◀ All Reading Plans / Revised Common Lectionary (Semicontinuous) / Ecclesiastes 3:1-13 (To everything a season); Psalm 8 (How exalted is your name); Revelation 21:1-6a (New heaven and new earth); Matthew 25:31-46 (Separation of the sheep and goats) (Ne Bibliaj Tik Nawat)

Prev Day

January 1, 2011

Next Day

Use the calendar to view readings from this devotional.

January 2011
Su	Mo	Tu	We	Th	Fr	Sa
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

Error: Book name not found: Eccl for the version: Ne Bibliaj Tik Nawat

Error: Book name not found: Ps for the version: Ne Bibliaj Tik Nawat

Taneshtilis 21:1-6

Ne yankwik ilwikak wan ne yankwik tal

21 Wan nikitak se yankwik ilwikak wan se yankwik tal, ika ne achtu ilwikak wan ne achtu tal panutiwit wan ne weyat intea nemi. ²Nusan nikitak ne itechan Teut, Yerushalem, waltemu tik ne ilwikak itech ne Teut, ajshitijtuk ken se siwamunti yektzinchijtuk ipal ne ishulejyu. ³Wan nikakik se tzajtzi tik ne kuijpal ina:

"Né nemi ne tawipanti ipal ne Teut iwan ne takamet, wan yaja muchantis inwan wan yejemet muchiwasket itechan, wan ne Teut yajasan inwan nemis ken inTeut. ⁴Wan kiwatzas muchi ne inhishayu tik ne inhijish wan ne mikilis intea kanaj, nian mutechtilis, nian tzajtzilis, nian yulpitzinilis intea kanaj ika muchi tay pal ikman panuk."

⁵Wan ne muetztuk ijpak ne kuijpal inak: "Shikita, muchi nikchiwa yankwik." Wan ina: "Shitajkwilu, ka ini ne pajpalabraj yek wan yekkaya." ⁶Wan nechilwij:

"Muchijkia. Naja ne A wan ne Z, ne pewalis wan ne tamilis. Naja ne niktakulis ma ati ne amiki tik ne apunian ipal ne at yultuk.

Matay 25:31-46

Kwak muchi yawit muchiwat juzgar

³¹[Wan inak:]

—Kwak yawi witz ne Itelpuch ne Takat tzitzinaka wan muchi ne tanawatianimet iwan, kwakuni nemis muetztuk pak ikuijpal tzitzinaka,  32 wan iishpan mutepewasket muchi ne tejtechan, wan yaja takupewas intzalan kenha ken se tajpia takwalmet takupewa intzalan ne ichkamet wan ne cabrajmet,  33 wan kintalis ne ichkamet ka iyekkan, ne cabrajmet ka seuk ladoj.  34 Kwakuni ne tatekimaka kinhilwis ne nemit ka iyekkan:
    "Nuteku metzintasujta: shiwikikan wan shikpiakan ne tatekimakalis ne muekchijtuk anmupal kwak pejki ne taltikpak,  35 ika nimayanki wan annechtakwaltijket, niamikik wan annechmakaket at, niejkuni katka wan annechkalaktijket ka anmuchan,  36 ninemituya petznaj wan annechtakentijket, nikukushki wan annechtajpishket, ninemik tzaktuk wan anhajsiket nechitat."
37 Kwakuni nankilisket ne yejyek, inat:
    "Tajtzin, keman timetzitaket timayana wan timetztakwaltijket, o tiamiki wan timetzmakaket at?  38 Keman timetzitaket tiejkuni wan timetzkalaktijket ka tuchan, o tipetznaj wan timetztakentijket?  39 Keman timetzitaket tikukuya o tinentuk tzaktuk wan tiajsiket timetzitat?"
40 Wan ne tatekimaka yawi nankilia:
    "Kia nimetzinhilwia: kwak ankichiwat ijkiuni ipal se pal nukniwan, melka ne mas chikitik, ankichiwat ka numaku."
41 Kwakuni kinnutzas nusan ne nemit ka seuk ladoj:
    "Tetekia anmuwan! Shinechajkawakan wan shumet tik ne tit senpa tata ne muekchijtuk ipal ne Tamintuk wan ne itajtanawatiani,  42 ika nimayanki wan te annechtakwaltijket, niamikik wan te annechmakaket at,  43 niejkuni wan te annechkalaktijket ka anmuchan, ninemituya petznaj wan te annechtakentijket, nikukushki wan ninemik tzaktuk wan te anhajsiket."
44 Kwakuni yejemet nusan nankilisket inat:
    "Tajtzin, tejemet keman timetzitaket timayana o tiamiki o tiejkuni o tipetznaj o tikukuya o tzaktuk wan te timetzpalewijket?"
45 Kwakuni kinhilwis:
    "Kia nimetzinhilwia: kwak inte ankichiwat ijkiuni ipal se melka ne mas chikitik, nusan inte ankichiwat nuwan."
46 Wan yejemet yasnekit kan senpa kinhajwat wan ne yejyek yasnekit kan senpa yujyultuk.

Ne Bibliaj Tik Nawat (NBTN)