Revised Common Lectionary (Complementary)

⁸ Καί τις ἀνὴρ ^[a]ἀδύνατος ἐν Λύστροις τοῖς ποσὶν ἐκάθητο, χωλὸς ἐκ κοιλίας μητρὸς ^[b]αὐτοῦ, ὃς οὐδέποτε ^[c]περιεπάτησεν. ⁹ οὗτος ^[d]ἤκουσεν τοῦ Παύλου λαλοῦντος· ὃς ἀτενίσας αὐτῷ καὶ ἰδὼν ὅτι ^[e]ἔχει πίστιν τοῦ σωθῆναι ¹⁰ εἶπεν ^[f]μεγάλῃ φωνῇ· Ἀνάστηθι ἐπὶ τοὺς πόδας σου ^[g]ὀρθός· καὶ ^[h]ἥλατο καὶ περιεπάτει. ¹¹ οἵ ^[i]τε ὄχλοι ἰδόντες ὃ ^[j]ἐποίησεν Παῦλος ἐπῆραν τὴν φωνὴν αὐτῶν Λυκαονιστὶ λέγοντες· Οἱ θεοὶ ὁμοιωθέντες ἀνθρώποις κατέβησαν πρὸς ἡμᾶς ¹² ἐκάλουν τε ^[k]τὸν Βαρναβᾶν Δία, τὸν δὲ Παῦλον Ἑρμῆν, ἐπειδὴ αὐτὸς ἦν ὁ ἡγούμενος τοῦ λόγου. ¹³ ὅ ^[l]τε ἱερεὺς τοῦ Διὸς τοῦ ὄντος πρὸ τῆς ^[m]πόλεως ταύρους καὶ στέμματα ἐπὶ τοὺς πυλῶνας ἐνέγκας σὺν τοῖς ὄχλοις ἤθελεν θύειν. ¹⁴ ἀκούσαντες δὲ οἱ ἀπόστολοι Βαρναβᾶς καὶ Παῦλος, διαρρήξαντες τὰ ἱμάτια ^[n]αὐτῶν ^[o]ἐξεπήδησαν εἰς τὸν ὄχλον κράζοντες ¹⁵ καὶ λέγοντες· Ἄνδρες, τί ταῦτα ποιεῖτε; καὶ ἡμεῖς ὁμοιοπαθεῖς ἐσμεν ὑμῖν ἄνθρωποι, εὐαγγελιζόμενοι ὑμᾶς ἀπὸ τούτων τῶν ματαίων ἐπιστρέφειν ἐπὶ ^[p]θεὸν ζῶντα ὃς ἐποίησεν τὸν οὐρανὸν καὶ τὴν γῆν καὶ τὴν θάλασσαν καὶ πάντα τὰ ἐν αὐτοῖς· ¹⁶ ὃς ἐν ταῖς παρῳχημέναις γενεαῖς εἴασεν πάντα τὰ ἔθνη πορεύεσθαι ταῖς ὁδοῖς αὐτῶν· ^17 [q]καίτοι οὐκ ἀμάρτυρον ^[r]αὑτὸν ἀφῆκεν ^[s]ἀγαθουργῶν, οὐρανόθεν ὑμῖν ὑετοὺς διδοὺς καὶ καιροὺς καρποφόρους, ἐμπιπλῶν τροφῆς καὶ εὐφροσύνης τὰς καρδίας ^[t]ὑμῶν. ¹⁸ καὶ ταῦτα λέγοντες μόλις κατέπαυσαν τοὺς ὄχλους τοῦ μὴ θύειν αὐτοῖς.