◀ All Reading Plans / Revised Common Lectionary (Semicontinuous) / Psalm 146 (God opens the eyes of the blind); Isaiah 59:9-19 (The blindness of injustice); Acts 9:1-20 (Saul is baptized his sight restored) (Ne Bibliaj Tik Nawat)

Prev Day

March 31, 2014

Next Day

Use the calendar to view readings from this devotional.

March 2014
Su	Mo	Tu	We	Th	Fr	Sa
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

Error: Book name not found: Ps for the version: Ne Bibliaj Tik Nawat

Error: Book name not found: Isa for the version: Ne Bibliaj Tik Nawat

Tay Kichijket 9:1-20

Yeshu kinutza Shaul

9 Ne Shaul kenhayuk nemituya tapitza iwan kwalan wan kinekituya kinmiktia ne imujmumachtiani ne Tajtzin. Yajki itech ne weypalej ²wan kitajtan se amat pal kiwika pal ne kajkalsennemit ipal Damashek ina ka asu kinhajsi takamet wan siwatket ipal ne Ujti, weli kinhilpia wan kalinwika Yerushalem. ³Yajki yajki, wan kwak tzinkiski yajki Damashek, mutawiluj nemanhachin iwan se tawil kistuk ka ilwikak, ⁴wan wetzki talchi wan kikakik se kilwia:

—Shaul Shaul, taika tinechtalultia?

⁵Inak:

—Ká taja, tajtzin?

Inak:

—Naja ni Yeshu, ká ne tiktalultia. ⁶Shimuketza wan shu tik ne techan wan yawit metzilwiat tay nemi pal tikchiwa.

⁷Nakaket ne iwan pashaluat ken ka inte welituyat taketzat. Melka kikakit, inte aka welit kitat. ⁸Shaul muketzki wan kitapuj ne ijish wan inte welituya tachia. Kiwikaket itech ne imey wan kikalaktijket tik Damashek, ⁹wan nemik yey tunal wan te kita tatka, wan te takwa nian ati katka.

¹⁰Nemik se mumachtiani tik Damashek itukay Hananya, wan ne Tajtzin kilwij tik se tachialis:

—Hananya!

Yaja inak:

—Nikan ninemi, Tajtzin.

¹¹Wan ne Tajtzin:

—Shimuketza wan shu tik ne ujti ne muilwia Ujtimelawak, wan shikishtemu ichan Yuda se itukay Shaul ipal Tarsos, ika né nemi kinujnutza ne Teut, ¹²wan kitztuk kalaki se takat tik se tachialis itukay Hananya wan kiteuchiwa, pal ma tachia.

¹³Nankilij Hananya:

—Tajtzin, nikaktuk miak taketzat ipanpa uni takat, ká ne sujsul inteyek kinchiwilijtuk ne metzyulmatit tik Yerushalem; ¹⁴wan ka nikan kipia tatuktilis wan ne weypalejmet pal kinhilpia muchi ká kinutzat ne mutukay.

¹⁵Ne Tajtzin kilwij:

—Shu, ika yajane nikishpejpentuk ken nutaiwan pal kiwika ne nutukay itech tejtechan wan tatuktianimet wan Israeltekat; ¹⁶ika naja niaw nikilwitilia keski nemi pal taekua ipanpa ne nutukay.

¹⁷Yajki Hananya tel wan kalak ka ichan wan kiteuchij. Inak:

—Shaul, nuiknew, nechtitanijtuk ne Tajtzin Yeshu, ká ne kiski muishpan tik ne ujti kanka tiwalajtuk, ma shitachia wan ma shitemi iwan ne Ijiutzin.

¹⁸Nemanha wetzket sejse ken iejewayu ijpak ne ijish wan welik tachia, wan muketzki wan mumakak ulyuj, ¹⁹wan kwak tamik takwa, kikwij itajpal.

Shaul tik Damashek

Yaja nakak ankakeski tunal iwan ne mumachtianimet tik Damashek, ²⁰nemanha pejki tanajnawatia tik ne kajkalsennemit ipanpa ne Yeshu, wan ina ka yaja ne Itelpuch ne Teut.

Ne Bibliaj Tik Nawat (NBTN)