Revised Common Lectionary (Semicontinuous)

—Kwakuni ne tatekimakalis ipal ne ilwikak yawi ken majtakti siwapil ne kikwijket intajtawil wan kisket kinamikit ne munamiktia. ² Makwil pal yejemet tzujtzuntet, wan makwil tamatit. ³ Ne tzujtzuntet melka kiwikaket ujukut pal kitawilua ne ujti inte kiwikaket tumakka. ⁴ Ne tamatit kiwikaket tumakka pal kitaliliat ne ujukut. ⁵ Kwak ne munti ishtuna witz, muchi kuchket. ⁶ Ka tajkuyua pejki tzajtzi se:

    "Uni witz ne munti! Shumet shiknamikikan!"

⁷ Kwakuni isaket muchi ne siwapipil wan pejket kiekchiwat ne intajtawil. ⁸ Ne tzujtzuntet kinhilwijket ne sekit:

    "Shitechmakakan chiupi anmutumakka; ne tutajtawil yawit sewit."

⁹ Ne sejseuk nankilijket, inat:

    "Inte, ka asu inte, inte techajsi. Mas yek shumet shikuakan intech ne kinamakat."

¹⁰ Kwak yejemet yawit takuat, walaja ne munti, wan ne siwapipil ne muekchijtiwit kalakket iwan kalijtik kan yawi munamiktia, wan mutzak ne tenkal. ¹¹ Tipan nusan witzet ne siwapipil ne mukawtiwit, inat:

    "Tajtzin, Tajtzin! Shitechtapuili!"

¹² Yaja nankilij, inak:

    "Kia nimetzinhilwia ka inte nimetzinhishmati!"

¹³ Yajika shikishpelwikan ika inte ankimatit nian ne tunal nian ne horaj.