God Do Everyting Good

19 Afta da big angel guy wen talk, jalike one dream, I wen hear one big noise dat wen sound like get plenny peopo inside da sky. Dey singing,

³ Den dey sing one mo time inside da sky,

⁴ Den da twenty-four older leadas an da four tings dat stay alive, dey go down an show love an respeck fo God, da One dat sit on top his throne. Dey say,

Da Lu‛au Fo Godʼs Baby Sheep Guy

⁵ Den, jalike one dream, one voice come from Godʼs throne an say,

⁶ Den I wen hear someting dat wen sound like get plenny peopo making big noise, jalike big water pounding, an jalike loud thunder. Dey say,

⁸ God wen give da bride fancy linen kine clotheses fo wear, dat stay white an clean. (Da kine white an clean linen clotheses mean, all da good an right tings dat da peopo dat stay spesho fo God do.)

⁹ Den, jalike one dream, da angel guy tell me, “Write dis: Dey can stay good inside, all da peopo dat God tell fo come to da wedding lu‛au fo Godʼs Baby Sheep Guy!” Den da angel say, “Dass fo real wat God say.”

¹⁰ An I wen go down by da angelʼs feet fo show him love an respeck. But he tell me, “No do dat! I ony one worka fo God jalike you an yoa bruddas an sistas dat stick wit da trut dat Jesus tell. Show love an respeck fo God! Cuz da trut dat Jesus tell, dass wat make da guys dat talk fo God know wat fo say.”

Da Guy On Top Da White Horse

¹¹ Den, jalike one dream, I see da sky open up, an dea in front me had one white horse wit one guy on top him. Dey call dat guy Da One Dat Do Wat He Say an Da One Dat Tell Da trut. He everytime do wass right, wen he make like one Judge, an wen he lead one army fo fight one war. ¹² His eyes shine jalike da fire, an on top his head he get plenny crown. He get one name dat dey write on top him dat nobody know. Ony him, he know um. ¹³ He get one robe on, dat get blood all ova um. Dey call dat Guy, “Godʼs Talk.” ¹⁴ All da army guys inside da sky stay go wit him. Dey riding on top white horses, an dey wear da fancy linen kine clotheses dat stay white an clean. ¹⁵ One sharp kine sword come out from his mout, an he win da war agains all da diffren peopos from all ova da world wit da sword. He goin be King ova dem, an lead dem wit one iron club. Da Guy on top da white horse goin walk all ova da grapes dat make da wine. An dat show dat da God Dat Get All Da Power stay huhu, an no take da bad kine stuff da peopo wen do. ¹⁶ He get one sign on top his robe an on top his leg, dat say,

¹⁷ Den, jalike one dream, I wen see one angel guy standing wea da sun stay shine. He was talking loud to da scavenja birds flying in da air, “Come hea fo da big lu‛au God goin make! ¹⁸ So you birds can eat all da peopo dat goin mahke! da kings, da army bosses, da strong guys, horses, an da guys dat ride on top um, an all da odda peopo -- da slave guys, da guys dat not slaves, big guys an litto guys.”

¹⁹ Den I wen spock da Wild Animal, an da kings from all ova da world, an dea army guys. Dey wen come togedda fo make war agains da Guy on top da horse an his army. ²⁰ But da Guy on top da horse wen win agains da Wild Animal, an agains da guy dat say he talk fo God but he bulai. Da Bulaia Guy wen do all kine awesome stuff fo show dat da Wild Animal get power. Az how he wen bulai all da peopo dat wen get da Wild Animalʼs mark on top dea forehead, an dat wen go down an pray to his statue. Den da Guy dat stay ride da horse wen throw da two guys inside da lake dat stay burn wit sulfur. ²¹ Da Guy dat stay riding da horse wen kill all da oddas wit da sword dat come out from his mout. An all da scavenja birds wen eat um all up!