◀ All Reading Plans / Revised Common Lectionary (Semicontinuous) / 1 Samuel 15:34—16:13 (David anointed by Samuel); Psalm 20 (Victory for the anointed one); 2 Corinthians 5:6-10 [11-13] 14-17 (In Christ a new creation); Mark 4:26-34 (The parable of the mustard seed) (Ne Bibliaj Tik Nawat)
Print Page Options
Previous Prev Day
June 17, 2012 Use the calendar to view readings from this plan.
Next DayNext

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.
Duration: 1245 days
Ne Bibliaj Tik Nawat (NBTN)
Version
Error: Book name not found: 1Sam for the version: Ne Bibliaj Tik Nawat
Error: Book name not found: Ps for the version: Ne Bibliaj Tik Nawat
2 Korinto 5:6-10

6 Yajika senpa tiyulpakit wan tikmatit ka su timuchantiat ijtik ne tuweyka timuchantiat wejka ne Tajtzin, 7 ika tinejnemit ipanpa tayulmatilis, tesu ipanpa tachialis. 8 Tiyulpakit wan tikitat mas yek ma tikajkawakan ne tuweyka wan tiawit timuchantiat itech ne Tajtzin. 9 Neka tikchiwat tay tiwelit pal su timuchantisket kan tinemit wan su tiasnekit, ma timuchiwakan yejyek ipal. 10 Ika muchi tejemet tinemit pal timuneshtiat iishpan ne itepatznaj ne Mawaltijtuk pal sejse kikwi tik iweyka tay ipal, wan yawi muita su kichijtuk tay yek o tay te yek.

2 Korinto 5:11-13

11 Kiane tel, tikmatit ne mawi ipal ne Tajtzin. Iwan takamet, tikchiwat muchi tay tiwelit pal ma tayulmatikan. Iishpan Teut, tejemet timuneshtijtiwita. Nitejchia ka nusan ijtik ne anmutajtamatilis antechishmattiwit. 12 Uksenpa, te kineki ina ka timetzinhilwiat ka tejemet tiyejyek, sute pal kiane timetzinmakat taika welit anmuweymatit tupanpa, pal ankipiat se ipal ne muweymatit tik iishkalyu wan tesu tik iyulu. 13 Ika su tishpuyawit, ipal Teut; su tikpiat ne tutzuntekun yek, anmupal.

2 Korinto 5:14-17

14 Ika ne itetasujtalis ipal ne Mawaltijtuk techmalachua, ika ini tay tinat: ka sesan mikik ka inmaku muchi; su ijkiuni, muchi mikiket; 15 wan yaja miktuk ka inmaku muchi pal ne yujyultuk tea yujyultuk ipal yejemetsan, sute ipal yajane ká miktuk wan muyulkweptuk inpal.

16 Yajika ashan tejemet te tikishmatit aka tik inakayu. Hasta su tikishmatket tik inakayu ne Mawaltijtuk, ashan intea tikishmatit. 17 Yajika, su se ijtik ne Mawaltijtuk, se yankwik; ne palikman muelkaw, muchijki yankwik.

Marcus 4:26-34

Ne ijish

26 Wan inak:

—Niaw nimetzinhilwia ken ne itatekimakalis ne Teut. Yaja ken se takat kitamuta tawial pak ne tal 27 wan kuchi wan muketza mujmusta, wan ne tawial takati wan weya te-kimati-ken: 28 achtu ne tal tamaka sakatzin, neman elut wan neman nakat ne ejelut tejtentuk wan sinti. 29 Kwak tami tamaka itakil, nemanha kitalilia ne imachej wan pewa tapishka.

30 Wan inak:

—Ken ne itatekimakalis ne Teut? Tay tinaskiat pal titaneshtiat ken yaja? 31 Ken se iish culantroj: kwak mutuka tik ne tal yaja ne chikitik pal muchi ne ijish, 32 wan kwak tami mutuka, pewa tejku wan muchiwa ne mas wey pal muchi ne sajsakat wan kishtia tujtumak majtzal kan welit mutaliat ne tujtutut itankupa.

33 Wan kinhilwij ne palabraj iwan miak casoj ijkiuni, ken weliket kikakit. 34 Kwak nemituya katka isel, kinneshtilia katka ne mumachtianimet muchi.

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

Prev Day Prev Day
Top
Next Day Next Day