Revised Common Lectionary (Semicontinuous)

Tik Melite

28 Wan kwak tinakaket yek, kwakuni tikmatket ka uni islaj itukay katka Melite. ² Wan ne Indiojmet ipal ne islaj muwikaket yek tuwan: kiuntuijket se tit wan techkwijket ka inchan ipanpa ne at, ika shupan, wan ne sesek.

³ Ne Pawlo kisenputzuj kwawit, wan kwak kitalij ijpak ne tit, kiski se kuat ipanpa ne tutunka wan musaluj itech ne imey. ⁴ Kwak ne indiojmet kitaket ne tekwani kupilujtuk itech ne imey, muilwijket:

⁵ Yaja kitzejtzeluj ne kuat hasta wetzki tik ne tit, wan nemik yek. ⁶ Yejemet tejchiat ka yawi suluni o wetzi miktuk nemanha, wan kwak tejchiat wey wan kitat ka te panuk tatka, kikejketzket ka yaja se teut.

⁷ Te wejka kan nemituyat, muajsit ne ipalwan ne wey ipal uni islaj, se itukay Publius. Yaja techkwij tik ne ikal wan techtakejki yek yey tunal. ⁸ Kukushki ne iteku ne Publius iwan tujtutunkayu wan apitzal. Ne Pawlo kalak kan nemituya wetztuk, wan kitajtan ne Teut wan kitalij ne ijimey ijpak, wan kipajtij. ⁹ Kwakuni ne sejseuk ne kipiatuyat ikujkukulisyu tik ne islaj pejket ajsit wan mupajtiat. ¹⁰ Yejemet techchiwilijket miak honor, wan kwak tiajkewket techmakaket muchi tay timunekit.