Revised Common Lectionary (Semicontinuous)

Ne tutejtetakulisyu

⁷ Muchi tejemet techmakatiwit tay tikpiat, melka te tikenhat, wan ne se wan ne seuk kipia tay ipal ken kitakulij ne Mawaltijtuk.

¹¹ wan yajasan techmakak ne tijtitanijtuk, ne taketzanimet, ne tayeknawatianimet, ne tajpianimet wan ne tamachtianimet, ¹² pal ma yekawikan ne tayulmatit ipal ne intekiw, pal tikishketzat tiawit ne iweyka ne Mawaltijtuk, ¹³ hasta timunamikit muchi iwan ne musentalilis ipal ne tayulmatilis wan ne taishmatilis ipal ne ikunew ne Teut, iwan ne takat yekajtuk, wan iwan ne tamachijka ipal ne iyekawilis ne Mawaltijtuk, ¹⁴ pal tea techtzejtzelu ne ejekat ken su timelemet kwak se tamachtia witz pal kishijshikua takamet wan siwatket ken weli. ¹⁵ Titaketzakan tejkia iwan tetasujtalis wan tiweyakan hasta ma mukwepa ne muchi tik ne ká ne itzuntekun: ne Mawaltijtuk, ¹⁶ ne ipanpa muchi ne iweyka, piktuk wan senputzujtuk itech muchi ne tajtakutun ken sejse weli wan kipia itekiw, yawi weya wan muishketza tik tetasujtalis.