◀ All Reading Plans / Revised Common Lectionary (Semicontinuous) / Jeremiah 17:5-10 (Those who trust the Lord are like trees); Psalm 1 (Trees planted by streams of water); 1 Corinthians 15:12-20 (Christ has been raised); Luke 6:17-26 (Blessings on the poor woes on the rich) (Awadhi Bible: Easy-to-Read Version)

Prev Day

February 16, 2025

Next Day

Use the calendar to view readings from this devotional.

February 2025
Su	Mo	Tu	We	Th	Fr	Sa
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

यिर्मयाह 17:5-10

जनता मँ बिस्सास एवं परमेस्सर मँ बिस्सास

⁵यहोवा इ सब कहत ह,
“जउन लोग केवल दूसर लोगन मँ बिस्सास करत हीं ओनकर बुरा होइ।
    जउन सक्ति बरे सिरिफ दूसर क सहारे रहत हीं ओनकर बुरा होइ।
    काहेकि ओन लोग यहोवा पइ बिस्सास करब तजि दिहन ह।
⁶उ सबइ लोग रेगिस्ताने क झाड़ी क तरह अहइँ।
    उ झाड़ी उ भूइँया पइ अहइ जहाँ कउनो नाहीं रहत।
    उ झाड़ी गरम अउ झुरान भुइँया मँ अहइ।
उ झाड़ी खराब माटी मँ अहइ।
    उ झाड़ी ओन अच्छी चीजन क नाहीं जानत जेनका परमेस्सर दइ सकत ह।

⁷“किन्तु जउन मनई यहोवा मँ बिस्सास करत ह, उ धन्य अहइ।
    सिरिफ यहोवा ही ओका बिस्सास होइहीं।
⁸उ मनई उ बृच्छ क तरह होइ जउन पानी क पास लगावा गवा होइ।
    उ बृच्छ क लम्बी जउन होत हीं जउन पानी पावत हीं।
उ बृच्छ गर्मी क दिनन स नाहीं डरत।
    ऍकर पातियन सदा हरी रहत हीं।
इ बरिस क ओन दिनन मँ परेसान नाहीं होत जब बर्खा नाहीं होत।
    उ बृच्छ मँ सदा फल आवत हीं।

⁹मनई क दिमाग बड़ा कपटी होत ह।
    दिमाग बहोत बीमार भी होइ सकत ह
    अउर कउनो भी मनई दिमाग क ठीक-ठाक नाहीं समुझत।
¹⁰किन्तु मइँ यहोवा हउँ
    अउर मइँ मनई क हिरदय क जान सकत हउँ।
मइँ मनई क दिमाग क जाँच कइ सकत हउँ।
    एह बरे मइँ निर्णय कइ सकत हउँ कि हर एक मनई क का मिलइ चाही।
    मइँ हर एक मनइ क ओकर बरे ठीक भुगतान कइ सकत हउँ जउन उ करत ह।

भजन संहिता 1

पहिला भाग

(भजन 1–41)

¹उ मनई सचमुच धन्य होइ जउन दुस्टन क सलाह न मानी,
    अउर पापियन क संग सामिल नाहीं होत ह
अउर ओनकर संग नाहीं रहत ह
    जउन परमेस्सर क बरे सम्मान नाहीं दिखावत ह।^[a]
²उ नीक मनई अहइ जउन यहोवा क उपदेसन स पिरेम राखत ह।
    उ तउ दिन रात ओन उपदेसन क मनन करत ह।
³एहसे उ मनई उ बृच्छ जइसा मजबूत बनत ह
    जेका सिंचाई क नहर क किनारे रोपा गवा ह।
उ उ बृच्छ क नाई बाटइ, जउन छेत्र मँ फल देत ह
    अउ जेकर पत्ता कबहुँ नाहीं मुरझातेन।
उ जउन भी करत ह सफल ही होत ह।

⁴मुला टुस्ट मनई अइसे नाहीं होतेन।
    दुस्ट मनई उ भूसा क नाई होत हीं जेनका हवा क झोकां उड़ाइ लइ जात ह।
⁵एह बरे दुस्ट मनई निआव क मुकाबला नाहीं कइ पइहीं।
    सज्जन लोगन क सभा मँ उ पचे दोखी ठहरावा जइहीं अउर ओन पापी लोगन क बख्सा न जाइ।
⁶एकर कारण इ बाटइ कि यहोवा सज्जन लोगन क अगुवाइ करत ह,
    मुला दुर्जन लोग खो जाइहीं।

1 कुरिन्थियन 15:12-20

हमार पुनरुत्थान

¹²मुला जब कि मसीह क मरे भएन मँ स पुनरुत्थान कीन्ह गवा तउ तोहमाँ स कछू अइसेन काहे कहत बाटेन कि मउत क बाद फिन स जी उठब सम्भव नाहीं बा। ¹³अउर अगर मउत क बाद जी उटब ही नाहीं तउ फिन मसीह क मउत बाद नाहीं जियावा गवा। ¹⁴जदि मसीह नाहीं जिया तउ हमार उपदेस देब बेकार बा अउर तोहार बिसवास भी बेकार बा। ¹⁵अउर हमहूँ फिन तउ परमेस्सर क बारे मँ झूठ साच्छी ठहरत अही काहेकि हम तउ परमेस्सर क सामने कसम खाइके इ साच्छी दिहे अही कि उ मसीह क मरे भएन मँ स जियाएस। मुला उनके कहइ क अनुसार अगर मरा भवा जियावा नाहीं जात तउ फिन परमेस्सर मसीह क भी नाहीं जियाएस। ¹⁶काहेकि अगर मरा भवा नाहीं जियाइ जात ह तउ मसीह क भी नाहीं जियावा गवा। ¹⁷अउर अगर मसीह क फिन स जिन्दा नाहीं कीन्ह गवा रहा, फिन तउ तोहार बिसवास भी बेकार बा, अउर तू अबहुँ अपने पापन मँ फँसा भवा ह। ¹⁸हाँ, तउ फिन जे मसीह क बरे आपन प्रान दइ दिहेन, उ सबइ अइसेन ही खतम भएन। ¹⁹अगर हम केवल अपने भौतिक जीवन क बरे ही ईसू मसीह मँ आपन आसा रखे रही तब तउ हम अउर सबहिं लोगन स जियादा अभागा हई।

²⁰मुला अब सहीमँ इ अहइ कि मसीह क मरे भएन स जियावा गवा। उ मरे भएन क फसल क पहिला फल अहइ।

लूका 6:17-26

ईसू क मनइयन क उपदेस अउर चंगा करब

(मत्ती 4:23-25; 5:1-12)

¹⁷फिन ईसू ओनके संग पहाड़ी स तरखाले उतरिके समथर भुइयाँ प खड़ा भवा। हुवँई ओकरे चेलन क भारी जमघट रहा। एकरे साथ समूचइ यहूदिया, यरूसलेम, सूर अउर सैदा क समुद्दर किनारे स अनगिनत आलम हुवाँ आइके ऍकट्ठा भवा। ¹⁸उ पचे ओका सुनइ अउर बेरामी स छुटकारा पावइ हुवाँ आए रहेन। जउन दुस्ट आतिमा स सतावा रहेन, उ पचे भी हुवाँ आइके चंगा भएन। ¹⁹समूची भीड़ ओका छुइ भरि लेइ क जतन मँ रही काहेकि ओहमाँ स सक्ती निकरत रही अउर ओन सबन क बेरामी स दूर करत रही।

²⁰फिन उ आपन चेलन क निहारत भवा बोला,

“धन्य अहा तू दीन जनन काहेकि
    परमेस्सर क राज्य तोहार अहइ।
²¹धन्य अहा तू, जउन अबहीं भूखा अहा
    काहेकि तृप्ति तउ होइ तोहार,
धन्य अहा तू, जउन आजु आँसू बहावत अहा,
    काहेकि तू आगे हँसब्या।

²²“धन्य अहा तू, जब मनई क पूत क कारण लोग तोहसे घिना करइँ, अउर तोहका निकारि देइँ; अउर करइँ तोहार बुराई, नाउँ तलक क दुस्ट कहिके, काटि देइँ उ पचे। ²³तब उहइ दिन तू मगन होइके खुसी मँ उछर्या काहकेइ सरग मँ तोहार प्रतिफल महान अहइ। काहेकि ओनके पूर्वजन भी नबियन क संग अइसा ही किहन ह।

²⁴“हाय! धिक्कार अहइ तोहका ओ धनी मनइयो,
    काहेकि तोहका मिल गवा सुख चनइ भरपूर।
²⁵अहइ तोहका धिक्कार, जउन भरपेट अहा अब
    काहेकि तू भूखा रहब्या।
अहइ तोहका धिक्कार, जउन अबहिन हँसत अहा,
    काहेकि तू आँसू बहउब्या अउर सोक करब्या।

²⁶“बा धिक्कार तोहका, जब सबन दुआरा तोहार बड़कई होइ काहेकि ओनके पूर्वजन भी इही ब्यौहार झूठे नबियन क संग किहे रहेन।

Awadhi Bible: Easy-to-Read Version (ERV-AWA)