Revised Common Lectionary (Semicontinuous)

⁷ Shikinhelnamikikan ne metzintuktiat ne metzinhilwijtiwit ne ipalabraj ne Teut; shitajtachiakan tay kiski tik inmuwikalis wan shitayulmatikan ken yejemet.

⁸ Yeshu Mawaltijtuk kenha yalua wan ashkan wan senpa. ⁹ Maka shimuajkawakan muwikat iwan tajtamachtilis te kenhat wan yajyankwik, ika yektzin ma tiyulchikawayakan iwan tetasujtalis, intesu iwan takwal ne inte kinpalewij ne muwikat ijkiuni.

¹⁰ Tikpiat se tikashit, wan tay nemi kalijtik ne tekitinimet ipal ne tawipanti inte welit kikwat; ¹¹ ne weypalej kikalaktia ne inhesyu takwalmet tik ne teupan ipanpa ne tay tikchijtiwit , wan ne inweyka uni takwalmet mutatiat tatenpan ne cuartel. ¹² Neka Yeshu nusan, pal kiteuchiwa ne techan iwan ne iesyu, taekuj tatenpan ne tentzakka. ¹³ Yajika tiajsikan itech tatenpan wan tikselikan ma techajajwa, ¹⁴ ika inte tikpiat nikan se techan ne naka, asunte tiktemuat ne tay yawi witz. ¹⁵ Ika, talwikakan senpa ne tetakulis ipal tayektenewalis ipal ne Teut: itakil tutejtenshipal ne inat ka yek ne itukay.

¹⁶ Maka shikelkawakan ankichiwat tay yek wan ansennemit ken tekniwan, ika tejtetakulis ijkiuni ajajwiak ipal ne Teut.

¹⁷ Shiktakamatikan ne anmutajtatuktiani wan shinakakan ka inhitan, ika yejemet inte kuchit pal kipachiwiat ne anmuajalmaj wan tamakat cuentaj inpanpa. Ma welikan kichiwat uni iwan pakilis wan tesu iwan ijiumikilis, ika uni inte yawi metzinpalewia.

¹⁸ Shitajtanikan iwan ne Teut ka tumaku, ika tikmatit ka tikpiat yek tasenmatilis wan tiknekit timuwikat yek tik muchi, ¹⁹ wan sujsul nimetzintajtani ma shikchiwakan kiane pal niweli nimukwepa anmutech nemanhachin.

²⁰ Ne Teut ipal nejmachnemilis, ne kiajkukij kwak miktuya ne wey tajpiani ipal ne ichkatal iwan ne esti ipal ne sentaketzat pal senpa, ne tutajtzin Yeshu, ²¹ ma metzinpalewi iwan muchi tay yek pal kichiwa ne itaelewilis ijtik tejemet ken kita yek, itech Yeshu Mawaltijtuk, wan ma inakan ka wey senpa, amen.