Revised Common Lectionary (Semicontinuous)

⁶⁸ “Ang Diyos ng Israel dapat na papurihan,
    sapagkat kanyang dinalaw at tinubos ang kanyang bayan,
⁶⁹ itinaas niya ang isang sungay ng kaligtasan para sa atin
    mula sa sambahayan ni David na kanyang alipin,
⁷⁰ gaya nang sinabi niya sa pamamagitan ng kanyang mga banal na propeta mula noon pa man,
⁷¹ na tayo'y ililigtas niya mula sa ating mga kaaway at sa kamay ng lahat ng napopoot sa atin
⁷² upang ang habag sa ating mga ninuno ay ipakita
    at ang kanyang banal na tipan ay maalala,
⁷³ ang pangakong ibinigay niya sa ating amang si Abraham,
⁷⁴ na ipagkaloob sa atin, na tayong mga iniligtas sa kamay ng ating mga kaaway,
ay maglingkod sa kanya nang walang takot,
⁷⁵ sa kabanalan at katuwiran
    sa harapan niya sa lahat ng ating mga araw.
⁷⁶ At ^(A) ikaw, anak, ay tatawaging propeta ng Kataas-taasan,
    sapagkat mauuna ka sa Panginoon upang ihanda ang kanyang mga daan;
⁷⁷ upang ipaalam ang kaligtasan sa kanyang bayan,
    sa pamamagitan ng pagpapatawad sa kanilang mga kasalanan,
⁷⁸ sa pamamagitan ng magiliw na habag ng ating Diyos,
sisilay^[a] sa atin ang bukang-liwayway,
⁷⁹     upang ^(B) bigyang-liwanag ang mga nakaupo sa kadiliman at sa lilim ng kamatayan,
upang patnubayan ang ating mga paa sa daan ng kapayapaan.”