Apocalipsis 1:12-16

Ang Biblia (1978)

¹² At ako'y lumingon upang makita ang tinig na nagsasalita sa akin. At nang ako'y lumingon ay ^(A)nakita ko ang pitong kandelerong ginto:

¹³ At sa gitna ng mga kandelero ay may ^(B)isang katulad ng isang anak ng tao, ^(C)na may suot na ^(D)damit hanggang sa paa, at ^(E)may bigkis ang dibdib na isang pamigkis na ginto.

¹⁴ At ang kaniyang ulo at ang ^(F)kaniyang buhok ay mapuputing gaya ng balahibong maputi ng tupa, gaya ng niebe; at ang ^(G)kaniyang mga mata ay gaya ng ningas ng apoy;

¹⁵ At ang kaniyang mga paa ay katulad ng ^(H)tansong binuli, na gaya ng dinalisay sa isang lutuang-bakal; at ang ^(I)kaniyang tinig ay gaya ng lagaslas ng maraming tubig.

¹⁶ At sa kaniyang kanang kamay ay may pitong bituin: at sa kaniyang bibig ay lumabas ang isang matalas na tabak na may dalawang talim: at ang kaniyang mukha ay gaya ng araw na sumisikat ng matindi.