Revised Common Lectionary (Semicontinuous)
Ken inat sejse ka tami ini amat
[[9 Yeshu muyulkwij peyna tik ne achtu pal ne semanaj wan achtu kiski ishpan Maryam pal Magdala, ká yaja kishtilijtuya chikume nawal teyek; 10 yajuni yajki kinhilwia ne iwan nejnentiwit kan ne chukat, 11 wan yejemet kwak kikakket ka nemituya yultuk wan muneshtijtuk iishpan ne Maryam, inte kiyulmatket.
12 Nemanha muneshtij iwan ukse iweyka ishpan ume nemituyat pashaluat tik ne kojtan, 13 wan yajket kinhilwiat muchi, wan yejemet nusan te kiyulmatket.
14 Tipan kiski ishpan ne majtakti-se kwak nemituyat sentakwat wan kinhajwak ika te kipiatuyat tayulmatilis wan yujyultakwaknaj ika te kinyulmatket ne kitztiwit kwak tamik muyulkwi. 15 Wan kinhilwij:
—Shumet nujme ne taltikpak, shikinnajnawatikan muchi ne yeknawatilis. 16 Ká ne tayulmati wan mumaka ulyuj yawi mupalewia, wan ká ne inte tayulmatit inte yejyek. 17 Pal ne tayulmatit, ini tay yawi pal muishmati: tik nutukay yawit kishtiat nawalmet teyek; yawit tanutzat tik yajyankwik taketzalis; 18 yawit welit kianat kujkuat tik inmejmey wan kiunit tay tamiktia, wan te yawit kukuyat; kwak kitaliat ijimey ijpak kukuyanimet yawit yektiat.
Ne Bibliaj Tik Nawat · © 2008, 2012 Jan Morrow