Revised Common Lectionary (Semicontinuous)

Tay kichiwat katka ne Cristianojmet

³² Muchi ne tayulmatit ipal sanse inyulu katka, wan nemituyat ken sechin, wan nian se yejemet ina katka ka tay ne kipiatuya ipal, asunte muchi ne inpalwan ipal muchi. ³³ Wan iwan wey intajpal ne tijtitanijtuk inat katka ishpan muchi ka muyulkweptuk ne Tajtzin Yeshu. Wan nemituya wey tetasujtalis ijtik yejemet, ³⁴ ika nian aka ijtik yejemet muneki katka, ika ká ne kipiatuya tajtal ush kajkal kinamaka katka wan kalwika katka ne ipatiw ne tay munamaka, ³⁵ wan kitalia katka ishpan ne tijtitanijtuk. Mutakutuntia katka wan kimakat katka ne se wan ne seuk tay ne muneki.

1 Tejemet titakaktiwit ken pejki wan muchi tay muchijki, wan tikitztiwit iwan ne tujtuish, titachishtiwit, wan ne tujtumey tachijchintiwit, tay ipal ne Palabraj Yultuk. ² Wan ne Yultuk muneshtij wan tikitaket, wan timetzinhilwiat wan timetzinneshtiliat tay ipal ne Senpa Yultuk ne nemik itech ne teteku wan muneshtijtuk tuishpan. ³ Tay ne tikitztiwit wan titakaktiwit nusan timetzinneshtiliat pal kiane anmejemet nusan welit musentepewat tuwan wan pal timusentepewat ken tekniwan iwan ne Tuteku wan iwan ne Itelpuch Yeshu Mawaltijtuk. ⁴ Wan tikijkwiluat ini anmupal pal yekawi ne tupakilisyu.

⁵ Wan ini ne tanawatilis ne itech titakakket wan ne timetzinneshtiliat: ka ne Teut tawil, wan nian se chiupi kunyua inte kanaj ijtik Yaja.

⁶ Asu tinat ka timusentepewat iwan wan asu tinejnemit ijtik ne kunyua, tinat sanka wan te tikchiwat ne tejkia. ⁷ Asu tinejnemit ijtik ne tawil ken yaja nemi ijtik ne tawil, timusentepewat sejse iwan sejse, wan ne iesyu Yeshu, ne ikunew, techpupua wan techishtilia muchi tay tikchijtiwit tay inteyek.

⁸ Asu tinat ka inte titateyekchijtiwit, timushijshikuat wan te kanaj tejkia ijtik tejemet. ⁹ Asu tinat ka titateyekchijtiwit, Yaja muwika yek tuwan wan weli techishtilia tay ne tikchijtiwit wan yawi techpupua wan kishtia muchi ne tay inteyek. ¹⁰ Asu tinat ka inte tikchijtiwit tay inte yek, tikchiwat tashijshikuani wan te nemi ne ipalabraj ijtik tejemet.

2 Nukukunetzitzin, nikijkwilua ini anmupal pal kiane inte anyawit kichiwat tay inte yek, wan asu aka tateyekchiwa tikpiat se walnutztuk itech ne tuteku yek Yeshu Mawaltijtuk, ² wan yaja se pal mutapupulwia tay ne titateyekchijtiwit: intesu sema tejemet asunte nusan muchi.

¹⁹ Kwakuni ka teutak tik uni achtu tunal ipal ne semanaj, ne tentzakka kan nemituyat ne mumachtianimet nemituya tzaktuk ipanpa ne mawi kipiatuyat ipal ne Yudayujmet. Wan ajsik ne Yeshu wan nakak tatajku wan kinhilwia:

²⁰ Kwak tamik ina ini, kilwitij ne ijimey wan ne iumiskwil. Kwakuni kwak kitaket ne Tajtzin pakiket ne mumachtianimet. ²¹ Ne Yeshu kinhilwij senpa:

²² Wan kwak inatuya ini, kinpitzki wan kinhilwia:

²⁴ Tomas, se pal ne majtakti-ume ne muilwia chachawat, inte nemituya inwan kwak walaj Yeshu. ²⁵ Kwakuni ne uksejse mumachtiani kilwiat:

Yaja kinhilwij:

²⁶ Wan ukseujti kwak panutiwit chikwey tunal, ne mumachtianimet nemituyat kalijtik wan Tomas nemituya inwan. Witz ne Yeshu melka nemituya tzaktuk ne tentzakka, wan nakak tatajku wan inak:

²⁷ Neman kilwia Tomas:

²⁸ Nankilij Tomas wan kilwij:

²⁹ Ne Yeshu kilwia:

³⁰ Kiane tel, ne Yeshu kichijki miak pal muishmati tik intachialis ne mumachtianimet tay inte muijkwilujtiwit tik ini amat. ³¹ Ini muijkwilujtuk pal ma shikmatikan tik anmuyulu ka Yeshu yaja ne Mawaltijtuk, ne Itelpuch ne Teut, wan ma shiyujyultuk tik itukay ika antayulmatit.