Revised Common Lectionary (Semicontinuous)

⁹ “Dahil sa inggit ng mga patriyarka kay Jose, siya'y kanilang ipinagbili sa Ehipto. ^(A) Ngunit kasama niya ang Diyos, ¹⁰ at iniligtas siya ^(B)sa lahat ng kanyang kapighatian. Pinagpala siya ng Diyos at binigyan ng karunungan sa harapan ng Faraon na hari ng Ehipto. Itinalaga siyang maging tagapamahala sa Ehipto at sa buong sambahayan ng Faraon. ¹¹ Dumating ^(C) noon ang taggutom at matinding paghihirap sa buong Ehipto at sa Canaan, at walang matagpuang pagkain ang ating mga ninuno. ¹² Ngunit nang mabalitaan ni Jacob na may trigo sa Ehipto, una niyang pinapunta roon ang ating mga ninuno. ¹³ Sa ikalawang pagpunta nila ^(D) ay nagpakilala si Jose sa kanyang mga kapatid at nakilala ng Faraon ang sambahayan ni Jose. ¹⁴ Pagkatapos ^(E) ay ipinasundo ni Jose ang kanyang amang si Jacob, at ang lahat niyang kamag-anak na pitumpu't limang katao. ¹⁵ Kaya't ^(F) nagtungo si Jacob sa Ehipto. Doon siya namatay, gayundin ang ating mga ninuno. ¹⁶ Ibinalik sila ^(G) sa Shekem at inilagay sa libingang binili ni Abraham mula sa mga anak ni Hamor.