Pambungad

1 Ang apocalipsis ni Jesu-Cristo, na ibinigay ng Diyos sa kanya upang ipahayag sa kanyang mga alipin ang mga bagay na kinakailangang mangyari sa madaling panahon, at kanyang ipinaalam ito sa pamamagitan ng mga sagisag at pagsusugo ng kanyang anghel sa kanyang aliping si Juan,

² na siyang sumaksi sa salita ng Diyos at sa patotoo ni Jesu-Cristo, sa lahat ng bagay na nakita niya.

³ Mapalad ang bumabasa at ang nakikinig ng mga salita ng propesiya at tumutupad ng mga bagay na nasusulat dito, sapagkat ang panahon ay malapit na.

Pagbati sa Pitong Iglesya

⁴ Si^(A) Juan sa pitong iglesya na nasa Asia:

Biyaya ang sumainyo at kapayapaang mula sa kanya na siyang ngayon, ang nakaraan at ang darating; at mula sa pitong espiritu na nasa harapan ng kanyang trono;

⁵ at^(B) mula kay Jesu-Cristo na siyang saksing tapat, ang panganay mula sa mga patay, at ang pinuno ng mga hari sa lupa.

Doon sa umiibig sa atin, at sa nagpalaya sa atin mula sa ating mga kasalanan sa pamamagitan ng kanyang dugo;

⁶ at^(C) ginawa tayong kaharian, mga pari sa kanyang Diyos at Ama; sumakanya ang kaluwalhatian at ang paghahari magpakailanpaman. Amen.

Gayon nga. Amen.

⁸ “Ako^(E) ang Alpha at ang Omega,” sabi ng Panginoong Diyos, na siyang ngayon at ang nakaraan at ang darating, ang Makapangyarihan sa lahat.

Si Cristo sa Isang Pangitain

⁹ Akong si Juan, na inyong kapatid at inyong karamay sa kapighatian at sa kaharian at sa pagtitiis alang-alang kay Jesus ay nasa pulo na tinatawag na Patmos, dahil sa salita ng Diyos at sa patotoo ni Jesus.

¹⁰ Ako'y nasa Espiritu nang araw ng Panginoon, at narinig ko sa aking likuran ang malakas na tinig na tulad sa isang trumpeta,

¹¹ na nagsasabi, “Ang iyong nakikita ay isulat mo sa isang aklat at iyong ipadala sa pitong iglesya, sa Efeso, sa Smirna, sa Pergamo, sa Tiatira, sa Sardis, sa Filadelfia, at sa Laodicea.”

¹² Ako'y lumingon upang makita kung kanino ang tinig na nagsasalita sa akin. At sa aking paglingon, nakita ko ang pitong gintong ilawan,

¹³ at^(F) sa gitna ng mga ilawan ay may isang katulad ng isang Anak ng Tao, na may suot na damit na hanggang sa paa, at may gintong bigkis sa kanyang dibdib.

¹⁴ At^{(G) (H)} ang kanyang ulo at ang kanyang buhok ay mapuputing gaya ng balahibo ng tupa, gaya ng niebe; at ang kanyang mga mata ay gaya ng ningas ng apoy;

¹⁵ at^(I) ang kanyang mga paa ay katulad ng tansong pinakintab, na parang dinalisay sa isang pugon; at ang kanyang tinig ay gaya ng ingay ng maraming tubig.

¹⁶ Sa kanyang kanang kamay ay may pitong bituin at mula sa kanyang bibig ay lumabas ang isang matalas na tabak na may dalawang talim, at ang kanyang mukha ay gaya ng araw na matinding sumisikat.

¹⁷ Nang^(J) siya'y aking makita, ako'y parang patay na bumagsak sa kanyang paanan. Ngunit ipinatong niya sa akin ang kanyang kanang kamay, na sinasabi, “Huwag kang matakot; ako ang una at ang huli,

¹⁸ at ang nabubuhay. Ako'y namatay, at tingnan mo, ako'y nabubuhay magpakailanpaman, at nasa akin ang mga susi ng kamatayan at ng Hades.

¹⁹ Kaya't isulat mo ang mga bagay na nakita mo, at ang mga bagay ngayon, at ang mga bagay na mangyayari pagkatapos ng mga bagay na ito.

²⁰ Ang hiwaga ng pitong bituin na iyong nakita sa aking kanang kamay, at ang pitong gintong ilawan; ang pitong bituin ay ang mga anghel ng pitong iglesya; at ang pitong ilawan ay ang pitong iglesya.

1 Ang ^(A)Apocalipsis ni Jesucristo, na ibinigay ng ^(B)Dios sa kaniya upang ipahayag sa kaniyang mga alipin, sa makatuwid ay ang mga bagay na nararapat mangyaring madali: at kaniyang ipinadala at ipinaalam ^(C)sa pamamagitan ng kaniyang anghel sa kaniyang alipin na si Juan;

² Na sumaksi ^(D)sa salita ng Dios, at sa patotoo ni Jesucristo, sa lahat ng mga bagay na nakita niya.

³ Mapalad ^(E)ang bumabasa, at ang nangakikinig ng mga salita ng hula, at tumutupad ng mga bagay na nangasusulat doon: sapagka't ^(F)ang panaho'y malapit na.

⁴ Si Juan sa ^(G)pitong iglesia na nasa Asia: ^(H)Biyaya ang sumainyo nawa, at kapayapaang mula ^(I)doon sa kaniya na ngayon, at nang nakaraan at darating; at mula sa ^(J)pitong Espiritu na nasa harapan ng kaniyang luklukan;

⁵ At mula kay Jesucristo na siyang ^(K)saksing tapat, ^(L)na panganay sa mga patay, at pangulo ng mga hari sa lupa. ^(M)Doon sa umiibig sa atin, at sa nagkalag ^(N)sa atin sa ating mga kasalanan sa pamamagitan ng kaniyang dugo;

⁶ At ginawa ^(O)tayong kaharian, mga saserdote sa kaniyang Dios at Ama; sumakaniya nawa ang kaluwalhatian at ang paghahari magpakailan kailan man. Siya nawa.

⁷ Narito, ^(P)siya'y pumaparitong ^(Q)nasasa mga alapaap; at makikita siya ng bawa't mata, at ^(R)ng nangagsiulos sa kaniya; at ang lahat ng mga angkan sa lupa ay magsisitaghoy dahil sa kaniya. Gayon din, Siya nawa.

⁸ Ako ang Alpha ^(S)at ang Omega, sabi ng Panginoong Dios, ^(T)ngayon at nang nakaraan at sa darating, ang Makapangyarihan sa lahat.

⁹ Akong si Juan, na inyong kapatid at inyong karamay sa kapighatian at sa kaharian at sa pagtitiis na kay Jesus, ay nasasa pulo na tinatawag na Patmos, ^(U)dahil sa salita ng Dios at sa patotoo ni Jesus.

¹⁰ Ako'y ^(V)nasa Espiritu ^(W)nang araw ng Panginoon, at narinig ko sa aking likuran ang ^(X)dakilang tinig, na tulad sa isang pakakak.

¹¹ Na nagsasabi, Ang iyong nakikita, ay isulat mo sa isang aklat at iyong ipadala sa ^(Y)pitong iglesia: sa ^(Z)Efeso, at sa ^(AA)Smirna, at sa ^(AB)Pergamo, at sa ^(AC)Tiatira, at sa ^(AD)Sardis, at sa ^(AE)Filadelfia, at sa ^(AF)Laodicea.

¹² At ako'y lumingon upang makita ang tinig na nagsasalita sa akin. At nang ako'y lumingon ay ^(AG)nakita ko ang pitong kandelerong ginto:

¹³ At sa gitna ng mga kandelero ay may ^(AH)isang katulad ng isang anak ng tao, ^(AI)na may suot na ^(AJ)damit hanggang sa paa, at ^(AK)may bigkis ang dibdib na isang pamigkis na ginto.

¹⁴ At ang kaniyang ulo at ang ^(AL)kaniyang buhok ay mapuputing gaya ng balahibong maputi ng tupa, gaya ng niebe; at ang ^(AM)kaniyang mga mata ay gaya ng ningas ng apoy;

¹⁵ At ang kaniyang mga paa ay katulad ng ^(AN)tansong binuli, na gaya ng dinalisay sa isang lutuang-bakal; at ang ^(AO)kaniyang tinig ay gaya ng lagaslas ng maraming tubig.

¹⁶ At sa kaniyang kanang kamay ay may pitong bituin: at sa kaniyang bibig ay lumabas ang isang matalas na tabak na may dalawang talim: at ang kaniyang mukha ay gaya ng araw na sumisikat ng matindi.

¹⁷ At ^(AP)nang siya'y aking makita, ay nasubasob akong waring patay sa kaniyang paanan. At ^(AQ)ipinatong niya sa akin ang kaniyang kanang kamay, na sinasabi, Huwag kang matakot; ^(AR)ako'y ang una at ang huli,

¹⁸ At ang Nabubuhay; at ako'y namatay, at narito, ako'y nabubuhay magpakailan man, at ^(AS)nasa akin ang mga susi ng ^(AT)kamatayan at ng Hades.

¹⁹ Isulat mo nga ^(AU)ang mga bagay na nakita mo, ^(AV)at ang mga bagay ngayon, ^(AW)at ang mga bagay na mangyayari sa darating;

²⁰ Ang hiwaga ^(AX)ng pitong bituin na iyong nakita sa aking kanang kamay, at ^(AY)ng pitong kandelerong ginto. Ang pitong bituin ay ang mga anghel ng pitong iglesia: at ang pitong kandelero ay ang pitong iglesia.