Revised Common Lectionary (Semicontinuous)

—Yajika nimetzinhilwia: ma inte metzinyulkakasu tay anyawit kikwat nian taiwan anyawit mutzakwat, ²³ ika weli mas tualmaj que ne takwal, wan weli mas tuweyka que tukwajkwach ²⁴ Shikejketzakan ne kusmamet, yejemet inte tatukat nian tapishkat, inte kipiat kal nian shajkal, wan ne Teut kintakwaltia. Keski mas anmupatiw que inpatiw ne tujtutut! ²⁵ Wan melka yaja sujsul yulkakasiwiskia, katiawel pal anmejemet weli kipetewa ne iweyka nian se chiupichin? ²⁶ Asu inte anwelit nian uni tay chikitik, taipal anyulkakasiwit ipanpa ne sejseuk? ²⁷ Shikejketzakan ne shujshuchit ken mutiskaliat: inte kujkutiat nian ichmalinit. Melka uni, nimetzinhilwia ka nian ne wey Shalomo mutakentij galantzin ken se shuchit ijkiuni! ²⁸ Asu ne Teut kitakentia ijkiuni hasta se sakat ipal ne taweykan ne ashan nemi wan yasneki musta tik tit, ken ka inte yawi metzintakentia sujsul mas? Anmejemet inte ankipiat tayulmatilis! ²⁹ Anmejemet nusan maka shiktemukan tay anyawit kikwat wan tay anyawit kiunit, wan maka shiyujyulmakakan, ³⁰ ken kitemuat muchi ne tejtechan, ika kimatiaya Anmuteku ka ikajku ka uni anmunekit. ³¹ Mas yek shiktemukan ne itatekimakalis wan uni yawi metzintalilia.