapagka't ang kanilang ina ay nagpatutot; siya na naglihi sa kanila ay gumawa ng kahiyahiya; sapagka't kaniyang sinabi, Ako'y susunod sa mga mangingibig sa akin, na nangagbibigay sa akin ng aking tinapay at ng aking tubig, ng aking lana at ng aking lino, ng langis ko at ng inumin ko.

⁶ Kaya't, narito, ^(R)aking babakuran ng mga tinik ang iyong daan, at ako'y gagawa ng bakod laban sa kaniya, na hindi niya, masusumpungan ang kaniyang mga landas.

⁷ At siya'y susunod sa mga mangingibig sa kaniya, nguni't hindi niya sila aabutan; at hahanapin niya sila, nguni't hindi niya sila masusumpungan; kung magkagayo'y sasabihin niya, ^(S)Ako'y yayaon at babalik sa aking unang asawa; sapagka't naging mabuti sa akin kay sa ngayon.

⁸ Sapagka't hindi niya naalaman ^(T)na ako ang nagbigay sa kaniya ng ^(U)trigo, at ng alak, at ng langis, at nagpaparami sa kaniya ng pilak at ginto, na kanilang ginamit kay Baal.

⁹ Kaya't aking babawiin ang aking trigo sa panahon niyaon, at ang aking alak sa panahon niyaon, at aking aalisin ang aking lana at ang aking lino na sana'y tatakip sa kaniyang kahubaran.

¹⁰ At ngayo'y aking ililitaw ang kaniyang kahalayan sa paningin ng mga mangingibig sa kaniya, at walang magliligtas sa kaniya mula sa aking kamay.

^11 (V)Akin din namang papaglilikatin ang kaniyang mga kalayawan, ang kaniyang mga kapistahan, ^(W)ang kaniyang mga bagong buwan, at ang kaniyang mga sabbath, at lahat ng kaniyang takdang kapulungan.

¹² At aking iwawasak ang kaniyang mga puno ng ubas, at ang kaniyang mga puno ng higos, na siya niyang sinasabi, Ang mga ito ang aking kaupahan na ibinigay sa akin ng mga mangingibig sa akin; at ang mga yao'y aking gagawing isang gubat, at kakanin ng mga hayop sa parang.

^13 (X)At aking dadalawin sa kaniya ^(Y)ang mga kaarawan ng mga Baal, na siya niyang pinagsusunugan ng kamangyan, nang siya'y nagpaparanya ng kaniyang mga hikaw at kaniyang mga hiyas, at sumusunod sa mga mangingibig sa kaniya, at kinalilimutan ako, sabi ng Panginoon.

¹⁴ Kaya't, narito, akin siyang hihikayatin, at dadalhin siya sa ilang, at pagsasalitaan ko siyang ^(Z)may pagaliw.

¹⁵ At ibibigay ko sa kaniya ang kaniyang mga ubasan mula roon, at ^(AA)ang libis ng Achor na pinakapintuan ng pagasa; at siya'y sasagot doon, gaya ng mga kaarawan ng kaniyang kabataan, at gaya ^(AB)ng araw na siya'y sumampa mula sa lupain ng Egipto.

¹⁶ At mangyayari sa araw na yaon, sabi ng Panginoon, na tatawagin mo akong Ishi, at hindi mo na ako tatawaging Baali.^[e]

¹⁷ Sapagka't aking aalisin ang mga pangalan ng mga Baal sa kaniyang bibig, at siya'y hindi na babanggitin pa sa pamamagitan ng kanilang pangalan.

¹⁸ At sa araw na yaon ay ipakikipagtipan ko ^(AC)sila sa mga hayop sa parang, at sa mga ibon sa himpapawid, at sa mga bagay na nagsisiusad sa lupa: at ^(AD)aking babaliin ang busog at ang tabak, at patitigilin ko ang pagbabaka sa lupain, at akin silang pahihigaing ^(AE)tiwasay.

¹⁹ At ako'y magiging asawa mo magpakailan man; oo, magiging asawa mo ako sa katuwiran, at sa kahatulan, at sa kagandahang-loob, at sa mga kaawaan.

²⁰ Magiging asawa mo rin ako sa pagtatapat; at iyong makikilala ang Panginoon.

²¹ At mangyayari sa araw na yaon, na ^(AF)ako'y sasagot, sabi ng Panginoon, ako'y sasagot sa langit, at sila'y magsisisagot sa lupa;

²² At ang lupa'y sasagot ^(AG)sa trigo, at sa alak, at sa langis; at sila'y magsisisagot sa ^(AH)Jezreel.

²³ At ^(AI)aking itatatag siya para sa akin sa lupa; at ^(AJ)ako'y magdadalang habag sa kaniya na hindi nagtamo ng kahabagan; at ^(AK)aking sasabihin sa kanila na hindi ko bayan, Ikaw ay aking ^(AL)bayan; at siya'y magsasabi, Ikaw ay aking Dios.

Ang ikalawang pagaasawa ni Oseas ay naging tanda.

3 At sinabi ng Panginoon sa akin, ^(AM)Yumaon ka pa, suminta ka sa isang babae na minamahal ng kaniyang kaibigan, ^(AN)at mangangalunya, sa makatuwid baga'y ng gaya ng pagibig ng Panginoon sa mga anak ni Israel, bagaman sila'y nagsisipihit sa ibang mga dios, at nangakakagusto ng mga binilong pasas.

² Sa gayo'y binili ko siya para sa akin ng labing limang putol na pilak, at ng isang homer na cebada, at ng kalahating homer na cebada;

³ At sinabi ko sa kaniya, Ikaw ay mapapa ^(AO)sa akin na maraming araw; ikaw ay hindi magpapatutot, at ikaw ay hindi na magiging asawa pa ng ibang lalake; kaya't ako naman ay sasa iyo.

⁴ Sapagka't ang mga anak ni Israel ay magsisitahang maraming araw na ^(AP)walang hari, at ^(AQ)walang prinsipe, at walang hain, at walang haligi, at walang ^(AR)efod o mga ^(AS)teraf:

⁵ Pagkatapos ay manunumbalik ang mga anak ni Israel, at hahanapin ang Panginoon nilang Dios, at si ^(AT)David na kanilang hari, at magsisiparitong may takot sa Panginoon at sa ^(AU)kaniyang kabutihan sa mga huling araw.

Ang pakikipagkaalit ng Panginoon sa Israel.

4 Dinggin ninyo ang salita ng Panginoon, ninyong mga anak ni Israel; sapagka't ang ^(AV)Panginoon ay may pakikipagkaalit sa mga mananahan sa lupain, sapagka't walang katotohanan, ni kaawaan man, ni kaalaman man tungkol sa Dios sa lupain.

² Wala kundi pagsumpa at kawalan ng pagtatapat, at pagpatay, pagnanakaw, at pangangalunya; sila'y nagsisidaluhong, at nagkakabubuan ng dugo.

³ Kaya't ang lupain ay ^(AW)tatangis, at bawa't tumatahan doon ay manglulupaypay, kasama ng mga hayop sa parang at ng mga ibon sa himpapawid; oo, ang mga isda rin naman sa dagat ay mangahuhuli.

⁴ Gayon ma'y huwag makipaglaban ang sinoman, o sumuway man ang sinoman; sapagka't ang ^(AX)iyong bayan ay ^(AY)gaya ng nakikipaglaban sa saserdote.

⁵ At ikaw ay matitisod sa araw, at ang propeta naman ay matitisod na kasama mo sa gabi; at aking papatayin ang iyong ina.

⁶ Ang aking bayan ay nasira ^(AZ)dahil sa kakulangan ng kaalaman: sapagka't ikaw ay nagtakuwil ng kaalaman, ^(BA)akin namang itatakuwil ka, upang ikaw ay huwag maging saserdote ko: yamang iyong nilimot ang kautusan ng iyong Dios, akin namang kalilimutan ang iyong mga anak.

⁷ Kung paanong sila'y nagsidami, gayon sila nangagkasala laban sa akin: ^(BB)aking papalitan ng kahihiyan ang kanilang kaluwalhatian.

^8 (BC)Sila'y nagsisikain sa kasalanan ng aking bayan, at inilalagak ang kanilang puso sa kanilang kasamaan.

⁹ At mangyayari, na kung paano ang bayan, gayon ang saserdote, at akin silang parurusahan dahil sa kanilang mga lakad, at aking gagantihin sa kanila ang kanilang mga gawa.

¹⁰ At ^(BD)sila'y magsisikain, at hindi mangabubusog; sila'y magpapatutot, at hindi dadami; sapagka't sila'y nangagwalang bahala sa Panginoon.

¹¹ Ang pagpapatutot at ang alak at bagong alak ay ^(BE)nagaalis ng kaalaman.

¹² Ang aking bayan ay humingi ng payo sa kanilang ^(BF)tungkod, at ang ^(BG)kanilang tungkod ay nagpapahayag sa kanila; sapagka't ang pagpapatutot ay nagligaw sa kanila, at sila'y nagpatutot, na nagsisihiwalay sa kanilang Dios.

¹³ Sila'y nangaghahain sa mga taluktok ^(BH)ng mga bundok, at nangagsusunog ng kamangyan sa mga burol, sa ilalim ng mga ^(BI)encina at ng mga alamo at ng mga roble, sapagka't ang lilim ng mga yaon ay mabuti: kaya't ang inyong mga anak na babae ay nagpatutot, at ang inyong mga manugang na babae ay nangangalunya.

¹⁴ Hindi ko parurusahan ang inyong mga anak na babae pagka sila'y nagpatutot ni ang inyong mga manugang na babae man pagka sila'y nangangalunya; sapagka't ang mga lalake sa kanilang sarili ay nagsisiyaon kasama ng mga patutot, at sila'y nangaghahain na kasama ng mga patutot: at ang bayan na hindi nakakaalam ay nawawasak.

¹⁵ Bagaman ikaw, Oh Israel, ay nagpapatutot, gayon ma'y huwag ipagkasala ng Juda: at huwag kayong magsiparoon sa ^(BJ)Gilgal, ni magsisampa man kayo sa ^(BK)Beth-aven, ^(BL)ni magsisumpa man, Buhay ang Panginoon.

¹⁶ Sapagka't ang Israel ay nagpakatigas ng ulo, ^(BM)gaya ng isang matigas na ulo na guyang babae: ngayo'y pakakanin sila ng Panginoon na parang batang tupa sa isang malaking dako.

^17 (BN)Ang Ephraim ay nalalakip sa mga diosdiosan; pabayaan siya.

¹⁸ Ang kanilang inumin ay naging maasim; sila'y nagpapatutot na palagi; iniibig na mabuti ng kaniyang mga puno ang kahihiyan.

^19 (BO)Tinangay siya ng hangin sa kaniyang mga pakpak; at sila'y mangapapahiya dahil sa kanilang mga hain.

Ang pagsalangsang ng Israel ay tinutulan.

5 Dingin ninyo ito, Oh ninyong mga saserdote, at inyong pakinggan ninyong sangbahayan ni Israel, at inyong ulinigin, Oh sangbahayan ng hari, sapagka't sa inyo'y nauukol ang kahatulan; sapagka't kayo'y naging isang silo sa ^(BP)Mizpa, at isang panghuli na nalagay sa ^(BQ)Tabor.

² At ang mga nagsipanghimagsik ay ^(BR)nangagpakapahamak na mainam; nguni't ako'y mananaway sa kanilang lahat.

³ Ang kilala ang Ephraim, at ang Israel na hindi lingid sa akin; sapagka't ngayon, ^(BS)Oh Ephraim, ikaw ay nagpatutot, ang Israel ay napahamak.

⁴ Hindi sila titiisin ng kanilang mga gawain na manumbalik sa kanilang Dios; sapagka't ^(BT)ang pagpapatutot ay nasa loob nila, at hindi nila nakikilala ang Panginoon.

⁵ At ang kapalaluan ng Israel ^(BU)ay nagpatotoo sa kaniyang mukha: kaya't ang Israel at ang Ephraim ay mangatitisod sa kanilang kasamaan; ang Juda'y matitisod ding kasama nila.

⁶ Sila'y magsisiyaong kasama ng kanilang kawan ^(BV)at ng kanilang bakahan upang hanapin ang Panginoon; nguni't hindi nila masusumpungan siya: Siya'y umurong sa kanila.

⁷ Sila'y ^(BW)nagsigawa ng paglililo laban sa Panginoon; sapagka't sila'y naganak ng ibang mga anak: lalamunin nga sila ng bagong buwan sangpu ng kanilang mga parang.

^8 (BX)Hipan ninyo ang ^(BY)korneta sa Gabaa, at ang pakakak sa Rama: kayo'y magsitugtog ng hudyat sa ^(BZ)Beth-aven; sa likuran mo, Oh Benjamin.

⁹ Ang Ephraim ay magiging kasiraan sa kaarawan ng pagsaway: sa gitna ng mga lipi ng Israel ay aking ipanakilala ang tunay na mangyayari.

¹⁰ Ang mga prinsipe sa Juda ay gaya ng ^(CA)nagsisibago ng lindero: aking ibubuhos ang aking galit sa kanila na parang tubig.

¹¹ Ang Ephraim ay ^(CB)napighati, siya'y nadikdik sa kahatulan; sapagka't siya'y nasisiyahang lumakad ng ayon sa utos ng tao.

¹² Kaya't ako'y sa Ephraim na parang tanga, at sa sangbahayan ni Juda na parang kabulukan.

¹³ Nang makita ng Ephraim ang kaniyang sakit, at nang makita ni Juda ang kaniyang sugat, naparoon nga ang Ephraim sa Asiria, at nagsugo sa haring Jareb: nguni't hindi niya mapagagaling kayo, ni kaniyang mapapagaling man kayo sa inyong sugat.

¹⁴ Sapagka't ^(CC)ako'y magiging parang leon sa Ephraim, at parang isang batang leon sa sangbahayan ni Juda, Ako, sa makatuwid baga'y ako, ay aagaw at aalis; ako'y magaalis, at walang magliligtas.

¹⁵ Ako'y yayaon at babalik sa aking dako, hanggang sa kanilang kilalanin ang pagkakasala, at hanapin ang aking mukha: sa kanilang pagdadalamhati ay hahanapin nila akong mainam.

Ang Ephraim at ang Juda ay napapanganib sa panghihimagsik ng Israel.

6 Magsiparito kayo, at tayo'y manumbalik sa Panginoon; sapagka't ^(CD)siya'y lumapa, at pagagalingin niya tayo; siya'y nanakit, at kaniyang tatapalan tayo.

² Pagkatapos ng dalawang araw ay muling ^(CE)bubuhayin niya tayo: sa ikatlong araw ay ibabangon niya tayo, at tayo'y mangabubuhay sa harap niya.

³ At ^(CF)ating kilalanin, tayo'y magpatuloy upang makilala ang Panginoon: ang kaniyang paglabas ay tunay na ^(CG)parang umaga; at siya'y paririto sa atin na parang ulan, na ^(CH)parang huling ulan na dumidilig ng lupa.

⁴ Oh Ephraim, ano ang gagawin ko sa iyo? Oh Juda, ^(CI)ano ang gagawin ko sa iyo? sapagka't ang inyong kabutihan ay parang ulap sa umaga, ^(CJ)at parang hamog na lumalabas na maaga.

⁵ Kaya't aking pinutol sila sa pamamagitan ng mga propeta; aking pinatay sila ng mga salita ng aking bibig; at ang iyong mga kahatulan ay parang liwanag na lumalabas.

⁶ Sapagka't ako'y nagnanasa ng kaawaan, ^(CK)at hindi hain; at ng pagkakilala sa Dios higit kay sa mga handog na susunugin.

⁷ Nguni't sila gaya ni Adan ay sumalangsang sa tipan: doo'y nagsigawa silang may paglililo laban sa akin.

⁸ Ang Galaad ay ^(CL)bayang gumagawa ng kasamaan; tigmak sa dugo.

⁹ At kung paanong ang mga pulutong ng mga ^(CM)tulisan na nagsisiabang sa isang tao, ay gayon ang ^(CN)pulutong ng mga saserdote na nagsisipatay sa daan na dakong Sichem; Oo, sila'y gumawa ng kahalayan.

¹⁰ Sa sangbahayan ni Israel ay ^(CO)nakakita ako ng kakilakilabot na bagay: doo'y ^(CP)nagpatutot ang Ephraim, ang Israel ay napahamak.

¹¹ Sa iyo man, Oh Juda, may takdang paggapas, pagka aking ibabalik ang nangabihag sa aking bayan.

Ang Ephraim at ang Juda ay napapanganib sa paghihimagsik ng Israel.

7 Nang aking pagagalingin ang Israel, ang kasamaan nga ng Ephraim ay lumitaw, at ang kasamaan ng Samaria; sapagka't sila'y nagsinungaling; at ang magnanakaw ay pumapasok, at ang pulutong ng mga tulisan ay nananamsam sa labas.

² At hindi nila ginugunita sa kanilang mga puso na aking inaalaala ang lahat nilang kasamaan: ngayo'y kinukulong sila sa palibot ng kanilang sariling mga gawa; ^(CQ)sila'y nangasa harap ko.

³ Kanilang pinasasaya ng kanilang kasamaan ang hari, at ng kanilang pagsisinungaling ang mga prinsipe.

⁴ Silang lahat ay mga mangangalunya; sila'y parang hurnong iniinit ng magtitinapay; siya'y tumitigil na magsulong ng apoy, mula sa paggawa ng masa hanggang sa umaasim.

⁵ Nang kaarawan ng ating hari ang mga prinsipe ay nagpakasakit sa pamamagitan ng tapang ng alak; kaniyang iniuunat ang kaniyang kamay sa mga mangduduwahagi.

⁶ Sapagka't kanilang inihanda ang kanilang puso na parang hurno, samantalang sila'y nangagaabang: ang kanilang magtitinapay ay natutulog magdamag; sa kinaumagaha'y nagniningas na parang liyab na apoy.

⁷ Silang lahat ay nangagiinit na parang hurno, at nilalamon ang kanilang mga hukom; lahat nilang hari ay nangabuwal: ^(CR)wala sa kanila na tumawag sa akin.

⁸ Ang Ephraim, ^(CS)nakikisalamuha sa mga bayan; ang Ephraim ay isang tinapay na hindi binalik.

⁹ Nilamon ng mga taga ibang lupa ang kaniyang ^(CT)yaman, at hindi niya nalalaman: oo, mga uban ay nasasabog sa kaniya, at hindi niya nalalaman.

¹⁰ At ^(CU)ang kapalaluan ng Israel ay nagpapatotoo sa kaniyang mukha: ^(CV)gayon ma'y hindi sila nanumbalik sa Panginoon nilang Dios, ni hinanap man siya nila, dahil sa lahat na ito.

¹¹ At ang Ephraim ^(CW)ay parang isang mangmang na kalapati, na walang unawa ^(CX)sila'y nagsitawag sa Egipto, sila'y nagsiparoon sa Asiria.

¹² Pagka sila'y magsisiyaon, ay ^(CY)aking ilaladlad ang aking lambat sa kanila; akin silang ibabagsak na parang mga ibon sa himpapawid; aking parurusahan sila, gaya ng narinig ^(CZ)sa kanilang kapisanan.

¹³ Sa aba nila! sapagka't sila'y nagsilayas sa akin; kagibaa'y suma kanila! sapagka't sila'y nagsisalangsang laban sa akin: bagaman sila'y ^(DA)aking tinubos, gayon ma'y nangagsalita ng kasinungalingan sila laban sa akin.

¹⁴ At sila'y hindi nagsidaing ^(DB)sa akin ng kanilang puso, kundi sila'y nagsiangal sa kanilang mga higaan: sila'y nagpupulong dahil sa trigo at alak; sila'y nanganghimagsik laban sa akin.

¹⁵ Bagaman aking tinuruan at pinalakas ang kanilang mga bisig, gayon ma'y nangagisip sila ng kalikuan laban sa akin.

¹⁶ Sila'y nanganunumbalik, nguni't hindi ^(DC)sa kaniya na nasa kaitaasan: sila'y ^(DD)parang magdarayang busog: ang kanilang mga prinsipe ay mangabubuwal sa pamamagitan ng tabak dahil sa poot ^(DE)ng kanilang dila: ito ang magiging katuyaan sa kanila ^(DF)sa lupain ng Egipto.