◀ All Reading Plans / Revised Common Lectionary (Semicontinuous) / Isaiah 49:8-16a (God’s motherly compassion); Psalm 131 (A child upon its mother’s breast); 1 Corinthians 4:1-5 (Servants accountable to God); Matthew 6:24-34 (The teaching of Christ: trust in God) (Ne Bibliaj Tik Nawat)
Print Page Options
Previous Prev Day
February 27, 2011 Use the calendar to view readings from this plan.
Next DayNext

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.
Duration: 1245 days
Ne Bibliaj Tik Nawat (NBTN)
Version
Error: Book name not found: Isa for the version: Ne Bibliaj Tik Nawat
Error: Book name not found: Ps for the version: Ne Bibliaj Tik Nawat
1 Korinto 4:1-5

4 Ma techishkejketza se ken itejtekitini ne Mawaltijtuk wan kalpianimet ipal ijichtaka Teut. 2 Nikan mutemua ijtik ne kalpianimet ma se muajsi melawak. 3 Nupal tel, su anhinat su naja niyek o te, te kineki ina tatka, nian su ina se kalpuli ipal takamet; naja nusan te nimupepeta nusel, 4 ika naja te nimumaka cuentaj, melka uni te kineki ina ka naja niyek! Ká ne ina su niyek, yaja ne Tajtzin. 5 Yajika maka shikchiwakan juzgar achtu ma wiki ne Tajtzin, ká yawi kitawilua tay minashtuk tik takumi wan yawi kineshtia tay kinekit ne tuyujyulu, wan kwakuni ne Teut yawi ina ka tiyejyek sejse ika.

Matay 6:24-34

Ne Teut kintakwaltia ne tujtutut wan kintakentia ne shujshuchit

24 (Wan inak:)

—Inte aka weli tekiti pal ume itekuyu, ika kishijias ne se wan kitasujtas ne seuk, wan asu inte, kitajpias ne se wan kijilwis ne seuk. Inte welit antekitit ipal ne Teut wan ipal ne tumin.

25 Yajika nimetzinhilwia: ma inte metzinyulkakasu tay anyawit kikwat wan kiunit nian taiwan anyawit mutzakwat: weli mas tualmaj que ne takwal, wan weli mas tuweyka que tukwajkwach.

26 Shikitakan ne tujtutut patanit ka ikajku: yejemet inte tatukat nian tapishkat nian tatepewat tik shajkal, wan ne Anmuteku ka ikajku kintakwaltia. Wan mas anmupatiw anmejemet que yejemet! 27 Wan melka yaja sujsul yulkakasiwiskia, katiawel pal anmejemet weli kipetewa ne iweyka nian se chiupichin?

28 Wan taika metzinyulkakasua anmukwajkwach? Shimumachtikan tech ne shujshuchit pal ne kojtan. Shikitakan ken mutiskaliat: nian kujkutiat, nian ichmalinit; 29 nimetzinhilwia ka nian ne wey Shalomo mutakentij galantzin ken se yejemet! 30 Asu ne Teut kitakentia ijkiuni hasta se sakat ipal ne taweykan ne ashan nemi wan musta yasneki tik tit, ken ka inte yawi metzintakentia sujsul mas? Anmejemet inte ankipiat tayulmatilis!

31 Yajika, maka shimuyulkakasukan, maka shinakan: "Tay tiawit tikwat?" wan "Tay tiawit tikunit?" wan "Tay tiawit tiktaliat ijpak tuweyka?" 32 ken muishtemuat muchi ne tejtechan, ika kimatiaya Anmuteku ka ikajku ka anmunekit muchi uni. 33 Shiktemukan achtu ne itatekimakalis ne Teut wan ne tay yek, wan muchi uni yawi metzintalilia. 34 Yajika, ma inte metzinyulkakasu ne musta, ka ne musta isel yulkakasiwis! Techajsi iwan ne pejpenaj ipal ne tunal pal ashan!

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

Prev Day Prev Day
Top
Next Day Next Day