Revised Common Lectionary (Semicontinuous)

Dee 87 Psalm

Fa dee Kora Säns, en Psalm. En Leet

¹ Sien Grunt es enn dee heilje Boaj.

² Dee Herr Gott haft dee Zions Puate mea leef aus aul dee Zelte enn Joakop.

³ Harlijche Dinje woare fonn die jerät, O Gottes Staut, Selah.

⁴ Ekj woa Rahab un Babeloon erwäne to dän dee mie kjane; See, Filiste un Tiarus met Ietiopia, disa wea doa jebuaren.

⁵ En daut saul to Zion jesajcht woare: Disa un Jana weare enn ar jebuaren; un dee Aulahejchsta selfst woat ar bestädje.

⁶ Dee Herr Gott woat dolteakjne, enn däm daut hee dee Natsjoone dol schriewe woat, dis Maun wea doa jebuare. Selah.

⁷ Un see Senja, dee de Piep späle. Aul miene Wotakjwale sent en Die.

¹² Leefste Frind, lot ju daut nich erstaune wan jie derch Feseakjunge motte gone dee fiaheet sent omm junt to Proowe es wan irjent waut besondret paseat,

¹³ Freit junt leewa so aus jie metliede en Christus sien Liede, daut jie junt dan uk met groote Freid freie kjenne wan siene Harlichkjeit woat jeoppenboat woare.

¹⁴ Jie sent jesaeajent wan aundre junt waejen Christus sien Nome schele, wiel daut meent daut dee Jeist de Harlichkjeit en fonn Gott opp ju rut:

¹⁵ Seet blos doano daut kjeena fonn ju liede deit aus en Merda oda en Deef oda eena waut Beeset aunjeit, oda soona dee sikj enn aundre aeare Sache mankmenjt.

¹⁶ Oba wan waea liede deit wiel hee en Christ es, brukt hee sikj nich shaeme; lot am leewa Gott eare derch daem Nome.

¹⁷ Dan de Tiet es hia daut daut Jerecht mott met Gott sien Follkj aunfange, en wan daut en onns aunfangt, waut woat daut fa en Enj senne fa daen dee Gott sien Evanjeelium nich jehuarsom sent?

¹⁸ En wan dee Jerachta mau afent Seelij woat, wua saul dee Gottloosa en Sinda ferndach kome?

¹⁹ Doaromm saele dee, dee no Gott sien Wele liede, aeare Seele met Goot doone daem aunfetruhe dee en True Erschaufe es.