Revised Common Lectionary (Semicontinuous)

⁴⁰ Nang marinig ng ilang tao ang mga salitang ito, sinabi nila, “Tunay na ito nga ang propeta.” ⁴¹ Ang iba’y nagsabi, “Ito ang Cristo.” Subalit sinabi ng ilan, “Sa Galilea ba manggagaling ang Cristo? ^42 (A)Hindi ba sinabi ng kasulatan na ang Cristo ay magmumula sa lahi ni David at sa Bethlehem na pinanggalingan ni David?” ⁴³ Kaya nagkaroon ng pagkakahati sa mga tao dahil sa kanya. ⁴⁴ May ilang nais dumakip sa kanya, subalit walang nangahas na gawin iyon.

⁴⁵ Bumalik ang mga kawal sa mga punong pari at mga Fariseo na nagsabi sa kanila, “Bakit hindi ninyo siya dala?” ⁴⁶ Sumagot ang mga kawal, “Wala pa pong nakapagsasalita na tulad ng taong iyon.” ⁴⁷ Tinanong sila ng mga Fariseo, “Pati ba kayo ay nalinlang na? ⁴⁸ Mayroon bang mga pinuno o mga Fariseong naniwala sa kanya? ⁴⁹ Ngunit ang mga taong ito na walang nalalaman sa kautusan ay mga sinumpa.” ^50 (B)Si Nicodemo na nagpunta noon kay Jesus, at isa rin sa mga kasamahan nila, ay nagsabi sa kanila, ⁵¹ “Hinuhusgahan ba ng batas natin ang isang taong hindi man lamang natin napapakinggan at inaalam ang kanyang ginagawa?” ⁵² Sumagot sila sa kanya, “Taga-Galilea ka rin ba? Magsaliksik ka at malalaman mong walang propetang magmumula sa Galilea.”