Revised Common Lectionary (Semicontinuous)

⁷ Sapagka't ganito ang sabi ng Panginoon, Kayo'y magsiawit ng kasayahan dahil sa Jacob, at magsihiyaw kayo dahil sa puno ng mga bansa: mangagtanyag kayo, magsipuri kayo, at mangagsabi, Oh Panginoon, iligtas mo ang iyong bayan, ang nalabi sa Israel.

⁸ Narito, aking dadalhin sila ^(A)mula sa lupaing hilagaan, at pipisanin ko sila mula sa mga kahulihulihang bahagi ng lupa, at kasama nila ^(B)ang bulag at ang pilay, at ang buntis at ang nagdadamdam na magkakasama: malaking pulutong na magsisibalik sila rito.

⁹ Sila'y magsisiparitong ^(C)may iyakan, at may mga pamanhik na aking papatnubayan sila; akin silang palalakarin sa ^(D)tabi ng mga ilog ng tubig, sa matuwid na daan na hindi nila katitisuran; sapagka't ako'y ^(E)pinakaama sa Israel, at ang ^(F)Ephraim ang aking ^(G)panganay.

¹⁰ Inyong dinggin ang salita ng Panginoon, Oh ninyong mga bansa, at inyong ipahayag sa mga pulo sa malayo; at inyong sabihin, Ang nagpangalat sa Israel, ^(H)siyang magpipisan sa kaniya, at magiingat sa kaniya, gaya ng ginagawa ng pastor sa kaniyang kawan.

¹¹ Sapagka't tinubos ng ^(I)Panginoon ang Jacob, at tinubos niya siya sa kamay ng lalong malakas kay sa kaniya.

¹² At sila'y magsisiparito at magsisiawit ^(J)sa kaitaasan ng Sion, at magsisihugos na magkakasama ^(K)sa kabutihan ng Panginoon, sa trigo, at sa alak, at sa langis, at sa guya ng kawan at ng bakahan: at ang kanilang kaluluwa ay magiging ^(L)parang dinilig na halamanan; ^(M)at hindi na sila mangamamanglaw pa sa anoman.

¹³ Kung magkagayo'y magagalak ang dalaga sa sayawan, at ang mga binata, at ang matanda na magkakasama: sapagka't aking gagawing kagalakan ang kanilang pagluluksa, at aking aaliwin sila at aking pagagalakin sila sa kanilang kapanglawan.

¹⁴ At ^(N)aking sisiyahin ang loob ng mga saserdote sa kaginhawahan, at ang aking bayan ay masisiyahan sa aking kabutihan, sabi ng Panginoon.

^3 (A)Purihin nawa ang Dios at Ama ng ating Panginoong Jesucristo, na siyang nagpala sa atin ng bawa't pagpapalang ^(B)ukol sa espiritu sa sangkalangitan kay Cristo:

⁴ Ayon sa pagkapili niya sa atin ^(C)sa kaniya bago itinatag ang sanglibutan, upang tayo'y maging mga banal at mga walang dungis ^(D)sa harapan niya sa pagibig:

⁵ Na tayo'y itinalaga niya nang una pa ^(E)sa pagkukupkop na tulad sa mga anak ^(F)sa pamamagitan ni Jesucristo sa ganang kaniya, ^(G)ayon sa minagaling ng kaniyang kalooban,

⁶ Sa ikapupuri ng kaluwalhatian ng kaniyang biyaya, na sa atin ay ipinagkaloob na masagana sa ^(H)Minamahal:

⁷ Na sa kaniya'y mayroon tayo ng ating katubusan sa pamamagitan ng kaniyang dugo, ^(I)na kapatawaran ng ating mga kasalanan, ayon sa mga kayamanan ng kaniyang biyaya,

⁸ Na pinasagana niya sa atin, sa buong ^(J)karunungan at katalinuhan,

⁹ Na ipinakikilala niya sa atin ang hiwaga ^(K)ng kaniyang kalooban, ayon sa kaniyang minagaling na ipinasiya niya sa kaniya rin.

¹⁰ Sa pagiging katiwala sa kaganapan ng mga panahon, ^(L)upang tipunin ang ^(M)lahat ng mga bagay kay Cristo, ang mga bagay na nangasa sangkalangitan, at ang mga bagay na nangasa ibabaw ng lupa; sa kaniya, sinasabi ko,

¹¹ Tayo rin naman sa kaniya ay ^(N)ginawang mana, na itinalaga na niya tayo nang una pa ^(O)ayon sa pasiya niyaong gumagawa ng lahat ng mga bagay ayon sa pasiya ng kaniyang kalooban;

^12 (P)Upang tayo'y maging kapurihan ng kaniyang kaluwalhatian, tayong nagsiasa nang una kay Cristo:

¹³ Na sa kaniya'y kayo rin naman, pagkarinig ng aral ng katotohanan, ng evangelio ng inyong kaligtasan,—na sa kaniya rin naman, mula nang kayo'y magsisampalataya, ay kayo'y tinatakan ^(Q)ng Espiritu Santo, na ipinangako,

¹⁴ Na siyang patotoo ^(R)sa ating mana, hanggang sa ikatutubos ^(S)ng sariling pagaari ng Dios, ^(T)sa ikapupuri ng kaniyang kaluwalhatian.

1 ^(A)Nang pasimula siya ang ^(B)Verbo, at ang Verbo ay ^(C)sumasa Dios, at ang Verbo ^(D)ay Dios.

² Ito rin nang pasimula'y sumasa Dios.

³ Ang lahat ng mga bagay ay ginawa ^(E)sa pamamagitan niya; at alin man sa lahat ng ginawa ay hindi ginawa kung wala siya.

^4 (F)Nasa kaniya ang buhay; at ang buhay ay siyang ilaw ng mga tao.

⁵ At ang ilaw ay lumiliwanag ^(G)sa kadiliman; at ito'y hindi napagunawa ng kadiliman.

⁶ Naparito ang isang tao, na ^(H)sugong mula sa Dios, na ang kaniyang pangalan ay Juan.

⁷ Ito'y naparitong saksi, upang kaniyang patotohanan ang ilaw, upang sa pamamagitan niya'y magsisampalataya ang lahat.

⁸ Hindi siya ang ilaw, kundi pumarito upang kaniyang patotohanan ang ilaw.

⁹ Nagkaroon ng tunay na ilaw, sa makatuwid baga'y ang ilaw na lumiliwanag sa bawa't tao, na pumaparito sa sanglibutan.

¹⁰ Siya'y nasa sanglibutan, at ^(A)ang sanglibuta'y ginawa sa pamamagitan niya, at hindi siya nakilala ng sanglibutan.

¹¹ Siya'y naparito sa ^(B)sariling kaniya, at siya'y hindi tinanggap ng mga sariling kaniya.

¹² Datapuwa't ^(C)ang lahat ng sa kaniya'y nagsitanggap, ay pinagkalooban niya sila ng karapatang maging mga anak ng Dios, sa makatuwid baga'y ang mga nagsisisampalataya sa kaniyang pangalan:

¹³ Na mga ipinanganak na ^(D)hindi sa dugo, ni sa kalooban ng laman, ni sa kalooban ng tao, kundi ng Dios.

¹⁴ At ^(E)nagkatawang-tao ^(F)ang Verbo, at tumahan sa gitna natin (at nakita namin ang ^(G)kaniyang kaluwalhatian, kaluwalhatian gaya ng sa bugtong ng Ama), na puspos ng biyaya at katotohanan.

¹⁵ Pinatotohanan siya ni Juan, at sumigaw, na nagsasabi, Ito yaong aking sinasabi, ^(H)Ang pumaparitong nasa hulihan ko ay magiging una sa akin: ^(I)sapagka't siya'y ^(J)una sa akin.

¹⁶ Sapagka't sa kaniyang ^(K)kapuspusan ay nagsitanggap tayong lahat, at biyaya sa biyaya.

¹⁷ Sapagka't ibinigay sa pamamagitan ni Moises ang kautusan; ^(L)ang biyaya at ang katotohanan ay nagsidating ^(M)sa pamamagitan ni Jesu-cristo.

^18 (N)Walang taong nakakita kailan man sa Dios; ^(O)ang bugtong na Anak, na nasa ^(P)sinapupunan ng Ama, siya ang nagpakilala sa kanya.