Chronological

² Iniisip mo bang ito'y matuwid?
O sinasabi mong: Ang aking katuwiran ay higit kay sa Dios,
³ Na iyong sinasabi, ^(A)Anong pakinabang ang tatamuhin mo?
At, anong pakinabang ang tataglayin kong higit kung ako'y nagkasala?
⁴ Sasagutin kita,
At ^(B)ang iyong mga kasamahang kasama mo.
^5 (C)Tumingala ka sa mga langit at iyong tingnan;
At masdan mo ang mga alapaap na lalong mataas kay sa iyo.
⁶ Kung ikaw ay nagkasala, ^(D)anong iyong ginagawa laban sa kaniya?
At kung ang iyong mga pagsalangsang ay dumami, anong iyong ginagawa sa kaniya?
^7 (E)Kung ikaw ay matuwid anong ibinibigay mo sa kaniya?
O anong tinatanggap niya sa iyong kamay?
⁸ Ang iyong kasamaan ay makapagpapahamak sa isang lalaking gaya mo;
At ang iyong katuwiran ay makapagpapakinabang sa anak ng tao.
^9 (F)Dahil sa karamihan ng mga kapighatian, sila'y humihiyaw:
Sila'y humihingi ng tulong dahil sa kamay ng makapangyarihan.
¹⁰ Nguni't walang nagsasabing, Saan nandoon ang Dios na Maylalang sa akin,
^(G)Na siyang nagbibigay ng awit kung gabi;
¹¹ Na siyang nagtuturo sa atin ng higit kay sa mga hayop sa lupa.
At ginagawa tayong lalong pantas kay sa mga ibon sa himpapawid?
¹² Doo'y tumatawag sila, nguni't walang sumasagot,
Dahil sa kapalaluan ng mga masamang tao
¹³ Tunay na hindi didinggin ng Dios ang walang kabuluhan,
Ni pakukundanganan man ito ng Makapangyarihan sa lahat.
^14 (H)Gaano pa kaliit kung iyong sinasabing hindi mo nakikita siya.
Ang usap ay nasa harap niya, at iyong hinihintay siya!
¹⁵ Nguni't ngayon sapagka't hindi niya dinalaw ^(I)sa kaniyang galit,
Ni ginunita mang maigi;
^16 (J)Kaya't ibinubuka ni Job ang kaniyang bibig sa walang kabuluhan;
Siya'y nagpaparami ng mga salita na walang kaalaman.

² Pagdalitaan mo akong sandali, at aking ipakikilala sa iyo;
Sapagka't mayroon pa akong masasalita sa pagsasanggalang sa Dios.
³ Dadalhin ko ang aking kaalaman mula sa malayo,
At aking itutungkol ang katuwiran sa Maylalang sa akin.
⁴ Sapagka't tunay na ang aking mga salita ay hindi kabulaanan:
Siyang sakdal sa kaalaman ay sumasaiyo.
⁵ Narito ang Dios ay makapangyarihan, at hindi humahamak sa kanino man;
^(K)Siya'y makapangyarihan sa lakas ng unawa.
⁶ Hindi niya pinanatili ang buhay ng masama:
Nguni't nagbibigay ng matuwid sa napipighati.
⁷ Hindi niya inihihiwalay ang kaniyang mga mata sa matuwid:
Kundi kasama ng mga hari sa luklukan
^(L)Kaniyang itinatatag sila magpakailan man, at sila'y natataas.
⁸ At ^(M)kung sila'y mapapangaw,
At mapipigil sa mga panali ng kapighatian;
⁹ Itinuturo nga niya sa kanila ang kanilang gawa,
At ang kanilang mga pagsalangsang na kanilang pinalalo.
^10 (N)Ibinubuka rin naman niya ang kanilang pakinig sa turo,
At iniuutos na sila'y magsihiwalay sa kasamaan.
¹¹ Kung sila'y makinig at maglingkod sa kaniya,
Kanilang gugugulin ang kanilang mga kaarawan sa kaginhawahan,
At ang kanilang mga taon sa kasayahan.
¹² Nguni't kung hindi sila mangakinig, sila'y mangamamatay sa pamamagitan ng tabak,
At sila'y mangamamatay na walang kaalaman.
¹³ Nguni't ang di banal sa ^(O)puso ay nagbubunton ng galit:
Hindi humihiyaw sila ng saklolo pagka tinatalian niya ^(P)sila.
^14 (Q)Sila'y nangamamatay sa kabataan,
At ang kanilang buhay ay napapahamak sa gitna ng marumi.
¹⁵ Inililigtas niya ang mga dukha sa kanilang pagkapighati,
At ibinubuka ang kanilang mga pakinig sa pagkapighati.
¹⁶ Oo, hahanguin ka niya mula sa kagipitan,
Hanggang sa luwal na ^(R)dako na walang kagipitan;
At ang malalagay sa iyong dulang ay mapupuno ng katabaan.

¹⁷ Nguni't ikaw ay puspos ng kahatulan ng masama:
Kahatulan at kaganapan ang humahawak sa iyo.
¹⁸ Sapagka't may poot, magingat ka baka ikaw ay iligaw ng iyong kasiyahan;
Ni mailigaw ka man ng kalakhan ng katubusan.
¹⁹ Mapapaari ba ang iyong sigaw na ikaw ay hindi mapapasa kapanglawan,
O ang madlang lakas man ng iyong kalakasan?
²⁰ Huwag mong nasain ang gabi,
Pagka ang mga bayan ay nangahiwalay sa kanilang kinaroroonang dako.
²¹ Ikaw ay magingat, ^(S)huwag mong lingunin ang kasamaan;
Sapagka't ^(T)ito'y iyong pinili sa halip ng kadalamhatian.
²² Narito, ang Dios ay gumagawa
ng mainam sa kaniyang kapangyarihan:
^(U)Sinong tagapagturo ang gaya niya?
^23 (V)Sinong nagguhit sa kaniya ng kaniyang daan?
O sinong makapagsasabi, Ikaw ay gumawa ng kalikuan?
²⁴ Alalahanin mo na iyong dinakila ang kaniyang gawa,
Na inawit ng mga tao.
²⁵ Lahat ng mga tao'y nakakita noon;
Makikita ito ng tao sa malayo.
²⁶ Narito, ang Dios ay dakila, at hindi ^(W)natin nakikilala siya;
^(X)Hindi masayod ang bilang ng kaniyang mga taon.
²⁷ Sapagka't ^(Y)pinailanglang niya ang mga patak ng tubig,
Na nagiging ulan mula sa singaw na yaon:
^28 (Z)Na ibinubuhos ng mga langit
At ipinapatak na sagana sa tao.
²⁹ Oo, may makakaunawa ba ng paglaganap ng mga alapaap,
Ng mga kulog ng kaniyang kulandong?
^30 (AA)Narito, pinalalaganap niya ang kaniyang liwanag sa palibot niya;
At inaapawan ang kalaliman ng dagat.
³¹ Sapagka't ^(AB)sa pamamagitan ng mga ito ay hinahatulan niya ang mga bayan;
^(AC)Siya'y nagbibigay ng pagkaing sagana.
³² Tinatakpan niya ang kaniyang mga kamay ng kidlat;
At ibinilin sa kidlat na tumama sa pinakatanda.
³³ Ang hugong niyaon ay nagsasaysay ng tungkol sa kaniya,
Ang hayop nama'y ng tungkol sa bagyo na dumarating.

37 Oo, dahil din dito'y nanginginig ang aking puso,
At napapabago sa kaniyang kinaroroonang dako.
² Dinggin ninyo oh dinggin ang hiyaw ng kaniyang tinig,
At ang sigaw na lumalabas sa kaniyang bibig.
³ Kaniyang ipinadadala sa silong ng buong langit,
At ang kidlat niya'y sa mga wakas ng lupa.
⁴ Sumunod nito'y isang hugong na dumadagundong;
^(AD)Siya'y kumukulog ng hugong ng kaniyang karilagan:
At hindi tumitigil doon kung naririnig ang kaniyang tinig.
⁵ Ang Dios ay kumukulog na kagilagilalas ng kaniyang tinig;
^(AE)Dakilang mga bagay ang ginawa niya, na hindi natin matalastas.
⁶ Sapagka't sinabi niya sa nieve, ^(AF)Lumagpak ka sa lupa;
Gayon din sa ambon,
At sa bugso ng kaniyang malakas na ulan,
⁷ Tinatatakan niya ang kamay ng bawa't tao:
Upang maalaman ng lahat ng mga tao na kaniyang nilalang.
⁸ Kung gayo'y nagsisipasok ^(AG)ang mga hayop sa mga lungga,
At namamalagi sa kanilang mga tahanan.
⁹ Mula sa timog nanggagaling ang bagyo:
At ang ginaw ay mula sa hilagaan.
^10 (AH)Sa pamamagitan ng hinga ng Dios ay nayayari ang hielo:
At ang kaluwangan ng tubig ay naiipit.
¹¹ Oo, kaniyang nilalagyan ang masinsing ulap ng halomigmig;
Kaniyang pinangangalat ang alapaap ng kaniyang kidlat:
¹² At pumipihit sa palibot sa pamamagitan ng kaniyang patnubay,
^(AI)Upang kanilang gawin ang anomang iutos niya sa kanila,
Sa ibabaw ng balat ng sanglibutang natatahanan:
¹³ Maging sa saway, o maging ^(AJ)sa kaniyang lupain,
O ^(AK)maging sa kaawaan ay pinalilitaw niya.
¹⁴ Dinggin mo ito, Oh Job:
Tumigil ka, at bulayin ang kagilagilalas na mga gawa ng Dios.
¹⁵ Nalalaman mo ba kung paanong pinararatangan sila ng Dios,
At pinasisilang ang kidlat ng kaniyang alapaap?
¹⁶ Nalalaman mo ba ang mga pagtitimbang ng mga alapaap,
Ang kagilagilalas na mga gawa niya na ^(AL)sakdal sa kaalaman?
¹⁷ Paanong umiinit ang inyong mga suot,
Pagka tumatahimik ang lupa sa pamamagitan ng hanging timugan?
^18 (AM)Mailalatag mo ba na kasama niya ang langit,
Na matibay na gaya ng isang salaming binubo?
¹⁹ Ituro mo sa amin kung anong aming sasabihin sa kaniya;
Sapagka't hindi namin maayos ang aming pananalita dahil sa kadiliman.
²⁰ Sasaysayin ba sa kaniya na ako'y magsasalita?
O iisipin ba ng isang tao na siya'y sasakmalin?
²¹ At ngayo'y hindi nakikita ng mga tao ang makinang na liwanag na nasa mga langit:
Nguni't ang hangin ay dumadaan, at pinapalis ang mga yaon.
²² Karilagang ginto ay nagmumula sa hilagaan;
^(AN)May taglay ang Dios na kakilakilabot na karilagan.
²³ Tungkol sa Makapangyarihan sa lahat, ^(AO)hindi natin mauunawa;
Siya'y ^(AP)marilag sa kapangyarihan;
At sa kahatulan at saganang kaganapan siya'y hindi pipighati.
^24 (AQ)Kinatatakutan nga siya ng mga tao:
Hindi niya binibigyang pitagan ang sinomang ^(AR)pantas sa puso.