Revised Common Lectionary (Semicontinuous)

¹⁹ Kiane tel, nukniwan, welit tikalakit melaknaj ijtik ne teupan iwan ne iesyu Yeshu. ²⁰ Yaja kichijki se ujti yankwik wan yultuk tupal ijtik ne kwachtzakka, kineki ina, itech ne iweyka. ²¹ Nusan kipiat se wey palej ijpak ne ikal ne Teut. ²² Tiajsikan iwan tuyulu yekkaya; titayulmatikan sujsul; ma nemikan ne tuyujyulu shijshinijtuk pal te tikpiat se tasenmatilis inteyek, wan ne tujtuweyka pajpaktuk iwan at pupujtuk. ²³ Titajpiakan ne tayulmatilis ne senpa ipal tejchialis, ika tiwelit tikyulmatit ne ká kichijki ne promesaj, ²⁴ wan timukejketzakan sujsul ne se iwan ne seuk pal tikpiakan tetasujtalis wan pal tikchiwat tay yek. ²⁵ Ma inte tikajkawakan timusenputzuat, ken sejse kichiwat, asunte timupalewikan, wan keski mas kwak tikitat ka ne tunal unisan witz.