Readings for Celebrating Advent

⁶⁸     Catseitˈmaaⁿˈñenaˈ nquii Ta Tyˈo̱o̱tsˈom cwentaa jaa nnˈaⁿ Israel,
    ee jnda̱ jndyoteijneiⁿ jaa nnˈaaⁿˈaⁿ ndoˈ tiomlˈuaaⁿ jnaaⁿya.
⁶⁹     Quiiˈntaaⁿ jaa jnda̱ tqueeⁿ nquii na tjacantyja cwiluiitˈmaⁿñe na macwjiˈnˈmaaⁿñe nnˈaⁿ.
    Cwiluiiñe tsjaaⁿ David na jndyowicantyjooˈ na ñejndiˈntjom nnoom.
⁷⁰     Teiyo tsoom na luaaˈ nntsˈaaⁿ ñequio ñˈoom ndyuee profetas cwentaaⁿˈaⁿ na ljuˈ nˈom.
⁷¹     Na nncwjiiˈñê jaa luee nnˈaⁿ na jndoo jaa,
    ndoˈ ñequio luee nnˈaⁿ na ticueeˈ nˈom jaa.
⁷²     Ndoˈ nncˈoom na wiˈ tsˈoom welooya na ñetˈom teiyo.
    Macañjom tsˈoom ñˈoomˈñeeⁿ na seijndaaˈñetyeeⁿ na ljuˈ tseixmaⁿnaˈ.
⁷³     Juu ñˈoomˈñeeⁿ tsoom na nntsˈaaⁿ nnom welooya Abraham na ñetˈoom teiyoticheⁿ.
⁷⁴     Joˈ na nntseicandyaañê jaa luee nnˈaⁿ na jndoo jaa
    cha nndya̱ˈntjo̱o̱ⁿya nnoom ñequio na tiˈmaaⁿˈ nˈo̱o̱ⁿya.
⁷⁵     Ndoˈ chaˈwaati xuee na cwii mˈaaⁿtya̱a̱ya,
    nncˈo̱o̱ⁿya naquiiˈ na jnda̱ tqueⁿljoomˈm jaa.
    Nndya̱ˈntjo̱o̱ⁿya nnoom cantyja na matyˈiomyanaˈ.
⁷⁶     Ndoˈ ˈu jndaaya, nluiindyuˈ profeta cwentaaˈ nquii Tyˈo̱o̱tsˈom na mˈaaⁿ nandyeticheⁿ.
    Ee ˈu nncjaˈjndyeeˈ jo nnom Ta na nncwjiˈyuuˈndyuˈ cantyja ˈnaaⁿˈaⁿ chaˈcwijom tsˈaⁿ na matseijndaaˈñe nato,
    cha mamˈaⁿcˈeendye nnˈaⁿ quia nncueeˈcañoom.
⁷⁷     ˈU nñequiaaˈ na nlaˈno̱ⁿˈ nnˈaⁿ na mˈaⁿ cwentaaⁿˈaⁿ na macwiluiˈnˈmaaⁿndyena ncˈe na matseitˈmaⁿ tsˈoom jnaaⁿna.
⁷⁸     Ncˈe na tjacantyja na wiˈ tsˈom Tyˈo̱o̱tsˈom jaa,
    juu na nnaⁿ nandyeticheⁿ, njñoom juu na nntseixueeñe jo nda̱a̱ya.
⁷⁹     Juu nntseixueeñe nda̱a̱ nnˈaⁿ na mˈaⁿ nacje ˈnaaⁿˈ najo̱o̱ⁿñe na manchjenaˈ joo na wiˈ na cwitjoom.
    Ndoˈ nncjaachom jaa nato na ya nncˈo̱o̱ⁿya jo nnom Tyˈo̱o̱tsˈom.