Revised Common Lectionary (Semicontinuous)

Pinagaling ang Dalawang Bulag^(A)

²⁹ Habang sila'y lumalabas sa Jerico ay sumunod sa kanya ang napakaraming tao. ³⁰ May dalawang lalaking bulag na nakaupo sa tabing-daan. Nang marinig nilang nagdaraan si Jesus, sila'y nagsisigaw, “Maawa po kayo sa amin, Panginoon Anak ni David!” ³¹ Ngunit pinagsabihan sila ng mga tao upang sila'y tumahimik, ngunit lalo silang nagsisigaw sa pagsasabi, “Mahabag po kayo sa amin, Panginoon, Anak ni David!” ³² Tumigil si Jesus, at sila'y tinawag, at sinabi, “Ano'ng nais ninyong gawin ko sa inyo?” ³³ Sinabi nila sa kanya, “Panginoon, buksan po ninyo ang aming mga mata.” ³⁴ Nahabag sa kanila si Jesus at hinipo ang kanilang mga mata. Kaagad silang nakakitang muli, at pagkatapos, sumunod sila sa kanya.