Revised Common Lectionary (Semicontinuous)

¹⁵ Nang mga araw na iyon, habang nagtitipon ang may isandaan at dalawampung mga kapatid, tumindig si Pedro sa gitna nila at nagsabi, ¹⁶ “Mga kapatid,^[a] kailangang matupad ang Kasulatan, na noon pa ma'y sinabi na ng Banal na Espiritu sa pamamagitan ni David, tungkol kay Judas na nanguna sa pagdakip kay Jesus. ¹⁷ Dati siyang kabilang sa atin at nabigyan ng bahagi sa paglilingkod na ito. ¹⁸ Ang taong ito ay bumili ng bukid mula sa bayad sa pagtataksil. Nang bumagsak siya roon nang patiwarik, pumutok ang kanyang tiyan^[b] at sumambulat ang kanyang bituka. ¹⁹ Nalaman ito ng lahat ng taga-Jerusalem, kaya nga't tinawag ang bukid na iyon sa kanilang wika na “Akeldama” na ang ibig sabihi'y ‘Ang Bukid ng Dugo.’ ²⁰ Sapagkat nasusulat ^(A) sa Aklat ng Mga Awit,