^12 (A)At siya'y maglalagay ng pinakawatawat sa mga bansa, at titipunin niya ^(B)ang mga tapon ng Israel, at pipisanin ang mga nangalat ng Juda mula sa apat na sulok ng lupa.

¹³ Ang inggit naman ng Ephraim ay ^(C)maaalis, at ang mga lumiligalig ng Juda ay mahihiwalay: ang Ephraim ay hindi maiinggit sa Juda, at ang Juda ay hindi liligalig sa Ephraim.

¹⁶ At ikaw, anak ng tao, ^(A)kumuha ka ng isang tungkod, at sulatan mo sa ibabaw, ^(B)Sa Juda at sa ^(C)mga anak ni Israel na kaniyang mga kasama: saka kumuha ka ng ibang tungkod, at iyong sulatan: ^(D)Sa Jose, na siyang tungkod ng ^(E)Ephraim, at sa buong sangbahayan ni Israel na kaniyang mga kasama:

¹⁷ At ^(F)iyong papagugnayugnayin sa ganang iyo na maging isang tungkod, upang maging isa sa iyong kamay.

¹⁸ At pagka ang mga anak ng iyong bayan ay mangagsasalita sa iyo, na mangagsasabi, Hindi mo baga ipakikilala sa amin kung ano ang kahulugan ng mga ito?

¹⁹ Sabihin mo sa kanila, Ganito ang sabi ng Panginoong Dios: Narito, aking kukunin ang tungkod ng Jose, na nasa kamay ng Ephraim, at ang mga lipi ng Israel na kaniyang mga kasama: at akin silang isasama roon, sa tungkod ng Juda, at gagawin ko silang isang tungkod, at sila'y magiging isa sa aking kamay.

²⁰ At ang tungkod na iyong sinusulatan ay hahawakan mo ^(G)sa harap ng kanilang mga mata.

²¹ At sabihin mo sa kanila, Ganito ang sabi ng Panginoong Dios: Narito, ^(H)aking kukunin ang mga anak ni Israel mula sa gitna ng mga bansa, na kanilang pinaroonan, at pipisanin ko sila sa lahat ng dako, at dadalhin ko sila sa kanilang sariling lupain:

²² At gagawin ko ^(I)silang isang bansa sa lupain, sa mga bundok ng Israel; ^(J)at isang hari ang magiging hari sa kanilang lahat; at hindi na sila magiging dalawang bansa, o mahahati pa man sila sa dalawang kaharian;

²³ At hindi na naman mapapahamak pa sila ^(K)ng dahil sa kanilang mga diosdiosan, o sa kanila mang mga kasuklamsuklam na bagay, o sa anoman sa kanilang mga pagsalangsang; kundi aking ililigtas sila mula sa lahat nilang tahanang dako, na kanilang pinagkasalanan, at lilinisin ko ^(L)sila: sa gayo'y magiging bayan ko sila, at ako'y magiging kanilang Dios.

Si David ang magiging kanilang hari.

²⁴ At ang aking lingkod na si David ay ^(M)magiging hari sa kanila; at silang lahat ay magkakaroon ng isang pastor; magsisilakad din naman sila ng ayon sa aking mga kahatulan, at susundin ang aking mga palatuntunan, at isasagawa.