Revised Common Lectionary (Semicontinuous)

¹² Ika tikmatit ka tikpiat sanse tuweyka wan yaja kipia miak takutun, wan muchi ne tajtakutun ipal ne tuweyka, melka muchi, yejemet sanse tuweyka. Nusan ne Mawaltijtuk ijkiunisan; ¹³ ika muchi tejemet nusan timumakatiwit ulyuj tik sanse iweyka melka ti Yudayujmet wan melka ti Greciajtakamet, su titepaltekitinimet wan su te tikpiat tutekuyu, wan kichijtiwit ka muchi tiatit tik sanse Ijiutzin.

¹⁴ Nusan ne tuweyka tesu sanse takutun sute miak. ¹⁵ Su ne tukshi inaskia: "Naja te se imey, te niipal ne iweyka!", anka yajika yaja te ipal ne tuweyka? ¹⁶ Wan su ne tunakas inaskia: "Naja te se iish, te niipal ne iweyka!", anka yajika yaja te ipal ne tuweyka? ¹⁷ Su muchi ne tuweyka tuish, ken titakakiskiat? Su muchi tunakas, taiwan titajnekuskiat? ¹⁸ Ashan kitalijtuk ne Teut ne tajtakutun sejse ken kinekik tik tuweyka. ¹⁹ Su muchi sanse takutun, kan nemiskia ne tuweyka? ²⁰ Mas yek, mijmiak ne tajtakutun, ne tuweyka sesan. ²¹ Ne tuish te weli kilwia ne tumey: "Taja te timuneki!" Wan ne tutzuntekun nusan te weli kilwia ne tukshi: "Te timuneki!" ²² Wan ne tajtakutun ipal ne tuweyka ne muitat ka welit chiupi, hasta mas timunekit, ²³ wan ne tajtakutun ne tinat ka te muitat yek, yejemet tikinyawaluat iwan mas respetoj, wan ne tutajtakutun ne te yejyektzin mukwepat chijchipawak. ²⁴ Ne tutajtakutun yektzin te munekit tatka, wan kwak ne Teut kipikik ne tuweyka kimakak mas wey honor ne takutun mas chiupi ipatiw, ²⁵ pal kiane te mukwalantiat ne tajtakutun ipal tuweyka, sute sejse tajpia sejse, ²⁶ wan su se takutun te nemi yek, muchi ne tajtakutun te nemit yek, wan su muweychiwa se takutun, muchi ne tajtakutun yulpakit iwan.

²⁷ Anmejemet iweyka ne Mawaltijtuk, wan sejse anmejemet itajtakutun;