Revised Common Lectionary (Semicontinuous)

¹⁶ —Nukniwan: nemik pal yekawi tay nemi ijkwilujtuk, tay ne inak ne Ijiutzin ka yawi muchiwa itech iten Dawid ipanpa Yuda, ká ne muchijki ne kintekimaka ne kitzkijket Yeshu, ¹⁷ ika yaja mupua katka itzalan anmejemet wan kiski ka kipiatuya uni itekiw. ¹⁸ Yek, yajuni kikujki se tal iwan ne ipatiw ne tay kichijki inteyek, wan kuwetzki tik itzuntekun wan tapanik tik itajku ne iweyka wan mushinijket muchi iyujyulmekaw, ¹⁹ wan muchi ne Yerushalem chanejket kimatket, yajika uni tal muilwia tik intaketzalis Hakal-Dema, kineki ina Esmil, ²⁰ ika muijkwilujtuk tik ne amat ipal ne sajsalmoj:

    "Ma inte takati tatka né ichan

    wan ma inte kipia aka ikal ka né"

wan:

    "Ma kikwi ukseuk ne itapachiwilis."