Revised Common Lectionary (Semicontinuous)

Tay inak ipanpa ne munamiktiat

7 Ipanpa tay ne annechilwijket: yek nemi ma se takat te kitali ne imey ijpak isiwaw. ² Semaya ipanpa ne tatzinhejenchiwalis, sejse takat ma kipia isiwaw wan sejse siwat ma kipia ishulejyu. ³ Ne takat ma kikwepili ne isiwaw tay ne kiwikilia, wan ne siwat kenhaya iwan ne ishulejyu. ⁴ Ne siwat te tatuktia ijpak ne iweyka, tatuktia ne takat; wan kenhaya, ne takat te tatuktia ijpak ne iweyka sute ne siwat. ⁵ Maka shimuilwikan te, wan su ankichiwat, semaya su ne ujume kinekit ijkiuni ijtik se tiempoj ma shimusewikan ipal teutajtanilis, wan shipewakan senpa pal te ankiejekuat ne Tenewani ipanpa ne anmutaelewilis. ⁶ Ini tay nina se tay weli muchiwa, te se tay nemi tuktijtuk. ⁷ Melka niknekiskia su muchi kenhat ken naja, sejse kipia tay kimakatuk ne Teut, ne se ijkiuni, ne seuk ijkiuni.