Revised Common Lectionary (Semicontinuous)

Pawlo tik Yerushalem

21 Kwak tikalaktiwit ijtik ne barcoj wan tiajkewtiwit, tiajket melaknaj wan tiajsiket tik Kos. Ne ukse tunal tiajsiket Rodos, wan ka ikuni tikisket pal tiawit ka Patara, ² wan tikajsiket se barcoj ne yawi katka Poynikia, wan tikalakket wan tipejket yawit. ³ Muneshtij Kipre, wan tikajkawket ka tumayekkan wan tiajket Siria wan tiajsiket Tzor, ika ne barcoj nemituya pal kishtia ne ikimil unisan.

⁴ Tikajsiket ne mumachtianimet wan tinakaket chikume tunal. Yejemet ipanpa ne Ijiutzin kitajtanket ne Pawlo ma inte yawi ka Yerushalem.

⁵ Kwak panutiwit uni tujtunal, tikisket wan tiajket tik ne ujti, wan muchi walajket wan ne insiwawan wan ne inpilawan hasta tatenpan ne techan, wan timutankwaketzket iten ne at wan tiknutzket ne Teut. ⁶ Timutajpalujket wan tikalakket tik ne barcoj. Yejemet mukwepket ka inchan.

⁷ Tikisket Tzor wan tiktamijket ne ujti hasta tiajsiket Ptolemais, wan ajsiket techtajpaluat ne tukniwan ka né, wan tinakaket se tunal inwan. ⁸ Ne ukse tunal, tikisket wan tiajsiket Kaysarea, wan tikalakket ka ichan Pilipo ne tayeknawatiani, ne se ipal ne chikume, wan tinakaket ka ichan. ⁹ Yaja kipiatuya nawi siwapipil inte munamiktijtiwit wan taketzanimet katka.

¹⁰ Tinakaket ankakeski tunal, wan walajsik se pal ne Yudayujmet, se taketzani itukay Hagab, ¹¹ wan ajsik tutech wan kikwij ne icinchoj ne Pawlo tik ijimey wan kilpij ne ijikshi wan ne ijimey wan inak:

¹² Kwak tikakket uni, tejemet tipejket titajtanit, wan muchi ká nemituyat ka ne, ma inte yawi tik Yerushalem. ¹³ Kwakuni inak Pawlo:

¹⁴ Ken inte weliket tikilwiat ma inte yawi, timukawket tajtakaktuk wan tinaket:

¹⁵ Kwak panutiwit uni tujtunal tikwijket tay timunekit wan tiajket ka Yerushalem. ¹⁶ Sejse pal ne mumachtianimet ipal Kaysarea walajket tuwan, wan kalwikaket se takat ne itech tiawit timutakewat, itukay Mnason ipal Kipre, se mumachtiani pal ikman.