^23 (A)Natunuulira ensi,
    nga njereere,
ate ne ntunula ne ku ggulu,
    ng’ekitangaala kigenze.
^24 (B)Natunuulira agasozi
    nga gajugumira,
    n’ensozi zonna zaali ziyuuguuma.
^25 (C)Natunula, era laba, waali tewasigadde muntu n’omu,
    era n’ebinyonyi byonna eby’omu bbanga byali bidduse.
²⁶ Natunula, era laba, ensi ey’ebibala ebingi ng’efuuse ddungu,
    era n’ebibuga byayo byonna nga byonoonese, mu maaso ga Mukama,
    olw’obusungu bwe obungi.

“Ensi yonna eriyonoonebwa,
    wadde nga sirigizikiririza ddala.
^28 (E)Noolwekyo ensi erikungubaga
    era n’eggulu waggulu lirikwata ekizikiza,
kubanga njogedde
    era maliridde sijja kwejjusa wadde okukyusaamu.”