Revised Common Lectionary (Semicontinuous)

⁶ Kwakuni, kwak nitzinkisa niaw Damashek, ka tajkutunal, tik ne ilwikak nemanhachin waltemuk se wey tawil wan nechyawaluj; ⁷ wan niwetzki talchi, wan nikakik se nechilwia:

    "Shaul Shaul, taika tinechtalultia?"

⁸ Naja ninankilij:

    "Ká taja, Tajtzin?"

Nechilwij:

    "Naja ni Yeshu ne Nazarayuj ká ne tiktalultia."

⁹ Ne nuwan nemituyat, melka kitaket ne tawil, inte kikakket ne nechnutza. ¹⁰ Ninak:

    "Tay muneki ma nikchiwa, Tajtzin?"

Nechilwij:

    "Shimuketza wan shu ka Damashek, wan ikuni san metzilwisket muchi tay nemi pal tikchiwa."

¹¹ Ken inte welituya nitachia ika sujsul tzitzinakak uni tawil, ne nuwan nemit nechwikaket itech numey pal niajsi ka Damashek. ¹² Nemituya se takat itukay Hananya, ká kitakamati katka tay nemi tuktijtuk tik ne tajtuli, wan muchi ne Yudayujmet ne muchantiat ka né kishmatit katka. ¹³ Yaja walaj wan nakak nutech wan nechilwij:

    "Shaul nuiknew, shitachia."

Wan kwakuni nitachishki ka ikajku wan nikitak. ¹⁴ Inak yaja:

    "Ne Teut ipal ne tunoywan metzishpejpentuk ma shikmati ne itaelewilis wan ma shikita ne Yek wan ma shikaki itech ne iten, ¹⁵ ika tiaw tikishmati pal tikilwia muchi tay ne tikitztuk wan tikaktuk. ¹⁶ Wan ashan, maka shishtuna! Shimuketza, shimumaka ulyuj wan shimuishpaka muchi tay tikchijtuk teyek, wan shiknutza ne itukay."

¹⁷ Kwakuni, kwak nalmukwepki tik Yerushalem wan niknutza ninemi ne Teut ka teupan, nishpuyawik ¹⁸ wan nikitak nechilwia:

    "Shijisiwi, shikisa talul tik Yerushalem, ika inte yawit kikwit yek tay ne tina nupanpa."

¹⁹ Wan naja ninak:

    "Tajtzin, yejemet kimatit ka naja niktzakwa katka wan nikwiteki katka ne metzyulmatit tik muchi ne kajkalsennemit; ²⁰ wan kwak mukushinij ne iesyu Estepano, ne ká metzishmatki, najasan ninemik ka né, wan nikitak yek, wan nikanki ne inkwajkwach ne ká kimiktijket."

²¹ Wan nechilwij:

    "Shu, ika naja nimetztitania wejka tik tejtechan."