Revised Common Lectionary (Semicontinuous)
Lalwa Bondye fas ak tradisyon yo
(Mak 7:1-23)
15 Apre sa, kèk farizyen ak pwofesè lalwa ki te soti Jerizalèm te pwoche bò kot Jezi pou poze l yon kesyon. 2 Yo mande Jezi: “Poukisa disip ou yo pa respekte tradisyon granmoun lontan yo? Yo pa lave men yo anvan yo manje!”
3 Jezi reponn yo: “E nou menm, poukisa nou dezobeyi pawòl Bondye pou nou ka swiv koutim ki fè nou plezi yo? 4 Bondye di: Onore papa nou ak manman nou.(A) Epi Nenpòt moun ki derespekte manman l ak papa l merite lanmò.(B) 5 Konsa, nou di moun yo pa bezwen fè anyen pou papa yo ak manman yo, si yo bay lajan nan tanp lan, 6 li pa gen okenn obligasyon pou ede paran l yo. Konsa tradisyon nou yo vin pi enpòtan pase pawòl Bondye. 7 Bann ipokrit! Li parèt aklè pou tout moun Ezayi te gen rezon lè l di:
8 Moun yo ap fè lwanj pou mwen ak bouch yo,
men kè yo lwen mwen.
9 Adorasyon yo ban mwen pa gen okenn valè,
paske se kòmandman pa yo y ap anseye.”(C)
Copyright © 2017 by Bible League International