Readings for Celebrating Advent

105 Alleluja. Confitemini Domino, quoniam bonus, quoniam in saeculum misericordia ejus.

² Quis loquetur potentias Domini; auditas faciet omnes laudes ejus?

³ Beati qui custodiunt judicium, et faciunt justitiam in omni tempore.

⁴ Memento nostri, Domine, in beneplacito populi tui; visita nos in salutari tuo:

⁵ ad videndum in bonitate electorum tuorum; ad laetandum in laetitia gentis tuae: ut lauderis cum haereditate tua.

⁶ Peccavimus cum patribus nostris: injuste egimus; iniquitatem fecimus.