Revised Common Lectionary (Semicontinuous)

²⁴ Se Yudayuj itukay Apolos ipal Aleksandria, se takat weli taketza yek, ajsik tik Epesos. Yaja welituya tay nemi ijkwilujtuk tik ne ajamat. ²⁵ Yajuni mumachtijtuk ne ujti ipal ne Tajtzin wan kwakwalaka iyulu. Yaja tanutza katka wan tamachtia muchi ipanpa ne Yeshu, wan isel kishmati ne iteulyujmakalis Yojan. ²⁶ Yaja pejki tanawatia melaknaj tik ne kalsennemit. Kwak Priscilla wan Aquila kikakket, kinutzket wan kineshtilijket mas yek ne Ujti ipal ne Teut. ²⁷ Kwak yaja kinekituya panu ka Akaia, ne tukniwan inaket ka yek nemi wan kijkwilujket se amat ipal ne mumachtianimet ka né ma kikwikan, wan yaja ajsik wan kinpalewij wey ne tayulmatit ipanpa ne tetasujtalis, ²⁸ ika tetekia sea kinhajajwa katka iishpan ne techan wan kilwitia katka iwan ne tay nemi ijkwilujtuk ka Yeshu ne Mawaltijtuk.