Revised Common Lectionary (Semicontinuous)
30 Tay tinasket tel? Ka tejtechan ne inte kitemuat tamelakchiwalis kiajsitiwit tamelakchiwalis: tamelakchiwalis kistuk tik tayulmatilis, 31 wan Israel, ká kikwi ne tajtuli ipal tamelakchiwalis, inte weli kitema ne tajtuli. 32 Taika? Ika inte tik tayulmatilis asunte tik tay kichijket. Mukshitasket ijpak ne tet tik ne ujti, 33 ken muijkwilujtuk:
"Né tik Tzion niktalia se tet kan mukshichaluat, se tatzunchaluas,
wan ne ká kiyulmati inte yawi mushijshikua."
Muchi ne tayulmatit welit mumelakchiwat
10 Nukniwan, nuyulu kielewia wan niktajtani ne Teut ma mumakishtikan yejemet, 2 ika nikmati ka kipiat devocion ipal Teut, melka te ika kishmatit. 3 Te kishmatit ne itamelakchiwalis ne Teut, wan melka kitemuat isel ne tamelakchiwalis te kitakamatit ne itamelakchiwalis ne Teut. 4 Ika ne Mawaltijtuk ne itamilis ne tajtuli; kimelakchiwa muchi ká tayulmatit.
Ne Bibliaj Tik Nawat · © 2008, 2012 Jan Morrow