Revised Common Lectionary (Semicontinuous)

⁹ wan ne tayua kiski se tachialis iishpan Pawlo: walnesik se ipal Macedonia mutajtawelia iwan wan kilwia:

¹⁰ Kwak tamik kita ne tachialis, tikisket nemanha pal tiawit Macedonia, ika tikmatit ka ne Teut waltechnutztuk pal ma tikinmakakan ne yeknawatilis.

¹¹ Tiajkewket Troyas wan tiajsiket melaknaj ka Samotrakia, wan ne ukse tunal tiajket ka Yankwik Techan. ¹² Tikisket ka né wan tiajket Pilipoy, yaja ne achtu techan tik ne tal ipal Macedonia wan se coloniaj. Tinakaket ankakeski tunal tik uni techan.

¹³ Wan tik ne tunal ipal sewilis tikisket tatenpan ne techan itech ne apan kanka tikmatit ka yawi nemi teutajtanilis, wan timutalijket wan tipejket titajtaketzat wan ne siwatket ne ajsitiwit ka né, ¹⁴ wan techkakik se siwat ipal ne techan ipal Tuateyra, se kinamaka kwajkwachti galantzin, ká kiyulmati ne Teut. Ne Tajtzin kipeluj ne iyulu ma takaki nejnejmach muchi tay ne tanutza nemi katka ne Pawlo. ¹⁵ Kwak yaja mumakak ulyuj wan muchi ne ikal, mutajtawelij ina:

Wan te kinekik ma tikisakan.

¹⁰ Wan nechwikak iwan iijiu ijpak se wey tepet sea kojtik wan nechilwitij ne techan ipal ne Teut, Yerushalem. Yaja temu witz tik ne ilwikak, itech ne Teut.

²² Wan te nikitak se teupantzin ka né, ika ne tajtzin Teut ne weli muchi yaja ne teupantzin, wan nusan ne ichkakunetzin. ²³ Wan ne techan inte muneki ne tunal nian ne metzti pal tajtawiat ka né ika ne itzitzinakalis ne Teut kitawiluj, wan ne itawil ne ichkakunet. ²⁴ Wan nejnemisket ne tejtechan iwan ne itawilyu, wan ne tatuktianimet ipal ne taltikpak kalwikat ne intzitzinakalis, ²⁵ wan ne tejtenkal ipal ne techan inte yawit mutzakwat ka tunal (ika inte keman yawi tayuaki ka ikuni), ²⁶ wan kalwikasket ka né ne intzitzinakalis wan ne inhonor ne tejtechan, ²⁷ wan te yawi kalaki ijtik yaja muchi tay susulnaj, wan kichiwa tay ijyak, wan taketza sanka, semaya ne ijijkwilujtuk ijtik ne iamaw yultuk ne ichkakunetzin.

22 Wan nechilwitij se apan ipal yektzin at yultuk ne muita ken cristal, ne kisa itech ne ikuijpal ne Teut wan ne ichkakunetzin. ² Tik itajku ne weytechan wan ne apan, ka nikan wan ka ikuni, se kwawit yultuk ne kichiwa majtakti-ume itakil, muchi ne mejmetzti se itakil tekenha, wan ne ijiswayu ne kwawit welit kinpajtiat ne tejtechan. ³ Wan tea yawi naka nian se maldicion. Wan ne ikuijpal ne Teut wan ne ichkakunetzin yawi nemi ka né, wan ne itejtekitini tekitisket ipal. ⁴ Wan kitasket ne iishkalyu, wan ne itukay nemis ijpak inkwajkwatapal. ⁵ Wan tea yawi tayuaki ka né wan te munekisket itawilyu se tawil wan itawilyu tunal ika ne tajtzin Teut yawi kintawilua, wan yawit tatekimakat pal senpa wan senpa.

²³ Nankilij Yeshu wan inak:

Nimetzinhajkawilia nejmachnemilis

²⁵ Uni tay nimetzinhilwijtuk kwak ninakayuk anmutech. ²⁶ Ne walnutztuk, ne Ijiutzin ne yawi kituktia ne Teteku tik nutukay, yaja san metzinmachtis muchi wan metzinhelnamiktilis muchi tay naja nimetzinhilwijtuk. ²⁷ Nimetzinhajkawilia nejmachnemilis. Ne nunejmachnemilis nimetzinmaka: inte ken tamaka ne taltikpak naja nimetzinmaka. Ma inte kakasiwi anmuyulu nian ma muishmuti. ²⁸ Annechkaktiwit nimetzinhilwia "Niawa wan nalmukwepa anmutech". Asu annechtasujtaskiat, anpakiskiat ika niaw itech ne Teteku, ika ne Teteku mas wey que naja. ²⁹ Wan ashan nimetzinhilwijtuka kwak inteuk muchijki, pal kiane kwak yawi muchiwa ma shitayulmatikan.

Tapajtia ijtik ne tunal ipal sewilis

5 Tipan nemik se ilwit ipal ne Yudayujmet, wan Yeshu tejkuk ka Yerushalem. ² Nepa kan mupia katka ne ichkatal tik Yerushalem, nemituya se kan yawit katka maltiat, tik itaketzalis ne Yudayujmet itukay Bet-Jesda. Makwil tenkal kipiatuya, ³ kan mutekat katka sujsul miak kukuyat, pupuyumet, metzkelumet wan tzijtzitzintik. ⁽⁴⁾ . ⁵ Nemik ikuni se takat, kichiwa senpual-chikwey shiwit ka yaja kipia ikukulisyu. ⁶ Kwak ne Yeshu kitak wetztuk yajuni wan kimatki ka kipiaya miak shiwit ijkiuni, kilwia:

⁷ Nankilij ne kukuya:

⁸ Ne Yeshu kilwia:

⁹ Wan yektiak ne takat nemanha wan kianki ne itapech wan pejki nejnemi. Nemituyat ne tunal ipal ne sewilis.